Ka Leo o ka Lahui, Volume II, Number 667, 22 March 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II            HONOLULU  MARAKI 22, 1893             Helu 667

 

 

O LE'AKAHELE UA HIKI MAI.

 

A he ula leo ua lohe ia

Ma na kaiaulu o Hawaii

E wa mai ana la i ka lono

O LE'AKAHELE ua hiki mai.

 

HUI:   He la hauoli keia

            Nou e ka Lahui Hawaii

            No ka weli o ka makakila

            @: No KA LEO o KA LAHUI:@

 

Ua lai kahi wai o Hiilaniwai

O ka uka lai o ka Palai

E mili'a ia mai la e Maunaala

Me ka wai o Mamalahoa.

 

HUI:    He la hauoli keia, &c., &c.

 

O ka oi no oe i ka'u ike

Kiekie i ka nani me ka hanohano

Hookani no ka la o ka hana

Papahi i KA LEO OIAIO.

 

HUI:    He la hauoli keia, &c. &c.

 

Hakuia e---

NA LIMAHANA O KA LEO.

Alanui Pa'ipalapala. Kawaiahao

Honolulu.  Mar. 22nd, 1893.

 

 

HE MOOLELO KAILI PUUWAI

NO

SENIA LUTERA

 

Ka Ui Puuwai Mabala

o

ENELANI KAHIKO

 

A I OI E

 

He Naneo Hooheno no kekahi Kauna Wahine Opio me kana mau Aloha Ekolu.

(Kakauia no Ka Leo.)

 

 

MOKUNA XXXII

 

            A hoopoina ina ehaeha he nui i kau iho maluna o ko kaua mau ola opio, nolaila, e aloha auanei oe a nui e kuu aloha. kuu ola.

            Ua haawi aku la oia he nana aloha loihi ana maluna o ka mea ana i aloha kupouli ai, a kaha aku la hele me na kaina wawae kaumaha ma kona alahele, a haalele iho Ia ia Laionela e noho hookahi ma kahi a laua i hooipoipo ai.

            I ko Laionela ike ana aia ke mamao loa aku la kana aloha mai iaia aku, me ka emo@le ua ku aela oia iluna a uhai aku la mahope o kana aloha a pane aku la:

            Mai haalele mai oe ia'u, o e kuu Senia maikai. e kuu Senia maikai, e noonoo mai oe i ko'u ola ana, ua ahona au e lawe ae i ko'u ola makamae imua o kou alo, mamua o kou haalele ana iho ia'u me kou ike ole i ko'u ha@u hope loa!

            Ke ike nei au e kuu Laionela, ua pili paa loa kou aloha me a'u wahi a ua ui nei me ke apo ana aku i ka a i o kana hiwahiwa, a haawi iho la i kekahi o na honi hauoli; me ka pane ana aku:

            E hoohauoli i kou noonoo no ko kaua kaawale ana e kau mea aloha a mai hoopuakiki i kou manao ma ka au'a ana ia'u mahope nei, e hoi au e ike i kuu aliikane, a e hoike aku hoi i keia mau mea a pau imua ona.

            Aole au e ae aku ana ia oe e hele, aka, he mea ole kana mau kaohi ana mai. oiai ua paa mua kona manao, a ua ku hou ae la oia a haalele iho la ia Laionela e noho hookahi iluna o ka ae one.

            Ua hoao aku la oia e hoomalimalima na ano a pau, aka he ole ko ia la maliu mai. ua huli ae la no oia hoi no ka home nani o kana kane, e manao kuhihewa mai la aia no ka wahine ana iloko o ka rumi.

 

 

            I ka po a na ipo elua i haalele iho ai i ke kakela mabala o ke alii Codona, oia mau no na mea a pau e @ike me ka laua i ike hope iho ai.

            O ke alii no hoi nona ua kakela la, e holoholo ana no hoi oia iloko o kona rumi hooluolu, i uluwehi ia me na pua o ka waokele, a e moani ana hoi ko lakou aala kupaoa, i lawa no ka hoomama ana i kekahi kanaka i komo lipolipo iloko o ke kaumaha.

            Aka, iloko oia nani aui, aia hoi e hekau ana no na helehelena kaumaha maluna o ka ona waiwai. mamuli o ka noonoo nui ana no na halialia i hoike ia aku imua ona, me kona nana hoomau ana aku nae i ka wai e pipii malie mai ana, me he la e ninau okoa mai ana heaha ke kumu o keia mau helehelena kaumaha i hoalii iho maluna ona.

            Aole loa e hiki ia'u ke hoopoina i keia mau manao ino lapuwale e okuku nei iloko o'u, wahi ana i ninau iho ai iaia iho, me kona nana, ana aku i ka popohe maikai mai o na pua rose iloko o ko lakou nani nui, ua oi loa aku nae hoi i keia po.

            Malia paha, no ka hoea ole ana mai nei o Laionela i keia po, oia ke kumu i ikaika loa ai o keia mau manao i ka hoouluku i kou noonoo maikai, a he ano mehameha no hoi au, ina aole oia e hoea iki mai ana. no k@ maa paha hoi kahi i kona hiki mau mai e hoolaukanaka ai i na hora mehameha o ka po, a akahi paha hoi ka hao o keia po iaia.

Aole i pau.

 

 

HE NANEA KAMAHAO

NO

MAIKA

 

KE KUIKI

Hapa Ilikini a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI---A O KA WELI HOI O NA ILI KEOKEO---A ME KA LU@U IA ANA O KELA HUI KEAKA A LI.

 

Hiu a wela, lawe a lilo, ke keiki

Hapa Ilikini, elua i ka manawa

hookahi na hana powa. a

me ka make ana o na hoa-

hanau Conegokena, ka

mare ana o Maika

a me na hapa

hoomaino-

ino.

 

 

            Ua nee malie mai la ka huakai mai kekahi rumi mai a komo iloko o kekahi hale i kinohinohi ia me na lau nahele o ke kuahiwi. ua lilo iho la ia mau minute e@hia anoano no na poe a pau. ma o ke ku ana mai o ke kahunapule e hoohui i na opie iloko o ke kaula gula hipuu kaakolu o ka berita maemae o ka mare.

            I ka pau ana o ka ke kahunapule apana hana, ua nee hou aku la h@ akai no kok@hi hale okoa aku, no ka hoopiha ana i ka lua o ka inaina, a me na hana lealea e malama ia ana ia po ana iho.

            I ka hookuu ana o na hana lealea, ua hoi aku la no hoi kela a me keia no ko lakou home pakahi iho. ma keia wahi o ka kaua moolelo, e kuu makamaka heluhelu, ua pauaho mai keia mahele ia kakou, a e hoaui ae ka ono a kou puu, no ka haupa ana iho i na kuhinia a ka puukolu no keia mahele hou.

 

            E noho mai kaua e kuu aloha. ke halialia e wale mai nei: o ia'u na hiohiona i kau ia maluna o kuu makuakane, auwe ka manaonao e---ua kohu io bipi hoi keia mea, elua poo kanaka manaonao iluna o kahi moe, o keia poo uuku o kuu keike no ia, a no kuu aloha keia poo, ka hele ana o ke kino maoli o Maika ma ka moeuhane no ka Ilina o ka wahine, wi ka niho o ka poe hana hoomainoino, pau i ke koli ola ia ka hui pepehi kanaka o Conegokena ma.

            I ka piha ana o na mahine eha mahope mai e ka mare ia ana o Maika ma ua hoopiha ia a@la k@ kulanakauhale ma o ka laulana ana o kekahi lono hoolelehauli, e i ana o na poe a pau i paa pu ai me Conegokena. a oia pu me ka wahine ua pau @oa i ka holomahuka mailoko mai o ka hale paahao, ua hooikaika na makaikiu i ka huli ana mahope o ka meheu o ka poe mahuka, a o ka hua nae i loaa ia lakou malalo o ia hooikaika ana, he nele.

            Ua hoehaeha loa ia ka puuwai o ka Ilamuku, no keia hemo ana o na paahao, a ua hiki pono ole iaia ke loaa he manawa hiamoe maikai. i ka po, a iloko o kona piha inaina nui ua hele aku la oia e hui me ka luna nui o ka halepaahao, a ninau aku la iaia no ke kumu i hemo ai o Conegokena ma, a oia ka ua luna nei i hai mai ai i ka Ilamuku.

            Aole au i manao e mahuka ana lakou, ma o kuu hoouna ana ia lakou me kekahi makai e hele e hoomaemae i kuu pa hale, eia ka hoi e nana ino ana lakou i na makai, i ka maopopo ana o keia mau mea i ka Ilamuku, ua holo awiwi aku la oia e hui me Maika, iaia  i hui aku ai me Maika haawi aku la oia i ka hana ia Maika, no ka hoao ana ma na ano a pau i wahi e paa hou ai o Conegokena ma, a oia ka ua hapa Ilikia@ nei i pane mai ai.

            Ua hai mua aku no au i ko'u ano ia oe, a no ka hana au i haawi mai nei, e hoao aku po hoi paha au i kahi e hiki ai, aka nae ke ole au e kuhihewa, he mea paakiki loa ia'u ka loaa ana o ko lakou meheu. aia paha he wahi @lia o ka laki, alila paha loaa, aka me hoi, e hoao aku no hoi paha, e like me ka mea hiki ua ae aku la no ka Ilamuku.

            I ka hala ana o ua mahina e no mahope mai, aole loa wahi lono e hoike ae ana hoi no Conegokena ma, o ka Maika hana mau ia i na wa a pau. o ka hele mau i ka po me ke ao, e alo hoou anawanui ana hoi iloko o ka ua me ka maka@i, a no ka loaa ole iaia o kekahi meheu e pili ai a no Conegokena ma, ua huli hoi aku la oia na kona heme me ka nele, a ua hoolau oia i kona manao ana no ka hele hou ana e huli i na poe mahuka.

            A o kana hana mau iloko oia mau la ana i noho wale ai, oia kona hele mau ana i kahi o Kapu ma, kekahi o na kanaka hana o kapena Sula, a ua pili paa ko @ua aloha i kekahi me kekahi, a hiki wale i ka lokomaikai ana'mai o ke Akua ma o ka hoohua ana mai i ka mahina ai a Maika, oia ka hooha@ai ana mai i ka wahine a Maika, i ka hele ana aku e aneane e piha na mahina eiwa o ke keiki iloko o ka opu, i kekahi po ua uhu ae la ka manao iloko o ua hope Ilikiai nei e hele.

 

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892

 

NA KAA.

                                                A.M.    A.      P.M.              P.M.

Haalele ia Honolulu    6:15*   8:45   1:45   4:35

Hoea i Honouliuli                    7:20*   9:57   2:57   5:35

Haalele ia    "                       7:30*  10:13  3:45   5:42

Hoea i Honolulu                      8:35*  11:55  4:55   6:50+

NO KULANAKAUHALE MOMI IHO.

Haalele ia Honolulu                            5:10=  P.M.

Hiki i Kulanakauhale Momi                5:48=

Haalele ia        "                   "                   6:55*   A.M.

            + Poaono wale no

            *  Koe ka Lapule

            = Koe ka Poaono

Sept. 28    tf-dly.

 

 

HOOLAHA AINA

            E ike auanei na kanaka @ pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii.  O ka mea a mau mea i kuai a hoolimalima paha i keia mau aina, aole i mana ia hana ana, ina he mea a mau mea paha e paa nei i ua mau apana aina nei, e hoike koke mai ia'u, a i ole e kipaku no au ia lakou.

S. K. KILA OPIO

            Honolulu. Feb. 17, 1893.

            4ts-wkly.

 

 

Elia Kaululaau.

Kauka Hana Niho.

 

            Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai loa ole i ka Hana ana i na Niho Kui o na ano a pau.

            He Miki@i ka Holoi ana ina Niho. He pa'anehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Kauka Hana Niho:  mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

            E ikeia kakou Hoa Kanaka o kipa hewa ke aloha ia lakou nei ae.

            Keena Hana maluna ae o ka Hale Hana Pu i ke kihi o Alanui Moi a me Betela Puka komo e pii ai iluna o ke Keena @a Al. Moi.

            mar.6--t@@