Ka Leo o ka Lahui, Volume II, Number 667, 22 March 1893 — KA MOOLELO O HIIAKAIKAPOLIOPELE. [ARTICLE]

KA MOOLELO O HIIAKAIKAPOLIOPELE.

I HOOPONOPONOIA

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

A pau ke mele a Hiiaka'kapolipele nana mai o Kauhiikeimakao kalani ia laua nei maloko oka laki i nana mai ka hana o ia ala, o Hiiakaikapoliopele ma keia e hele ne, oli mai ana o Kauhiiheimakaokalani penei. O Pele la ko'u aku Miha ka lani, miha ka honua Awaiku awailani, kai awaawa Kaawa nui o Hiiaka I ku ai kuu mauliola e I mauliola, he awa kau ulu ola e Na wahine. e kapn e kapu kai ko awa E Pele honua mea E kala e haumea wahine O ka wahine i Kilauea Na a i ai a hohonu ka lua O mau wahine a Makalii O lua wahine o ka lani O Kukuena o na wahine I ka imu hana awa Kanaenae a ke akua malihini e Hele hoi ke ala mauka o Kau Hele hoi ke ala makai o Puna I Kamaamaa la ika pua lei E loa ka wa i Apua Ka piina i Kukalaula Hoopaka aku la i Puulena Aina e ke ʻkua i noho ai

A pau ke mele ana a Kauhiikeimakaokalani, ko laua nei hele aku la a hala o Kaluanui, a hala o Kapaka, a makao laua nei. nana aku laua nei o ka ua o maakua i Haula, hui hou aku o Hiiakaikapoliopele nana i hope, a hai aku o Hiiakaikapoliopele i kona inoa ia Kauhiikeimakaokalani ma ke mele penei. O kanaka au o ke kua O ka leo au e hea ana A aa ana ia oe la-e A noho ike kai o Maakua Kuu akua i ka hale hau Hale laau kanaka ole o ka kahoa O ke hoa kanaka e laaia Penei wale no ka iki akua He ku e, auwe kuu akua..e Kuu akua ike kai leo nui o lalo-e Alai ia e Kekiaohuohu -e A pau ia mele ana a Hiiakaikapoliopele, ko laua nei hele aku la no ia a hala o Hauula, a luna laua nei o Kaipapau, nana aku laua nei ia Laniloa, e lae ae ana i waho, i i aku keia mai poina oe iau e Laniloa i mai la oe aole au i uwe aku ia oe, uwe aku o Hiiakaikapoiiopele ia Laniloa ma ke mele penei: Lele Laniloa ua malie Ke hoe ae la e ka moae Ahu kai ina pali, kai koo o lalo-e Ua pikai ia uka-e. A pau ia, hele no laua uei a hala o Kaipapau, a hala na Laie, Malaekahana Keana a Kahipa la-

ua nei, nana akuu laa nei, e noho mai ana o Punahoolapa me Pahipahialua, o ka pane ole mai o laua la ia laua nei, kahea aku o Hiiakaikapoliopele ia Punahoolapa ma; ma ke mele penei: Komo i ka ulu ua hele o Hinalo Nahele hala o Pookahalulu. Oia nahele hala makai oo ka Kahuku. Heaha la hoi ka hala I kapu ai o ka leo-e I hookuli ai oe i ka uwalo e Euwalo aku ana au Maloko mai oe -e -:Aole i puehu:-