Ka Leo o ka Lahui, Volume II, Number 666, 21 March 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

KA HUI HAWAII ALOHA AINA.

KE KUMUKA NA WAI.

    Oiai na ike ia ae nei ka loli ana nui ana o ko kakou aina, he mea hoi e manaoia, ai, e hoopilikia ia ana kona Kuokoa ame na Pono Kivila o kona mau Makaainana, a me na Kupai a no ia mea, he mea pono e kukuluia ona Hui manao lokahi a makaala mawaena o na kanaka a pau e aloha ana i ka Aina, me ka nana ole i ka Aoao Kalaiaina, a Manaoio Hoomana paha.  Nolaila:

   E hooholoia.  o makou o na makaainana kupaa a me na Kupa Aloha Aina, a makee maluhia hoi o Hawaii nei, no ke kiai makaala ana i ko makou mau Pono Kivila, ma keia, ke hoohui nei makou ia makou iho ma kekahi Ahahui, malalo o ke Kumukanawai mahope ae nei.  penei: 

INOA.

   PAUKU 1—O ka inoa o keia Ahahui, oia “Ka Hui Hawaii Aloha Aina.”

KA HANA.

   PAUKU 2—O ka hana a keia Ahahui oia ka malama ana a me ke kakoo ana, ma na keehina hana maluhia a kue kanawai oie, i ke kulana Kuokoa o na Pae Aina o Hawaii, a ina he mea hiki ole ke malamaia ko kakou Kuokoa, alaila, o ka kakou hana oia ka hooikaika ana i na hana kue ole i ke kanawai a me ka maluhia e hoomau ia ai ka Pono Kivila o na kanaka Hawaii a me na Kupa makaainana.

NA MAHELE.

   PAUKU 3—Aia iloko o keia Ahahui e kukulu ia he hookahi Hui Nui ma Honolulu i kapa ia “Ka Hui Kuwaena,” (Central Body) a mai loko aku ona e kukulu ia ai i mau Ahahui lala ma na Apana Koho o na Mokupuni.

NA LALA.

   PAUKU 4—(A) O na Lala o keia Ahahui, oia na kanaka Hawaii maoli o keia aina, he 20 makahiki a oi aku i makemake e hoopaa ia lakou iho malalo o na kumuhana o keia Ahahui, na kupono ia e lilo i mau hoa, a lilo hoi i mau lala mamuli nae o ke kakau inoa ana malalo o keia Kumukanawai.

   (B) O na kanaka a pau o na Aina-e, e noho nei i keia wa he mau Pono Kivila ko lakou iloko o keia aina a i lokahi pu hoi, na manao e kakoo i na kumuhana a keia Hui, a i makemake e hoopaa ia lakou iho no ua Hui la, ma ke kakau inoa ana malalo o keia Kumukanawai, e lilo no lakou i mau hoa Hanohano (Lala) no keia Ahanui.

NA HOONOHONOHO ANA.

   PAUKU 5.—O ka Hui Nui Kuwaena (Central Body) o “Ka Hui Hawaii Aloha Aina” oia ke noho mana maluna o na Ahahui lala o kela a me keia apana koho, a e lawelawe ia ana e na Luna Nui malalo iho nei, penei:

   1—Peresidena Hanohano, 1-Peresidena, 2-Hope Peresidena, 1-Kakauolelo, 1-Puuku a me 13 mau Hoa Kuka, a o lakou a pau, oia ka Aha Hooko o 19 lala.  O keia mau luna a pau he poe kanaka Hawaii maoli, a e koho ia lakou ma ka Balota, no ka manawa e hoakakaia e na Rula o keia Ahahui.

   E koho no na Ahahui Lala o na apana koho i ko lakou Lunahoomalu, Hope Lunahoomalu; Kakauolelo a me ka Puuku, a e kaho i hookahi Elele i wahaolelo no lakou e hele mai ai imua o ka Ahahui Nui (Hui Kuikawa) ma Honolulu, a ua loaa i ua Elele la ke ku leana e hele ai ma na halawai o ka Aha Hooko a me na halawai o ka Ahahui.

NA LUNA HANOHANO.

   PAUKU 6.  O na kanaka o na Aina E, e lilo ana i mau lala, e kohoia lakou e ka Aha Hooko no na kulana hanohano e like me keia:

1.        Peresidena Hanohano

2.       Hope Peresidena Hanohano

2.  Kakauolelo Hanohano

   7.  Hoa Kuka Hanohano, a oi aku paha e like me ka mea e hooholoia ana e ka Hui ma keia hope aku;

   O keia mau Luna Hanohano oia ka Aha Kuka (Advisory Council) e noho pu a e koho me ka Aha Hooko.

NA HANA A NA LUNA.

   PAUKU 7.  O na hana a na Luna Nui, ua like no ia me na hana maa mau e piii ana ina Hui e ae e like me keia ano Ahahui, a e hoakaka pono ia ana hoi ma na rula e aponoia ana ma keia hope aku e ka Aha Hooko.

NA HALAWAI.

   PAUKU 8.  Na halawai o ka Hui e kahea ia no ia e ka Peresidena, ma ke kauoha a ka Aha Hooko, a o kekahi mau Hoa paha he 10;

   E kaheaia na halawai a ka Aha Hooko e ka Peresidena ma ke noi a kekahi mau hoa 3, o ua Aha Hooko la;

   O na hana o na halawai a pau o ka Hui a me ka Aha Hooko e alakai ia no ia e na rula o na anaina maikai, a me na rula maa mau o na Ahaolelo.

KIPAKU ANA.

   PAUKU 9.  O kela a me keia hoa o ka Hui a o ka Aha Hooko paha, e hana ana i kekahi hana e kue ana i ka manao a me na hana a keia Ahahui, e kauohaia no ia e ku imua o ka Aha Hooko, a ina ahewa lakou iaia, e kipakuia no oia mai ka Hui aku.

NA HOOLOLI O KE KUMUKANAWAI.

   PAUKU 10.  O na hoololi a me na pakui ana mai i keia Kumukanawai, e hana wale ia no ia ma ka hooholo ana a na halawai mau o ka Hui.

   Aponoia ma Honolulu, i keia la 1 o Maraki, 1893.

Peresidena Hanohano             J. A. CUMMINS

Peresidena                        J. NAWAHI

Hope Peresidena                  J. K. KAUNAMANO

  “       “                        J. W. PIPIKANE

 

HAWAIIAN PATRIOTIC LEAGUE.

CONSTITUTION.

   Whereas vital changes in our Country have taken place, which may affect its Independence and the Civil Rights of its Subjects and Citizens, thereby rendering indispensable a compact and zealous Union between all men who love the Country, irrespective of Party or creed.

   Therefore, Resolved that We, the patriotic peaceful and loyal Subjects and Citizens of Hawaii nei, for the purpose of peacebly guarding our Civil Rights, do hereby form ourselves into a League, under the following Constitution:

NAME.

   ARTICLE 1—The name of this Association shall be the HAWAIIAN PATRIOTIC LEAGUE (Ka Hui Hawaii Aloha aina).

OBJECT.

   ARTICLE 2—The object of this Association is to preserve and maintain, by all legal and peaceful means and measures, the Independent Autonomy of the Islands of Hawaii nei; and, if the preservation of our Independence be rendered impossible, our object shall then be to exert all peaceful and legal efforts to secure for the Hawaiian People and Citizens the continuance of their Civil Rights.

DIVISIONS.

   ARTICLE 3—The League shall consist of one Central Body in Honolulu, with Branches in the various Districts of the other Islands.

MEMBERSHIP.

   ARTICLE 4—(A)  All the Natives of this Country, over 20 years of age, who are willing to pledge themselves to the objects of this League, are eligible for membership thereof and may become members by signing this Constitution.

   (B)  All foreigners, at present enjoying or entitled to Civil Rights in this country, and in sympathy with the objects of this Association and willing to pledge themselves to it, by signing the Constitution, may be admitted as Honorary Members .

ORGANIZATION.

   ARTICLE 5—The cnetral Body of the Patriotic League shall rule over all the District Branches, and shall be conducted by the following officers:

1.        Honorary President,

1.        President,

2.       Vice-Presidents,

1.        Secretary,

1.        Treasurer,

   And 13 Councillors who together, shall constitute an Executive Council of 19 members.  All these Officers must be native Hawaiians and must be elected by Ballot, for such term of office, as may be provided in the by-laws of the League or Council.

   The District Branches shall elect their Chairman, Vice-Chairman, Secretary and Treasurer, and shall appoint one Delegate to represent them before the Central Body in Honolulu, which Delegate shall have a right to attend the meeting of the Executive Council and of the League.

HONORARY OFFICERS,

   ARTICLE 6—Foreign Members shall be elected, by the Executive Concil, to the following honorary offices:  1 Honorary President, 2 Honorary Vice-Presidents, 2 Honorary Secretaries, and 7 Honorary Councillors, or more, as may hereafter be determined by the League.  These Honorary Officers shall constitute an Advisory Council who shall sit and vote with the Executive Council.

DUTIES OF OFFICERS.

   ARTICLE 7—The duties of the various officers shall be those pertaining to the respective offices, as is usual in all similar organizations, and shall be more expressly defined in such by-laws as may be hereafter adopted by the Executive Council.

MEMBERS.

   ARTICLE 8—Meetings of the League shall be called by the President, at the request of the Executive council or of any other ten members;

   Meetings of the Executive Council shall be called by the President at the request of any three members of said Council:

   All proceedings of meetings of the League and of the Executive Council shall be governed by the usual decorum and rules of Parliamentary Usage.

EXPULSIONS.

   ARTICLE 9—Any member of the League or of its Executive Council, who may commit an act violating the spirit and purposes of this League may be summoned before the Executive Council, and upon conviction by them, be expelled from the League.

CONSTITUTIONAL AMENDMENTS.

   ARTICLE 10—All amendments or additions to the present Constitution must be approved by a general meeting of the League.

   Adopted, Honolulu, this 4 ^th day of March, 1893.

 

HE INOA NO KALANINUIAHILAPALAPA.

A he Wehi keia no Kaiulani

No ka Wohi kukahi lei a Kapili

A he pua Loke no Ainahau

Maoli Iliahi no Hawaii

Opuu liko hou no ka Hikina

No ka La hiki mai ma Kumukahi

Hookahi mea hou ua lono ia

Ma ke Kapikala nani a o Honolulu

A he lono Lanakila no ka Lahui

Me ka noho Kalaunu a o na Lani

Ua kui e ka lohe puni ke Kaona

Ua mau e ka Ea o ka Aina

Welo haaheo e ka Hae Hawaii

Ma na welelau a o ka Honua

Aohe hana e a ka puuwai

A e pauma nei me ke aloha

Ua piha ka manao i ka uilani

No ka lono hauoli ua hiki mai

I lawea mai nei o ka Monowai

Nene aukai a o ka moana

Nawai no la e pakele aku

A he hana noii na ka imi loa

He loaa i ka welelau lihilihi

I ke kii hooheno a ka onohi

He Onohi pua ia no ke Kalaunu

A he lei no Kalani puuwai Kila

Kilakila kapukapu ke ike aku

Ka hiona o Kalaniahilapalapa

Me he pua hau ala no Maluaka

Ka popohe ohaoha i ka lihi wai

Nawai e ole hooheno ia

A he liko Ahihi no Panaewa

Aia i ka nua lehua o Hilo

Ka paia aala i ka uka o Puna

Ko leo e Kalani kuu i ka nahe

Kaili puuwai ke lohe aku

Pupukanioe no ke kuahiwi

Kahuli leo lea no kanahele

Ua nani hiehie oe e Kahiwa

E ka Wohi kukahi a o Hawaii

Haina ko Wehi kau i ka Hano

O Kawekiulani kuu Haku ia.

       MISS KEKOAOHIWAIKALANI,

Puahaulani Hale.

Mar. 11 1893.

 

HE HANA WIWO OLE.

   Ua hoikeia mai ia makou ka lono pololei loa e pili ana i ka mea nana i kii e hopu ia August Herring (he hapahaole) ka mea nana i kii me ka pu panapana o D. L. Huntsman ma ke ahiahi Poaono nei Mar18, 1893.

   Ua hoouna ia aku o Eleneka Moanaliha kekahi makai o ka puali makai o Honolulu.  (kona hiki ana aku ua ninau mai la o August Herring, owai kela? He makai.  Ia manawa, ua huki koke aela o Herring i ka pupanapana a kau pololei mai la i ka pupanapana imua o ka makai, ua ike koke iho la ka makai aia oia ma kae o ka lua kupapau.  Ninau mai o Herring i ka makai.  I kii mai nei paha oe e hopu ia’u?

   I hoounaia mai nei au e hele mai e ninaninau pono i ke ki pu i hoike ia ae nei i ka Halewai, aole no ka nopu ana aku ia oe me ka hanaino pu aku, ina o oe ka mea nana i hana keia ki pu, alaila e hoihoi aku oe i ko pupanapana a iho no kaua a hiki i ka Halewai me ko’u pau ole aku ia oe; nau no oe e iho a l@il@i i ka Halewai, hooponopono olua me ka Ilamuku no keia hana au.  Ia manawa ua hoihoi iho la o Herring i ka pupanapana iloko o ka pakeke mahope o kona lolewawae, i keia manawa ua lele koke aku la ka makai me ka hikiwawe loa a paa o Herring a apuepue koke iho la laua a hiki i ka hina ana o Herring ilalo, nanao koke aku la no ka makai i ka pu panapana iloko o ka pakeke o ka lolewawae o Herring a lilo mai la i ka makai, ia manawa ua hookuu aela ka makai iaia a ku iluna, hopu aku la ka makai a lawe mai la i ka halewai.

   Ma ka nupepa Awalakaika o ka la inehinei e olelo ana na ke Kapena Makai Schlemaner i kii e hopu a ua ae mai ka mea hewa me ka maikai, hoopunipuni keia mau olelo.  O ka pololei na ke kanaka Hawaii i hopu, a e kau ia ka hanohano i ka mea nana ua hana koa ala.

 

NUHOU KULOKO,

   Ma ka hora 12 o ke awakea o ka la i kakahiaka (Poakolu), e hehi hou ai na kapuai o ka Elele a ka Lahui, ka Hon. Ailuene Buki i ka lepo aloha o kona one hanau; ke loaa ole he mau keakea i ka mokuahi Australia ma kona ala moana.  He mai e Le’akahele.

   Ua kohoia ka Hon. W. O. Smith i Peresidena no ka Papa Ola.

   E wehe mua ia ana ka hukihuki o keia Kau i ke ahiahi Poalua o keia pule, aole i lawa loa na paa i keia manawa.

   He 475 ka nui o na limahana Iapana i huli hoi aku maluna o ka mokuahi Miike Maru no ka aina hanau ma ka Poalima o ka pule i hala.

   O na waiwai ponoi o ka Moiwahine Liliuokalani a me ka Moiwahine Kapolani, ua pau loa ia i ka hoihoi ia aku ia laua, a o na pono wale no o ke Aupuni ia e waiho nei i keia manawa iloko o ka Haleali.

   E hoomanao e na Hawaii Aloha Aina, o ka halawai o keia ahiahi Poalua ma ka Hale Mele Hou, na ka Hui Hoohui Aina.  Ua pau ka kakou halawai ma ke ahiahi onehinei.

   Me ka hauoli makou e hoike aku nei i na makamaka a me na hoaloha o ke ‘Lii Paulo P. Konoa o ka Aina Kaili La.  Ua palekana loa oia mai kela mai kimopo i kau iho maluna ona.  O ka KA LEO O KA LAHUI pule e palekana loa oia a like me kona ano mua.

   E huli hoi loa mai ana o G. H. Huddy ma keia Auseteralia o keia Poakolu iho, keia kekahi o na ewe ponoi o Hawaii oiaio i hele aku nei i ke ao Kula Kauka o Amerika i Kaleponi, iloko o na makahiki elima i hala aku nei.  Nolaila, ua loaa iaia na apono ia no ka oihana kauka, a e lawelawe aku ana oia ma na ano a pau, me ka eleu a me ka mikioi.