Ka Leo o ka Lahui, Volume II, Number 663, 16 March 1893 — He wehi no ka pua Lalana. [ARTICLE]

He wehi no ka pua Lalana.

Aia i Maluaka o Anoipua Hoa pili oe o ka pua Lalana Ua lana ka manao haku koi loko Paila Kolohala i ka Waianu Waiwai no oe ua sila ia Aohe ou kau a e hemo ai Hooheno ke ala o ka Lalana Eia i ka poli e mapu nei O ka wehi kaulana malu lau niu

Kahiko ana hoi i ke onaona Onaona ke ala a o ia pua Ka mapu ana mai kupaoa A oe poina ko lei Loke Ko wehi o ka ua Kukalahale Hala aku e ka la o ka inaina E hoi e pili me ke aloha He aloha e ka olu lau niu A ka pua Lalana e walea ai I walea maua me kuu aloha Kuu hoa haihai lau olelo He aloha e ka pua o ka Lalana Manai ia hoi e nei puuwai O ka wai nei ua lana malie Na hone malie i ka po lai Ua lai ka nohona a ke onaona He hoapili mau no Anoipua He pua hoonani mau oe no'u Ahe kahiko hoi no kuu kino O ka papahi lei pua Lalana He oia mau ia i ka iwihilo Haina ka puana a i lono ia O ka pua Lalana a e o mai Haku ia e Puuwaialoha Honuakaha, Mar. 14 1893.