Ka Leo o ka Lahui, Volume II, Number 654, 3 March 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

HE MOOLELO KAILI PUUWAI

NO

SENIA LUTERA

Ka Ui Puuwai Mabala

o

ENELANI KAHIKO

A I OI E

He Nanea Hooheno no kekahi Kauna Wahine Opio me kana mau Aloha Ekolu.

(Kakauia no Ka Leo.)

            Ua hiki ia kaua elua ke nana aku i hope a olelo ae ua oi aku ka maikai o ko kaua hui ana, mamua o ko kaua auwana i o a ia nei. Ua oi aku oe mamua o ka mea a kekahi kanaka e noi ai i kekahi wahine @ hoi kou hoopono, me kona ike iho no aole i @ mai kou puuwai iaia, @ ke hoomaikai aku nei no @ ia oe. Pehea la, ua ike no anei oe i ka hauoli o keia mau la o ko kaua noho pu ana?

            Ae, ua ike au i ka nui o ko'u hauoli, wahi ana i pane mai ai me ka @ haalulu. O ko'u mau la me oe ua hoohala ia iloko o ka oluolu, a i oi aku mamua o ka'u i manao i @ ai, mahope—mahope—

            Ke ike aku la no au, e kuu aloha wahi ana ke lii i pane koke mai ai, @ i lohe mai ai i ke ano haalulu @ ka leo o kana wahine, a ua ike no @ au i ke ano o kou ehaeha.

            Mai ko laua mare ana a hiki i @ po a laua e kamailio nei, aole i ike ia kekahi manawa ona i hoo@ mai ai i na olelo ku i ke aloha a oluolu e like la me ia po, a o ko laua @o hope loa no hoi e launa like ai iloko o keia ao, aole nae oia i ike. Aia ka ehaeha ke hoolauwili la iloko o ka puuwai o ka ui Senia, no kona ike iho aia oia ke hana nei i ka he@ i kekahi hewa ele, e like la me @ kane, aole no nae ia he mea @ e mihi a hoike aku ai paha i ua kane la ana, no ka mea ua ike oia ua nui hewahewa loa kona alohe no Laionela, a he ano makee wale no hoi kona no ke alii Codona aole hoi he aloha maoli.

            I ko Senia hiki ana aku i kona @, ua kukuli koke iho la oia ma @ aoao o kona moe, a haawi aela he mau huapule.

            E na Lani e kala mai ia'u ina ua @, aka he mea hiki ole ia'u ka haawi pio ana iaia! Oia ko'u Akua ko'u ola, a he paakiki no'u ka hoi hope ana. O, e Laionela e kuu mea nui hookahi aole paah oe i moeuhane iki o ke 'liiwahine Codona, au e aloha nei, oia no o Senia Lutera, ke kaikamahine i aloha kupouli ia oe, au hoi e manao nei aia oia ke hiolani la iloko o kona luakupapau! Ua minamina au no ko'u hai ole ana aku ia oe e ke aloha, aka aole e hiki, o, aole e hiki.

            Aole e hiki iaia ke huikala i ka hewa o ke kaikamahine, nana oia i hana apuka, no ka mea, ua nui loa kona aloha ana nona, eia nae ua hiki iaia ke huikala a aloha i kekahi wahine a kona hoaloha, no ka mea ua hoopouli ia oia e ka ikaika o kona makemake.

            I kona hookuu ana iho i kona kino maluna o kona moe ia po, ua loaa iaia ka moe oluolu ana, i hoopiha ia me na moeuhane he nui wale no kana ipo aloha, a aole hoi he hookahi hoomanao ana no na maka haikea a kaumaha o kana kane, a me kana mau olelo kaukau hoi i ua po la.

            Na na kukuna pumehana o ka la i hoala ae i kona hiamoe i ua kakahiaka la, e hoopiha ana hoi i kona rumi me kona nani nui. Ua ala aela oia a noho iluna o kona moe. me kona mau maawe lauoho nani e kuuwelu ana ma kona mau poohiwi ua hoomanao koke ae la oia o ua la la ka la i hooholo ia ai no ka laua mea i kuko ai. Ua ano pihoihoi ae la oia, no kona hoomanao ae a hala ia po a i kekahi la ae, aia oia iloko o na lima o kana aloha. Nawai no hoi e ole kona pihoihoi, a hina hou aku la iluna o kona mau uluna me ka makau honua ana i kona hauoli e hiki ana, me ke ake ana no ka hiki koke ana mai o ua hora la. me ko laua mau puuwai elua e inu ana i ke aloha o kekahi me kekahi. me ko laua manao aole he mea nana e hookaawale i ua pili aloha la a laua

            Ua hoohala ia eia na manawa oia la iloko o na manao he nui e hoouluku ana iloko ona me he moeuhane ia, me ka pana ikaika ana a kona. Ke honi aku la no hoi ia i ka moani mai o he ala o na pua, a me ke kani hoene ana mai a ka leo o na manu, maluna o na lala laau.

            Ke hookokoke mai la ka eheu o ka po e uhi maluna o na mea a pau a oia no hoi ka wa ana e ake nei o ko Laionela hoea mai i ona la. A iaia no e nanea ana lohe ana oia i ka nehe o kekahi mea ma ka aoao o kona moe, ua puiwa aela oia, me kona manao kuhihewa la o kana kane.

 

HE NANEA KAMAHAO

NO

MAIKA

KE KEIKI

Hapa Ilikini a Hawaii hoi.

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI—A O KA WELI HOI O NA ILI KEOKEO—A ME KA LUKU IA ANA O KELA HUI KEAKA A LI.

Hiu a wela, lawe a lilo, ke keiki Hapa Ilikini, elua i ka manawa hookahi, na hana powa, a me ka make ana o na hoahanau Conegokena, ka mare ana o Maika a me na hana hoomainoino.

            A e haawi mai hoi oe i kou noonoo akahele ana maluna o ka hihia kipu o na keiki a Conegokena, a me ke kino make o keia wahine, no ka mea aole e hiki ke hoohakalia i ke kino o keia wahihe.

            Ua ae au i kau mau mea  a pau i kamailio mai nei, aka nae e kali iki ka aha no hapalua hora mai keia manawa aku, e nana mua au i ka moolelo o keia hihia mai ka Ilamuku mai.

            Huli ae la ua wahi makai nei a hele awiwi aku la a kau iluna o ke kaa; a holo pololei aku la no ka hale paahao, iaia i hiki aku ai ua hui aku la oia me ka wiliki, a oia kana i pane mai ai:

            Auhea aku nei ka hoi kau mea i kii aku nei?

            Aia aku nei i ka rumi hookolokolo.

            A i hele hou mai nei ka hoi oe i keaha?

            I hele mai nei no au e nana i kuu eha koni.

            Eia aku no iloko ua kuli paa nei au iloko o ka rumi, oi noke aku nei a— aohe ka hoi he wahi mea a maliu iki mai!

            Ilaila aku nei ka paha oe?

            He mea ka hoi kau, i ko ia nei pakela hoohu'a; oi panuku iho nei hoi a—

            Aole i pau pono keia mau olelo maluna ae, ua kahamaha koke iho la ka wiliki, mamuli o kona ike ana aku e hoopunana iho ana na hiohiona o ka inaina maluna o kona hoaloha.

            Eia aku no ua aloha nei au iloko o kona rumi. e wiki aku e kuu hoaloha o hoea e mai auanei ko makou uui, ahuwale ae hoi ka kaua no'a huna.

            I ka lohe ana o ua Ilikini nei i keia mau olelo oluolu a kona hoa maikai, ua kaha aku la oia hele no ka rumi o ua aloha pau ole nei ona.

            I kona komo ana aku e noho maikai mai ana no kana aloha iloko o kona nani nui, a lele aku la oia e honi i ua ipo nei ana me ka pane ana aku:

            Ina auanei oe e kii ia mai ana no ka rumi hookolokolo, e lu koke iho oe i kou mau lauoho kui ilalo, a i komo aku auanei oe iloko o ka rumi hookolokolo, mai no oe a nana iki mao a maa nei, a pela no hoi ma ka pane, e lohi kau pane ana i pono ai kaua, a o kekahi hoi, e nana mua mai ia'u mamua o kou pane ana i kekahi ninau e waiho ia mai ai imua ou, oia ko'u kumu i hiki mai la, e hoomaopopo hou aku i ka'u mea mua i aoao ai ia oe, manao mai nei hoi au o poina oe e kuu aloha.

            Manao oe—e kuu daisy—e poina ana kau Laau@ilo ia mau mea, aole loa, esteph, ina e komo mai ana he mau ninau e pili ana no na opua i walea ai iloko i ka hihipe'a o ka Awapuhi; hai aku au ia oe me ka pololei,—manao oe—@ai mai ana ka mea hewa ua hana hewa ia; ma ka olelo pololei ana ae, aole au e ae e hoike imua o ke ao holookoa. ua p@i oe e kuu daisy ma ka puka-aniani. a me ka hoao ana hoi e wehe ina aahu lalo o Pelemakauli, aole loa hookahi o ia mau mea e pu-a mai nei waha aku, oiai ko aloha e haawe ana maluna o'u.

            Ina pela ua pono ae la, no ka mea ke hemahema no oe, papapau kaua i ke ahi; nolaila, eia au ke haalele nei ia oe, a hui hou aku no kaua iloko o ka rumi hookolokolo e kuu milimili.

            Ua lele koke aku la ua kaikamahine nei a puili aku la i ka a-i o Maika, a haawi mai la i na honi muki o ke aloha oiaio; oiai nae laua e lulumi ia ana iloko o na kipo@ a ke aloha, ku ana kahi wiliki a pane mai la i ka nohea:

            Na'u hoi kahi?

            Kahi aha? wahi a ka nohea.

            Kahi o kela mea maikai a olua i hooma-u iho nei, ka mea hoi a'u i nonoi mua aku nei ia oe, au hoi i ka mai nei ia'u i ka @

            Elike no me kou @, pela no hoi keia; wahi a ua @

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

A. M. A. P. M. P. M.

Haalele ia Honolulu 6:15* 8:45 1:45 4:35t

Hoea i Honouliuli 7:20* 9:57 2:57 5:35t

Haalele ia " 7:30* 10:13 3:45 5:42t

Hoea i Honolulu 8:35* 11:55 4:55 6:50t

NO KULANAKAUHALE MOMI IHO.

Haalele ia Honolulu 5:10ll P. M.

Hiki i Kulanakauhale Momi 5:48ll

Haalele ia " " 6:55* A. M

            t Poaono wale no

            * Koe ka Lapule

            ll Koe ka Poaono.

Sept. 28 tf-dly.

 

HOOLAHA AINA.

            E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau Mokupuni o Hawaii. O ka mea a mau mea i kuai a hoolimalima paha i keia mau aina, aole i hana ia hana ana, ina he mea a mau mea paha e paa nei i ua mau apana aina nei, e hoike koke mai ia'u, a i ole e kipaku no au ia lakou.

            S. K. KILA OPIO.

            Honolulu. Feb 17 1893.

            4ts-wkly.

 

OLELO HOOLAHA.

            E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu, Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau @ manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi, @o a mau Holoholona e ae, me ke noi mua ole mai ia maua a i ko maua Luna paha, oia o Frank Fr@itas e noho ala maluna o ka aina.

            A. ENOS & CO.

            Wailuku, Maui, Feb. 9th, 1893

            feb@