Ka Leo o ka Lahui, Volume II, Number 652, 1 March 1893 — Palanehe i ka Iwihilo Song. [ARTICLE]

Palanehe i ka Iwihilo Song.

Akahi no po a ke ala I hiki mai ai i ou nei Koikoi mai ana i ka manao I hoapili no ka makemake E ake ka manao e ike I ka nani i lohia i ka poli Ua mali ia ua paa Ua hei i kau makau. Ua ai ia kau maunu Ke momoni nei kau ma-na Ua lihi lou ia loko Palanehe i ka iwihilo Hilo ia iho ko aloha Pili paa ia i ke alo Ua mali ia ua paa Ua hei i kau makau. O ke kiina ia ua lai Ka apona ana ia ua olu Ke kawili ana ia ua paa Ua kokohi i ka puuwai Nawai no e ole A he ohu ia no ke kanaka Ua mali ia ua paa Ua hei i kau makau He Inoa no Kapuahanolani.