Ka Leo o ka Lahui, Volume II, Number 649, 24 February 1893 — Hooheno no ka Lei Poni Moi. [ARTICLE]

Hooheno no ka Lei Poni Moi.

Hooheno ke ia hiki ahiahi, No kuu pua lei poni Moi; Ua poni kuhihewa ko'u manao, Ahe pua lei au nou e ke hoa; Au i lawe hooheno aku nei, I pua onou no ko alo; Nawai e ole kou hiaai, Ahe rose Hawaii no ka hikina; Kiina ia ae a ka wekiu. Aka piko Kaulana o Maunakea, Ka lehua akea ko'u lei ia, E kahiko mau nei kuu nui kino; Ua u-o a paa polena ia. Na kaula kaa kolu a ke aloha. Haina ka inoa o kuu lei; No kuu pua lei poni Moi, E o mai oe i kou inoa, Ka wahine piilani kuu kamalei.