Ka Leo o ka Lahui, Volume II, Number 663, 16 March 1893 — HE HOOHENO NO PAULO NUMANA. [ARTICLE]

HE HOOHENO NO PAULO NUMANA.

He inoa kaulana no Numana Pukuniahi o ka Pakipika I ne-i nakolokolo aku nei Ko leo maluna o ka Aiko Lohaloha na hulu i ka ekekeu Ua pipili paa ia i ke Kepau O ka hao no a ka makani Kona Aohe manu koe i ke kuahiwi Aia ka palena i Nupepeki Aina lawaia i ke Kohola . Ua ku pono aku i ka Aiana Ma ka opi mahamaha o ka Laikuela Kaanini kela i ke alo makani I ka noke a ka hau o Alika Ilaila ike pono iho ke Kuhina I ka hana a ka Honu o Polihua Nana i pauma pii Haupu Ike ia na hua nee i ke kai Ua kei aku nei na Kolea Eono o'u ulakolako Hoolai ana i ka liko Ohai I ke kula lehua o Kanoenoe I ka lohe ana aku o Numana Ua pii ka mamae i ka iwihilo I ka ike ana iho i ka epa nui Na manu Kinihene hulu like ole Eia mai no ka oiaio O ka leo kaulana o ka lahui Lalau mai nei ke Kuhina Nui I ka Elele waha ole a ke Kuini I ka alawa ana iho naka haalulu Ua holo e ka lia i ka puuwai Me ka manao iho a e pee poli I ka hua momi nani a o Hawaii Mai komo i ka eke o ka Pokapia Ka uwepa hoohee nuku omole Hoohana e ia mai ka Uavila Ma ka leo kauoha a Kilivalana Ekolu Nunu lawe olelo Nana i ahai puni ka honua He anapu ana aku ma ka Hikina Malamalama ana ma ke Komohana Holopuni aku nei i ka Akau Ike i ka poai anu o ka Henia Haina mai e ka Iwakiani O Kalani Kawika pua laha ole O ka hana ana ia a ke Topido Poka ahi wela a o Hawaii Noii nowelo imi akamai Na mea kamahao a o Nu loka O ke kolopa ia nana e une Na mano wai a o Niakala Naueue ai na pali paa I ka eueu a o Kakuhinewa Aohe mea koe ma ke kuono Ahuwale i ka ohe hoonui-ike Ike ia na kukulu o Kahiki Na kaei olu o ka honua I ka ipu piha i ka naauao Olali o na kai ewalu Ua ola Hawaii ua lanakila Ua puka i ke ao malamalama Haina ka puana o kou inoa Numana i ka waha o ka lahui. Hakuia e Miss Kekoaohiwaikalani. Puahaulani Hale, Mar. 13, 1893.