Ka Leo o ka Lahui, Volume II, Number 649, 24 February 1893 — Page 1
This text was transcribed by: | Nahua Patrinos |
This work is dedicated to: | Katelyn Naminaniokalahui Patrinos |
KA LEO O KA LAHUI.
"E Mau ke Ea o ka Aina i ka Pono."
Buke II Honolulu Februari 24, 1893 Helu 649
He Moolelo Kaili Puuwai
no
SENIA LUTERA
Ka Ui Puuwai Mabala
o Enelani Kahiko
@
He Nanea Hooheno no kekahi Kauna Wahine Opio me kana mau Aloha Ekolu.
(Kakauia no Ka Leo)
Me he la, wahi hou no a ua Codona nei, he mea weliweli kekahi e hiki mai ana.
Aole i loaa ia'u kekahi mau halialia anoe e like me keia mamua, aole anei ou anoe mai e Laionela?
Ae, he pinepine ka manawa i ili iho ai maluna o'u kena ano, wahi a Laionela i pane hookamani aku ai, me ka hoholo ana ae o ka ula ma kona mau papalina, no kona hoomanao ana iho no kana mau hana lokoino a aloha ole e hookau ana maluna o kona hoaloha maikai.
Owau o Sir Laionela Mavila, ka mea nona ka inoa maikai a maemae i kau ole ia e kekahi kikohukohu, ua haule iho a haahaa loa, me ka hana ana i kekahi hana ekaeka loa, e kaili ae i ka wahine a kona hoaloha mai iaia mai!
E na lani, aole, aole e hiki ia'u ke hana i kekahi hana haahaa loa o ka lokoino o keia ano, e hiki ole ai au ke huikala ia, he lapuwale ia mau kuko wale ana, wahi ana iaia iho.
E hoao no au e hana i ka mea maikai iaia, e like me kona lokomaikai ana mai hoi ia'u.
Ua kaulona pololei aku la na maka o Senia maluna o ka helehelena o kana kane, a ike pu aku no hoi oia i ke ano haikea a kaumaha o kona nanaina, a akahi a komo iho iloko on a ka manao aloha no ua kane nei ana.
Ua ike no oia, he kanaka oia r ke kulana kiekie a hanohano, a aia hoi iloko o ka ulakolako o na waiwai he nui kahi i noho haaheo ai.
Aka, wahi hou no ana iaia iho, ma ke kaulike, ua emi iho na paona o ka waiwai i ko ke aloha.
Ua ula hou ae he noonoo hou iloko on a, no kana mea i manao ai e hana, a nana hoi e hookau maii na hoohilahila ana a kona mau hoaloha maluna ona, ua like keia mau manao e uluku ana iloko on a, me ka maka oilua o kekahi pahi hou puuwai; aka, ua ulu hou ae la iloko on a kekahi mau manao hou iloko ona, a noonoo ae la, pehea la e hiki ai iaia ke ola in a aole o kana aloha pu kekahi me ia ma keia ao.
Ina he hilahila a hilahila ole ua hoopaa mua oia i kona manao e hele pu me ia ma na kihi eha o ka honua, no ka mea o ka waiwai, he mea loaa ia ke imi aku me ka hoomanawanui; aka o ke aloha he mea e loaa ale i ke dala a me ka momi ke hookupu aku.
Malia paha ua ano naaupo au, wahi a ke 'lii Codona i hoomau mai ai, me ka leha ana ae o kona mau maka i na paia lani, aka, ke halialia e wale mai la no ia'u, me he la ua kokoke mai ko'u hopena, me oe e kuu hoaloha, a pela hoi me kuu lei o na la inea, o keia ola ana.
Ua hoopuka ia ae keia mau olelo maluna ae, e ke 'lii Codona me ke akahele, a me ke aloha oiaio.
HE NANEA KAMAHAO
NO
MAIKA
KE KEIKI
Hapa Ilikini Hawii hoi.
KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI --- A O KA WELI HOI O NA ILIKEOKEO ---- A ME KA LUKU IA ANA O KELA HUI KEAKA A LI.
Hiu a wela, lawe a lilo, ke keiki
Hapa Ilikini, elua i ka manawa
hookahi. na hana powa, a
me ka make ana o na hoa-
hanau Conegokena, ka
mare ana o Maika
a me na hana
hoomaino-
ino.
Oiai o Maika e kuupau ana i ka holo, oia pu no hoi ka manawa i pii pu ae ai ka lia maeele maluna o kona poo, me ka okakala.
Oi kali aku o kapena Sula a no ka hoi ole mai o Maika, ua pii ae la ka makau a me ka hopohopo iloko on a; nolaila me kona nana ole ae i na mea pau, ua kuupau aku la oia i ka holonaaupo.
Ia Maika i oili aku ai mai ka hale aku o Conegokena, ua holo hele aku la oia no ka nana ana i kekahi kaa, me kona manao e hului no i ke kino lepo ole wale o ka wahine no ka halepaahao.
Aka, i kona hoea ana aku ma kahi a kekahi kaa e ku wale ana, ua hoohihi aku la oia i ka maika o ka hulu o na lio o ka on a kaa, a e luhe ana hoi ka huelo aiaia kohu hau a kokoke e pa i ka lepo.
Nolaila, ua ulu koke ae la kekahi wahi manao kolohe e like no hoi me kona ano mau e ka piha eu.
Ua ninau koke aku la ua Ilikini nei, ehia ke kumukuai o na huelo o kou mau lio?
Ua ku nana iho ka on a lio no kekahi mau minute a liuliu, pane mai la:
O ko'u manao, ma ke a-na kaulike a pololei, he 20 dala, pehea la ia i kou manao?
O kau i olelo mai la, oia no ka'u i manao iho nei; no laila, na'u ka hulu a eia mai ka biia, hookahi haneri dala.
I ka loaa o ka bila dala i ke kalaiwa kaa, ua i mai la oia aohe hiki iaia ke wawahi, a hoihoi mai i ke koena, aka, ua pane aku la ka Ilikini, nau ia e ka hoaloha.
Me ka piha hoihoi i hui pu ia me ka lealea, ua hele aku la oia e oki i ka huelo o na lio ona.
I ka pau ana, ua owili maiau ae la oia iloko o kekahi apana pepa lahilahi, me ka i ana aku i ka opio, oia wale no anei kau mea i makemake ai e ka hoaloha?
Aole, aka e oluolu oe e lawe aku ia'u no kahi noho o kapena Sula,
I ka pau ana o keia mau olelo a ua hapa Ilikini nei o ka hao aku la no ia o ke kalaiwa kaa i kona mana, ke hele 'la a ----
Niniu poahi ka lawe'na
A Ka eueu o ke kula loa
He kulana he hi-o ka'u i ike
Noho ana i ka malu he Kiawe.
Aohe i u iho noho ana laua nei i kahi i makemake ia, o ka iho la no ia o ua Maika nei a hele pololei aku la no kahi a ka hale e ku ana.
Iaia i komo aku ai iloko, ua hele huli aku la oia i kana aloha ma kela a me keia rumi, a i ka rumi hope loa o kana kuekaa ana, aia hoi loaa aku la iaia ka eha koni a loko ua hele a upehupehu na maka, me he la, i uwe wale ia no mai kona manawa i lawe ia ai a hiki ia sekona.
A oia kana i hoomanao ae ai keia mau wahi lalani mele:
Akaka ke aloha kakia iwi
Ke hele ala a hu mawaho
Uumi iho ana hoi e nalo
Pakele oi ae ko i ala pii.
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892
NA KAA
a.m. a. p. m. p. m.
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Haaleleia Honouliuli 7:30* 10:13 3:45 5:42+
Hoea i Honolulu 8:35* 11:55 4:55 8:50+
NO KULANAKAUHALE MOMI IHO
Haalele ia Honolulu 5:10II p.m.
Hiki i Kulanakauhale Momi 5:48II
Haalele ia Kulanalauhale Momi 6:55* a.m.
+ Poaono wale no
* Koe ka Lapule
II Koe ka Poaono
Sept. 28 tf-dly
HOOLAHA AINA.
E ike auanei na kanaka a pau me keia Hoolaha, owau o S.K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii. O ka mea a mau mea i kuai a hoolimalima paha i keia mau aina, aole i mana ia hana ana, in a he mea a mau mea paha e paa mei i ua mau apana aina nei, e hoike koke mai ia'u, a i ole e kipaku no au ia lakou.
S.K. Kila Opio.
Honolulu, Feb 17 1893.
4ts - wkly.
OLELO HOOLAHA
E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o @ kuai a me ka hoolimalima a lawe aihue i na manu Pelehu. Pikake a me na ano manu e ae apau loa e hle ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua. a hookolokolo, a hoopai ia e ke kanawai no ka lawe aihue i kekahi o ua mau ame manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau, aole e hele maluna o ka maua mau aina kula no ka lawe ana i na Bipi, Lio a mau Holoholona e ae me ke noi mua ole mai ia maua a i ke maua Luna paha, oia o Frank Freitas e noho ala maluna o ka aina.
A. ENOS & CO.
Wailuku, Maui, Feb. 9th. 1893
Feb9 @