Ka Leo o ka Lahui, Volume II, Number 652, 1 March 1893 — Page 4
| This text was transcribed by: | Richard Tavares |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
-----
KA LEO.
-----
JOSEPH NAWAHI,
-----
HONOLULU MARAKI 1, 1893
-----
KA MOOLELO
--O--
HIIAKAIKAPOLIOPELE.
-----
I HOOPONOPONOIA
MAI KA POE KAHIKO MAI A
ME KA POE I HOOPAA I NA
MOOLELO A ME NA
KAAO KAHIKO O
HAWAII NEI.
-----
Apau ia kahea ana aia nei, i mai la laua la, penei, kahaha! aole paha o ka maua ke haawi aku nau o kau ke haawi mai na maua, alaila heke ae olua maluna o ka maua alanui aole paha e loaa wale aku ka maua ia oe.
Alaila, nonoi hou no keia ia laua i ka ia ma ke mele penei:
Kahulihuli ------- e
Ka papa o Wailuku
He ole Kekaha
Kuai i’a ------- e
Homai ka ia
Hou ai ana hoi ka i’a
I aina aku hoi ------- e
A pau ia noi ana a ia nei. hole hou mai la no laua la e like me mamua; o ko ia nei nonoi hou aku la no ia ma ke mele penei:
Kahulihuli ------- e
Ka papa o Wailuku
He ole Kekaha
Kuai paakai ------- e
Homai ana hoi ka paakai
I aina aku hoi ------- e
O ka laua nei hana no ia o ka hoole manawaino mai, me ka i pu mai no hoi i ka huaolelo o ka nele:
Aole e loaa ia o eke alanui, aia wale no a haawi mai i ka uku ia maua. Ike no keia i ko ia nei nele nonoi hou no keia ma ke mele penei:
Kahulihuli ------- e
Ka papa o Wailuku
He ole Kekaha kuai ko! He ole Kekaha
Kuai ko ------- e
Homai ke ko
I aina ae hoi ------- e
Hoole hou mai la no laua la, noi hou aku la no keia:
Kahulihuli ------- e
Ka papa o Wailuku
He ole Kekaha
Kuai kappa ------- e
Homai ke kappa
I aahu ia aku hoi ------- e
Hoole hou mai la no laua la, noi hou aku la no keia ma ke mele penei:
Kahulihuli ------- e
Ka papa o Wailuku
He ole Kekaha
Kuai wai ------- e
Homai ka wai
Homai ka wai hoi ------- e
I inu ia aku hoi ------- e
I ka pau ana o keia mele a Hiiakaikapoliopele, olelo aku la keia i kanaka e noho ana e nana i ke kuai o lakou nei i ke alanui, i aku la keia; ka! ina paha o keia noi ana aku nei a’u ia laua la a he mau kanaka, haawi mai la; aole hoi e hihi o ke noi ana o na akua, aohe wahi mea a maliu mai.
Ninau koke mai la ua poe kanaka nei: ka! he mau akua anei kela mau kanaka?
Ae, aku la o Hiiakaikapoliopele, me ka i ana aku: he mau akua laua la.
Mamuli o keia ae ana aku a ia nei, ua hoopaapaa iho la oia me ka nui o kanaka. no ka mea, aole hookah o lakou i maopopo. he mauakua keia mau kanaka; hoi iho no hoi, aole lakou i ike o Hiiakaikapoliopele ko lakou hoa papa olelo.
-----
Ua pane hou aku la keia ia lakou: he mau akua laua la, he mau moo, ina au e kii ae ana, he ike ae no oukou i holo o laua la.
I loko o keia mau hoakaka a ia nei, aohe wahi mea a maliu iki ia mai; aka, ua pakela oi loa ae la ko lakou hoopaapaa mai, me ka i pu mai ia ia nei e pili; ua ae aku la keia.
Ua ninau hou mai la ua poe nei, heaha kau kumu pili in an ao ai?
O ke aha aku auanei ua kumu pili a kamahele hookah wale no paha o na iwi, wahi a Hiiakaikapoliopele.
Ua kukui aku keia lono a lohe ke alii aimaoku, o kona pane koke ae mla no ia.
-----
HE MAU NANEHAI NO KA NAAUAO.
-----
Imua o na opio o ke au o Liliuokalani.
Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?
Nanehai 5. Heaha la ka mea e moe ai (upoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
[Ma ka loaa pono o ka haina, e kapaeia ai kekahi Nanehai, mai ka hoolaha mau ana.]
-----
E Nana e na Keonimana i Keia.
KE KONO AKU NEI MAKOU IA OUKOU E KIPA MAI; A KE WAIHO PU AKU NI I KEKAHI MAU KUMUKUAI HAAHAALOA.
N. S. SACHS,
104 Alanui Papu, Honolulu
He heluna nui o na waiwai o na kane i loaa mai nei ia makou ma ka nokuahi hope loa mai nei.
Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau KUMUKUAI.
KOE NA AAHU O WAHO.
Na Pale Ili o luna o na Kane 25c Na Palule Kane Ano Hou loa $1.26
“ “ Huluhulu “ 50c “ Kakini Kane 2 Paa ia ka .25c
“ “ “ o lalo “ 50c “ “ “ maikai loa
“ “ “ 3 paa i ke $1.00
“ Palule Hana o na Kana mai ka 75c a pii aku
“ Hainaka Keokeo o na Kane he $1.00 no ke Kakini
“ “ Aiana ole ia o na Kane o ke ano maiki loa 60c
“ Lei Ai Silika Ano Hou loa o na Kane 3 i ke $1.00
-----
Na Paikini Hou loa, o na Aikala, Pulima, Kaawe, na Hainaka Silika A me na Lei Ai o na like ole heluhelu loa; ma na Kumukuai Haahaa loa.
Na Pahu lole a me na paiki e kuaiia no i ke Kumulilo.
Na Lolewawae Ahinahina Pelekane Uliuli me ka Ulaula.
Na Paalole o ka poe Pena, a me na Palule hana o na ano a pau.
Na Paalole Auau o na Kane me na Kamalii, me na Lolewawae ekekei.
E hoomanao o ka makou na Kumukuai haahaa loa. E mkipa mai, i pau ai ko oukou kuhihewa.
-----: N. S. SACHS :-----
575-tfd. 104 Alanui Papu, Honolulu.
-----
$5,000 Makana! Haawi Wale ia!
-----
E Hoomaka ana keia kuai me n a makana Dala mai keia
POAKAHI AKU, NOV. 7, 1892
-----
A e hoomau ia aku ana e like me ka hiki.
Iloko o keia manawa kuai, o kela a me keia mea e kuai ana a hiki i ka $2.59, e loaa ana iaia he makana nai o na
Lako Dala a me Aniani Peachblow,
Ma ke aniani maoli, a i ole, ma ka Lako Satina.
E HOOMANAO
Aole o kela a me keia mea kuai 5, 6 a 10 ana paha a ka mea kuai e loaa ai ka makana, aka, e haawi ana makou ke makana i na mea e pau e kuai ana a piha ka huina maluna ae ma na waiwai kuai. Oiai, e waiho ana makou i ka hana, a e kuai ia aku ana na mea pau mamua ae o ka la 1 o Ianuari, 1893.
E hele mai i hookah, e hele ma no a pau loa, mai ke nui a ka liilii.
Chas. J. Fishels.
575-tfd Halekuai alakai o na kumukuai haahaa loa.
-----
HE KUAI HOOKELAKELA NUI!
-----
Hele mai Hookahi, a i ole hele mai no a Pau Lola
MA KA HALE KUAI ALAKAIO
B. F. Ehlers & Co. -- PAINAPA.
HELU 99 Alanui Papu.
-----
Oili Pulelo PAINAPA e kela i Kaupoku o Hanalei; aka i hewa no nae i ka lele mua i ka hooulu i ka la ino.
-----
Oiai he manawa ilihune keia no ka aina nei, no ka mea ke wawalo mai nein a leo pilikia o ka lehulehu mai o a o a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku nei au ma ia hana maikai, no ka mea
He Kawai a Na’u i Lele a Opu.
He mau makahiki loihi i hala ae nei, akahi okoa kuuoluhua i ke ahi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko
Ohi Hapuku ka I’a o Kapaau.
Eia ma Ko’u Halekuai nein a Papaie Kamalii o na ano a pau, na Lako Lole n a Hapuu a oukou o na paikini a pau, mai ke nui a ka ukulele, ma lako lole o @ Lede a me na Keonimana o ke ano hou ka i ike mua ole ia ma Hawaii nei, na @ malu o na waihoolulu a pau, a pela aku, a pela aku
E Kuai ia aku ana no ke Kumupaa.
Nolaila mai hoohala i ka ike ana ia kaua.
E hoomaka ana keia kuai hoakelakela mai a @ a keia mua aku. Na ka elei mua no ka loaa, oloolo aku n ihope,@.
575. tf-dly. B. F. EHLERS & CO.