Ka Leo o ka Lahui, Volume II, Number 647, 22 February 1893 — Page 1
| This text was transcribed by: | Lynne Minamishin |
| This work is dedicated to: | Minamishin 'Ohana |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU FEBRUARI 22, 1893. Helu 647
HE MOOLELO KAILI PUUWAI
NO
SENIA LUTERA
Ka Ui Puuwai Mabala
O
ENELANI KAHIKO.
A I OLE
He Nanea Hooheno
no kekahi Kauna
Wahine Opio me
kana mau Aloha
Ekolu.
(kaukauia no Ka Leo.0
Aka nae e kuu aloha, ma o kuu haawi ana aku i kuu puu wai ia oe, ua like no ia me ko'u hoomanao mau ana iaia, no ka mea ua like loa no oe me ia.
O ko'u aloha nou he hohonu a he ikaika, eia nae, e hoomanao a e lei mau ana no au i kona aloha; no ka mea, oia hookahi ka ui mua nana i haa wi a ao i nei puuwai ia mea maika he aloha.
Nou, ooe hookahi ka lei haule a nei puuwai, a malaila oe e k@u ai, i ke kau a me ka hooilo, a oia iho paha keia:
Ohaoha wale hoi
Ko aloha i o'u nei
Me oe pu aku no ia upu
I lei mau no na kau a kau.
E like me kou noho ana mai imua o'u me ka malamalama o ka mahina maluna o kou mau helehelena nani.
Ua hiki loa ia'u ke hoohiki ae, eia e Senia me a'u, i hooi pa haneri ia ae nae ku nani mamua o ko'u ike hope loa ana iaia.
Aole ou wahi lilo mai iaia ma, me he la ua pai ia kona kii maluna o kou mau helehelena nani.
He manawa loihi ko laua noho ana, e hoike ana hoi i ka nui o ko laua aloha ia laua iho, a me ka laua mea e hana aku ai ma ia mua koke iho, a na ka leo nahenahe o ke 'lii Codona i oki pu ae i ka laua mau kuwili haoheno ana, a pa-e pono mai la ka leo mele a laua e hoomanao mau ai no na mea e pili ana i na la i aui wale aku.
Na ka leo nahenahe o ke 'lii Codona i hoopuiwa ae i na puili aloha ana a ua mau ipo la, me ka poina pu ana hoi he poe e ae kekahi mawaho o laua.
Nolaila ua kaili ino mai la o Senia i kona lima mai a Laione@a mai, me ka leo uwe ma kona mau lehelehe, a ku ae la oia iluna me ka hawanawana ana iho ma na pepeiao o kona aloha.
Ua poina loa ia au iaia, o e Laionela, kuu aloha, ua poina loa au, he poe e ae kekahi mawaho ae o kaua iloko o keia ao! heaha la ka kaua mea pono e hana ai?
Heaha ka kaua mea pono e hana ai, wahi a Laionela i panai koke aku ai, me ka lalau hou ana aku ia Senia a paa iloko o kana mau puili ana.
E hoomau aku no kaua i ka hoike pau ana i ko kaua aloha kekahi i kekahi, oiai ka manawa kupono.
He makemake nae au e hai mai oe i ka oiaio, e ae no anei oe e lilo i wahine na'u ma keia mua aku, oiai he mea pohihihi ia'u ke ola ana ma keia ao i piha me na inea, ina aole oe me a'u, ka puu kalahala o kuu la poino?
Nolaila e nana mai maluna o'u e kuu milimili, kuu moiwahine nanai hoi, e nana mai, a e hai aku no au no eia mua koke iho, a mai ka po o ka la apopo auanei e hoomaka aku aku a@! Ua lohe mai la no anei oe?
No kahi wa aku.
HE NANEA KAMAHAO
NO
MAIKA
KE KEIKI
Hapa Ilikini a Hawaii hoi.
KE KANAKA MUA LOA NANA
I PANA KE AKUA BEA A
NA ILIKINI I MAKA'U LOA
AI-A O KA WELI HOI O NA ILI KEOKEO-A ME KA LUKU IA ANA O KELA HUI KEAKA A LI.
Hiu a wela, lawe a lilo, ke keiki Hapa Ilikini, elua i ka manawa hookahi. na hana powa, a me ka make ana o na hoahanau Conegokena, ka mare ana o Maika a me na hana hoomainoino.
Ke kamailio nei oe i ka mea hiki oe i kekahi kanaka noonoo maikai e like me a'u nei ke manaoio a ke hilinai? lohe mai la ou puka pepeiao e ke keiki?
Ae, aka, he keu oe a ka hupo nui i ko'u manao! no ka mea, ke ole au e kuhihewa, ua loaa keia haawina onawaliwali ia ianei, mamuli o ke ala hookina ana i keia mau po iho nei, no ke alakiai ana i keia mau waiwai o kaua i hali ia aku la no ka halepaahao, aole anei pela kou manao?
Aole, a aole no hoi he hookahi o kau mau olelo e hiki ke hoohuli ae i ko'u manao; no ka mea o keia mau haawina a pau a kaua e ike aku la maluna ona, he mea ia e hiki ole ai i kekahi mea kino ola maikai ke hoohalike; nolaila, e akahele e Maika i kau mau hana!
Aole au e puni aku ana i kau mau olelo, ko'u manao ua aloha oe i na helehelena nani o ka wahine a Conegokena! a haalele hoi oe ia'u ka mea a lakou e hoao nei e hoohihia.
Me keia mau olelo a ua eueu Ilikini nei, o kona hele aku la no ia no ka moe a ka wahine e waiho a make ana.
Iaia i hookokoke aku ai, ua holo koke mai la kahi keiki poneko a kukuli mai la imua o Makai, me ka pane ana mai i keia mau huaolelo penei:
E ke keonimana, ke uwalo aku nei au i kou oluolu, ma o na lani 'la, mai hookokoke aku aku ma kona wahi e moe mai la.
Ina aia no ka manao aloha hoakanaka iloko ou, alaila, e aloha mai i keia mau leo uwalo, no ka mea, mai iaia keia mau kauoha i loaa mai ai ia'u ua lohe aku la anei oe?
Aole i pau pono ae keia mau olelo a ua wahi poneko nei, ua lalau iho ua lima wikani o ua eueu nei ma ka opi o kahi paele a kiola aku la mahope ona, me ka pane ana aku i keia mau olelo ia kapena Sula:
Eia mai keia wahi lawehala a kaua, malama pono ia mai; he na ana ka kapena Sula i lohe, kaka ana ka wawae o ua wahi paele nei mamua pono ona.
Ua lalau aku la o kapena Sula a hauhoa iho la ua paele nei a paa me ka naau kaumaha, no keia mau hana aloha ole a kana keiki maluna o keia wahi keiki poneko; aka aole e hiki iaia ke olelo aku, no ka mea, ua kau mai la ka weli o ua hapa Ilikini nei iaia.
I ka pau ana o keia mau olelo a ua hapa Ilikini nei ua hele loa aku la oia no kahi a ka wahine e waiho mai ana, a pane aku la.
E ka Lahui e!
E Ka Lahui Hoi!
E KA LAHUI ALOHA O HAWAII!
Eia ko oukou LEO la! KA LEO O KA LAHUI!
He nupepa keia e kokua ana i ko oukou mau pono pili paa mai na kupuna mai, a mai ka po mai; ka pono hoi o ko kakou aina, a me ko kakou Noho Moi.
He nupepa keia e hoike ana i na mea ano hou loa, o ko kakou mau Paemoku, a me na nuhou ano nui o na Aina E mai; Ma keia nupepa no, e ike ponoia ai na mea ano nui loa, e pili ana i na hana a n Komisina elua i holo ku nei no Wasinetona.
Oiai, aia aku nei ko kakou makamaka kakau nupepa noeau i Wasinetona, me ke Komisina Alii; oia o Hon. J. E. Bushi, ke kolopa uneune o ka Moana Pakipika; alaila. o na lono oiaio loa a pau, no na mea e hanaia ana ma Wasinetona, e hoouna pololei ia mai ana ia i ko kakou nupepa, ma keia mua iho.
Oiai, no ka pono o ko kakou aina wale no, ko kakou lahui a me ko kakou Moi, ko Mr. Bush bele ana aku nei; a, aole no ke kumakaia ana aku; alaila, e hooikaika pu ana oia me ke Keikialii Kawananakoa a me Mr. Numana: @ loaa, a e hoihoi hou ia mai kou mau pono oikelakela e Hawaii.
Ke haawi aku nei KA LEO O KA LAHUI i na hoomaikai ana he nui loa; ku ka paila hana ka haawe; no na makamaka a pau loa e hoouna mai ana i na mea hou ia makou.
A pela pu no hoi me na poe a pau loa i panola mai i ko lakou mau lima kokua no ke ola makamae o ka kakou nupepa, ka ahailono o ka lamaku iloko o na home aloha o Hawaii.
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1893
NA KAA
A. M. A. P. M P. M.
Haalele ia Honolulu 6:15* 8:45 1:45 4:35+
Ho@a i Honoouliuli 7:30* 9:57 2:57 5:35+
Haalele ia " 7:30* 10:133:45 5:4@+
H@@@ i Honolulu 8:35* 11:@@4:@@ @@@+
NO KULANAKAUHALE MOMI IHO.
Haalele ia Honolulu 5:10@ P. M.
Hiki i Kulanakauhale Momi 5:@@@
Haalele ia " " @:55*A.M
+ Poaono wale no
* K@@ ka Lapule
| K@@ ka Poaono.
Sept. 28 tf-dly.