Ka Leo o ka Lahui, Volume II, Number 663, 16 March 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

JOSEPH NAWAHI,

 

HONOLULU MARAKI 16, 1893

 

KA MOOLELO

-O-

HIIAKAIKAPOLIOPELE.

 

I HOOPONOPONOIA MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

 

            Ia pau ana o ka ai ana, noho iho la lakou nei aohe liuliu iho poeleele hoomakaukau lakou nei e moe ia manawa no ka mea ua uhi mai la ka po.

            Ia manawa hoomakaukau o Kanahau i kahi moe, hookaawale o Kanahau i kona wahi e moe ai, a me ko laua nei wahi hoi e moe ai hana keia a maikai, i aku o Kanahau ia Hiiakaikapoliopele me Wahineomao, auhea olua eia ko olua wahi e moe ai eia nohoi ko'u wahi he kapu kou wahi mai noho olua a hele makou wahi e moe ai ae mai la laua, a kau a e la o Kanahau i ke kaula mawaena o ko laua wahi e moe ai a me keia nei paa ke kanawai, puka aku la o Kanahau i waho e hele ana oia imua o ka heiau e like me na hana mau a ka poe o ka wa kahiko oia noho ko Kanahau imua o ka heiau a hoi mai e moe i nana aku ka hana o Kanahau e moe mai ana keia wahine ma kona wahi e moe ai ua hoi aku o Hiiakaikapoliopele ma ko Kanahau wahi e moe ai. I aku o Kanahau, ka! ua papa iho nei hoi au ia olua, aole olua e hele ma ko'u wahi eia ka! ua hoi ae nei kekahi o olua ma ko'u wahi, ia manawa huhu loa o Kakahau, o ka hele aku la no ia o Kanahau ma kahi e e moe ai.

            A ao ae puka aku la no o Kanahau, hele imua o ka heiau o kana mua ia, a hoi mai hoomakaukau ka ahaaina, i aku o Wahineomao ia Kanahau, ke koi nei ko wahine e hele i ka makaikai ma keia wahi aku la, i mai o Kanahau, e ai hoi ha alaila hele, i mai o Wahineomao, e hele ae maua mamua a hoi mai alaila hoi mai ai.

            Ae aku la o Kanahau o'u haele hoi ha a hoi mai; mai hele loa aku olua o maalili loa auanei kahi mea ai a kakou.

            Ae aku la laua nei, kuhi ana o Kanahau he pono keia, ko laua nei hole aku la no ia a hala o Waiopihi a hala ia mau wahi aku, a malaila a hiki i Kaulu, a malaila aku a Kunanalepa, a! inana aku ka hana o laua nei e auau ana o Hauwahine i ka wai o Kawainui ike mai ana o haumeawahine ia iaua nei, kapeku mai ana kela i ka wai o kawainui, lele ae ana ka manu o kawainui i luna paa ka la, i aku o Wahineomao ia Hiiakaikapoliopele. E! o ka poeleele koke iho la no ka keia o ka la ke ao koke ana ae nei no o keia po, o kapoeleele koke iho nei no ka ia, i mai o Hiiakaikapoliopele ia Wahineomao, aohe po, he manu nana mai nei o haumeawahine a ike ia kaua kapeku ae la ika wailele a e la ka manu iluna paa ka la alaila oli aku o Hiiakaikapoliopele i keia wahi mele penei:

            A Kailua i ka Malanai

            Moe e ka lau o ka ukiukiu

            Puiwa i ka leo o manu-e

            He manu, he manu o Haumeawahine

            O Haumeawahine moo-e

            A pau ia mele aia nei, pau ae la kamanu i ka nalowale a malamalama a e la, ko laua hele aku la noia a hiki i ka au wai o kahoe, ko laua au aku la noia a pae ma ke la aoao o ka muliwai, a ahu i na wahi kapa o laua apau ko laua nei hele aku la noia a ke kula o Alele, kahea mai o Haumeawahine ma ke mele penei.

            Mai poina e na makamaka ia Hiiakaikapoliopele.

-:Aole i puehu:-

 

HE MAU NANEHAI NO KA NAAUAO.

Imua o na opio o ke au o Liliuokalani.

            Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?

            Nanehai 5. Heaha la, ka mea e moe ai (unoi ai) na maka i ka wa e pule ai?

            Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            (Ma ka loaa pono o ka haina, e kapaeia ai kekahi Nanehai, mai ka hoolaha mau ana).

 

E Nana e na Keonimana i Keia.

KE KONO AKU NEI MAKOU IA OUKOU E KIPA MAI; A  KE WAIHO PU AKU NEI I KEKAHI MAU KUMUKUAI HAAHAA LOA.

N.S. SACHS,

104 Alanui Papu, Honolulu.

            He heluna nui o na waiwai o na kane i loaa mai nei ia makou ma ka mokuahi hope loa mai nei.

Ua Hiki ia MAKOU ke Hoolawa aku i ko OUKOU Makemake

ma na ANO a pau, a he HAAHAA loa ka MAKOU mau

KUMUKUAI.

KOE NA AAHU O WAHO.

 

Na Pale Hi o luna o na kane 25c.        Na Palule Kane Ano Hou loa $1.26

"           " Huluhulu                   "   50c.           " Kakini Kane 2 paa i ka 25c.

"           " "                    o lale    "   50c.           "          "           "           maikai loa

"           Palulu Hana o na Kane mai     "           "           " 3 paa i ka $1.00

            ka 75c a pii aku                                   " Hainaka Keokeo o na Kane

"           " Alana ole ia o na Kane o                  he $1.00 no ke Kakini

            ke ano maikai loa 60c.             " Lei Ai Silika Ano Hou loa o

                                                                        na Kane 3 i ke $1.00.

 

Na Paikini Hou loa, o na Aikala, P@ma, Kaawe, na Hainaka, Silika.

            A me na Lei Ai o na ano like ole he lehulehu loa; ma na Kumukuai Haahaa loa.

Na Pahu lole a me na Paiki e kuaiia no ke Kumulilo.

            Na Lolewawae Ahinahina Pelekane Uliuli me ka Ulaula.

            Na Paalole o ka poe Pena, a me na Palule hana o na ano a pau.

Na Paalole Auau o na Kane me na Kamalii, me na Lolewawae ekekei.

            E hoomanao o ka makou na Kumukuai haahaa loa. E kipa mai, i pau ai ko oukou kuhihewa.

-:N.S. SACHS:-

75-tfd. 104 Alanui Papu, Honolulu.

 

HEIAU O NA PAIKINI!

 

Kihi o Alanui Papu me Hotele.

Wehe Aiwaiwa Ana o na Waiwai Hou Loa

 

Ma ke ku ana mai nei o ka MOKUAHI AUSTRALIA a me ka MOKUKIAPA C.D. BRYANT;

            Ua loaa mai Ia'u he 117 PAHU UKANA me na Waiwai hou o na ana hou loa. He nani e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui.

            Ke konoia aku nei e hele mai e nana i keia mau waiwai hou loa.

HE MAU WAIWAI HOU WALE NO MA NA WAHI A PAU O LOKO NEI O KO'U HALEKUAI.

            He heluna nui o na Kamaa Wahine, Kane a me na Keiki. O ka'u mai Kumukuai e kulike ana ia me kou makemake.

            Ke huli ae hoi ma ke kahiko Lole Aahu o na Aahu o na Wahine. He mai wa kalapua okoa no ia i ike mua ole ia ma keia Kulanakauhale, ma na Lole kahiko Holoi ia o na Waihooluu.

            E komo mai e nana i ka makou mau Waiwai Hou Loa, a ke hooia aku nei ana ia oukou. Owau ke Alakai o na Kumukuai haahaa loa.

S. EHRLICH,

Kihi o Alanui Papu me Hotele.

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B.F. Ehlers & Co.-PAINAPA.

HELU 99 Alanui Papu.

 

Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino.

 

            Oiai he manawa ilihune keia no ka aina nei, no ka mea ke wawale mai nei @ leo pilikia o ka lehulehu mai o a o, a ke kuai hoopoho mai nei hoi kekahi mau @ e kuai e hoao ana e kulai kekahi i kekahi, nolaila ke komo pu aku no ae ma ka hana maikai, no ka mea

He Kawa ia Na'u i Lele a Opu.

            He mau makahiki loihi i hala ae nei, akahi okoa mau uluhua i ke ahi a e Kamaile a me ke Kawelu o Lanihuli, a i mea no Loi e hookoia ai kela olelo k@ kahiko

Ohi Hapuku ka I'a o Kapaau.

            Eia ma Ko'u Halekuai nei na Papale Kamalii e na ano a pau, na Lako Lede na Hapuu a oukou o na paikini a pau, mai ke nui a ka ukulele, na Lako Lede a @ Lede a me na Keonimana o ke ano hou loa i ike mua ole ia ma Hawaii nei, na @ malu o na waihoolulu a pua, a pela aku, a pela aku.

E Kuai ia aku ana no ke Kumupaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku. Na ka oiai mua no ka loaa, oloolo aku no ihope, aole.

575. tf-dly. B.F. EHLERS & CO.