Ka Leo o ka Lahui, Volume II, Number 653, 2 March 1893 — Page 4
This text was transcribed by: | Danna Lyman |
This work is dedicated to: | Kamehameha Class of 1962 |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOSEPH NAWAHI,
HONOLULU MARAKI 2, 1893
KA MOOLELO
-o-
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A ME KA POE I HOOPAA I NA
MOOLELO A ME NA KAAO KAHIKO O HAWAII NEI.
Kahaha! aole paha ia o ka mea e pili ai, o ka waiwai ko kahi aoao a o na iwi ko kekahi; he waiwai no he waiwai, he iwi no hoi a he iwi; nolaila, e hele aku oukou a olelo aku i ua wahine ‘la, aohe ma ke pili i na iwi me ka waiwai, eia ka waiwai ia’u, o na iwi ua oki ia.
Ae aku la na kanaka i keia manao aloha a oluolu o ke alii, a hoi nui aku la, a hahai aku la i na mea a pau i kauoha ia mai ai ia lakou e ke ali’i.
O ka pili i ho la no ia o lakou, a paa ka pili, o ka pane koke aku ia no ia o Hiiakaikapoliopele i kona poe noa pili.
E, ke kii nei au ia laua la, a i noho mai auanei aohe holo aku, alaila, ua kaa ka eo ma ko oukou aoao; aka hoi, i nana oukou a i holo, alaila, na’u ka lanakila na ka malihini.
Hoomaka aku la o Hiiakaikapoliopele e kii ia laua; e kuu aku ana ua mau kanaka nei i ka holo, o ko ia nei kahea mai la no ia i kanaka e hopu aku ma ke male penei:
Kaumaha ka ai
O Hilo i ka lehua
@ai ka nuku
O ka manu o Punahoa—e
Ho-a ia iho la kau kanaka
I paa o pahee auanei
Hina i ka lua kanaka
He kanaka he mau akua—e
Kii hou aku la no keia e pepehi, nu hou aku la no ua mau moo nei ka i holo; oi holo aku o laua nei a hiki i kahi i pane o loa mai ai o Piiamao ia Nohoamoo i na huaolelo io @ mihi:
E aho e kahea aku oe i ka moopuna a kaua, i hewa no kaua ia oe, i ka hoouluulu i ka la ino, a laa ka make o kaua la, penei oe, noonoo mai no ko kaua pakele.
Ua pono io oe o kaua, a huli mai la oia a kahea mai la ia Hiiakaikapoliopele ma ke mele penei:
Kupu maikai ae la
Ka wahine o ka lua
Ua ia iho la e ka ua
O Kilinahe ka maka
O ka lehua mauka
Mauka oe e hele ai
Ma Kehoau auwai
E waiho ke ala no maua
No na kupuna—e
I aku la o Hiiakaikapoliopele, aohe olua e ola ia’u, e make ana olua i keia la.
Ia manawa, o ka uholo loa aku la no ia o laua nei a pee iho la iloko o ko laua mau poopoo pakahi; ua hele loa aku la no o Hiikaikapoliopele a uhae pakahi aku la i ko laua mau waha, a make iho laua ia manawa, a ko hoi ka ia nei mea i kamailio mua ai i kanaka, he mau akua laua.
I ka make ana o ua mau moo nei, ua kaa ae a ka lanakila ma ka aoao o kamahele, ua pau loaa iho la ka waiwai o kamaaina i ka lilo i ke alii, kona mea nana i kokua, a paa iho la ko ia nei mau hoa pili i ka laau a Kekuaokalani, oia hoi o Hoolehelehekii, a pomaikai ka mea nana i kokua iaia.
I laila, hoi hou o Pa-uopalae i Kohala, no ka mea, ua makemake o Pa-uopalae, i kekahi kanaka o Kohala, o Pakii kona inoa, a noho loa o Pa-uopalae i Kohala, a hele aku la o Hiiakaikapoliopele me Wahineomao.
E Nana e na Keonimana i Keia.
KE KONO AKU NEI MAKOU IA OUKOU E KIPA MAI; A KE
WAIHO PU AKU NEI I KEKAHI MAU KUMUKUAI HAAHAA LOA.
N. S. SACHS,
104 Alanui Papu, Honolulu.
He heluna nui o na waiwai o na kane i loaa mai nei ia makou ma ka mokuahi hope loa mai nei.
Ua Hiki ia MAKOU ke Hoolawa aku i ko OUKOU Makemake ma na ANO a pau, a he HAAHAA loa ka MAKOU mau KUMUKUAI.
KOE NA AAHU O WAHO.
Na Pale Ili o luna o na kane 25c. Na Palule Kane Ano Hou loa $1.26
" " Huluhulu " 50c. " Kakini Kane 2 paa i ka 25c.
" " " o lalo " 50c. " " " maikai loa
" Palule Hana o na Kane mai " " 3 paa i ke $1.00
ka 75c a pii aku " Hainaka Keokeo o na Kane,
" " Aiana ole ia o na Eane o he $1.00 no ke Kakini
ke ano maikai loa 60c. " Lei Ai Sihka Ano Hou loa o
na Kane 3 i ke $1.00.
Na pakini Hou loa, o na Aika’a, Pulima, Kaawe, na Hamaka Silika.
A me na Lei Ai o ha ano like ole he lehulehu loa; ma na Kumukuai Haahaa loa.
Na Pahu lole a me na Paiki e kuaiia no i ke Kumulilo.
Na Lolewawae Ahinahina Pelekane Uliuli me ka Ulaula.
Na Paalole o ka poe Pena, a me na Palule hana o na ano a pau.
Na Paalole Auau o na Kane me na Kamalii, me na Lolewawae ekekei.
E hoomanao o ka makou na Kumukuai haahaa loa. E kipa mai, i pau ai ko oukou kuhihewa.
:N.S. SACHS:
575-tfd. 104 Alanui Papu, Honolulu.
Ia hele ana aku a laua nei a hiki i kekahi wahi muliwai, ua hoohihi aku la laua nei i ka aliali maikai o ka wai, nolaila, ua wehe ae la laua nei i ko laua nei aahu a pau, a iho aku la iloko o ka wai e auau ai, o ka inoa o keia muliwai oia no o Honolii i Hilo Hawaii, oli mai ana keia mau wahi unihipili, o Ahinahinakuikapali ma penei:
Hakumakuma na ao kaalelewa, heaha ka hopena? Kuailo ia mai hoi e ka poe lae!
HE MAU NANEHAI NO KA NAAUAO.
Imua o na opio o ke au o Liliuokalani.
Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?
Nanehai 5. Heaha la ka mea e moe ai (upoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
[Ma ka loaa pono o ka haina, e kapaeia ai kekahi Nanehai, mai ka hoolaha mau ana].
$5,000 Makana! Haawi Wale ia!
E Hoomaka ana keia kuai me na makana Dala mai keia
I OAKAHI AKU, NOV. 7, 1892
A e hoomau ia aku ane e like me ka hiki,
Iloko o keia manawa kuai, o keia a me keia mea e kuai ana a hiki i ka $2.50,
e loaa ana iaia he makana nani o na
Lako Dala a me Aniani Peachblow,
Ma ke aniani maoli, a i ole, ma ka Lako Satina.
E H O O M A N A O
Aole o kela a me keia mea kuai 5, 6 a 10 ana paha a ka mea kuai e loaa ai ka makana, aka, e haawi ana makou ke makana i na mea e pau e kuai ana a piha ka huia maluna ae ma na waiwai kuai. Oiai, e waiho ana makou i ka hana, a e kuai ia aku ana na mea pau mamua ae o ka la i o Ianuari, 1893.
E hele mai i hookahi, e hele ma no a pau loa, mai ke nui a ka liilii.
Chas. J. Fishels.
575-tfd. Halekuai alakai o na kumukuai haahaa loa.
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
MA KA HALE KUAI ALAKAI O
B. F. Ehlers & Co—PAINAPA.
HELU 99 Alanui Papu.
Oili Pulelo PAINAPA e kela i Kaupoku o hanalei;
aka i hewa no nae i ka lele mua i ka hooulu i ka la ino.
Oiai he manawa ilihune keia ao ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoopohu mai nei hoi kekahi mau la e kuai e hoao ana e kulai kekahi i kekahi, nolaila ke komo pu aku nei au ma ia hana maikai, no ka mea
He Kawa ia Na’u i Lele a Opu.
He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelu o Lanihuli, a i mea no kou e hoohoia ai kela olelo kaulana a kahiko.
Ohi Hapuku ka I’a o Kapaau.
Eia ma Ko’u Halekuai nei na Papale Kamalii o na aku a pau, na Lako Lole na Hapuu a oukou o na pakini a pau, mai ke nui a ka ukulele, na Lako Lole o @ Lede a me na Keonimana o ke ano hou loa i ike mea ole ia ma Hawaii nei, na @ malu o na waihoolulu a pau, a pela aku, a nela aku.
E Kuai ia aku ana no ke Kumupaa,
No laila mai hoohala i ka ike ana ia ka@.
E hoomaka ana keia kuai hoakelakela mai a ma keia mua aku. Na@ @ mua no ka loaa, oleole au no ihope, @.
573. tf-div. B. F. EHLERS & CO.