Ka Leo o ka Lahui, Volume II, Number 669, 24 March 1893 — Page 2
| This text was transcribed by: | Kyla Kariger |
| This work is dedicated to: | Aunty Mapu |
KA LEO O KA LAHUI.
JOSEPH NAWAHI,
Laoahoopnonpono a me Puuka.
POALIMA MARAKI 24,1893
KA HUIANA
O KA
Hooilina Moi
Kailani
ME KE
Keikialii Kawanankoa
MA
Wasinetona.
E hoike ana ka nupepa"San Francisco Daily Reporte" o ka la 9 o Maraki penei:
Wainetona, Maraki 8,--Ua hiki mei nei ke Kama Aniwahine Kainlani ianei nei i keia auina la ma ka Arlinton Hotel, a me ia pu o Victoria Cleghorn. Mr. me Mrs. Davies a me Miss Davies, us kipa aku ke Keikialii David Kawananakoa e ike iaia ma ka Hotel. Ua oleloia ae he mau hoaloha makamaka loa laua kekahi me kekahi. Pela no!
HURO! HURE!
HURA!
NO KA PUALI PU-
HI OHE HA-
WAII.
OIA KA OIKELAKELA,KA NANI LUA OLE KE OHAHIAKA-
MAHAO.
Kike ka Ala, Uwe ka Mamane,
Uwa ka Piha Kanaka he
4000 ka nui a haalele wale;
Pau ka Naonao i ka Holo e
Pee iloko o na Poopoo.
Ke haawi aku nei ka Lahui Hawaii AlohaAina, Aloha Lahui, a ALoha Moi, ina hoomaikai ana he nui palena ole i na keiki aloa o ka Puali Puiohe Lahui Hawaii; no ko oukou Aloha Aina oiaio, Aloha Lahui, a Ahloa Moi: Ua Ike no ka Lahui Hawaii ponoi, i ko lakou piha aloha ia oukou, no ka mea, he io ponoi oukou no ka Lahui Hawaii, A he koko ponio hoi, mai ka puupuu hookahi mai o Papa a me Wakea, aohe i wehe‘na ka pili.
Ua ike ka Lahui i ko oukou kupaa no ko oukou ania, a no ia kumu, ua hoopau ia mai la oukou mai ka noho ana aku malalo o ke Aupuni Kuloko hou, a ua noho nele oukou, ko kakou Moiwahine, a o kakou no hoi a pau me ka hune i kahi e loaa mai ai ke ola ia kakou a me ko kaou mau ohana. Aloha wale no hoi. Heaha la hoi, e kau aku i na maka iluna, a e nana aku i ko ke Akua aloha ia kakou.
He nui ko KA LEO O KA LAHUI aloha io oukou, a he mahalo no ka maikai a me ka oluolu o kela a me keia mele a oukou i haku ai. Mailoko ae-o na leo mele ma ka papa ekahi i ko makou hoolohe aku a he ekolu ma ka papa e‘na, a o ke koena aku, malalo iki iho no, aka, ua nani hoi aohe a makou mea e ka mailio ae ai, oia nani no hoi ia.
Aohe mea a makou, a ka Lahui Hawaii e olelo hou aku ia, aka, he maha‘o piha ohohia ina ole.
Aohe wa mamua aku i ike ia he piha lau kanaka e like me keia, a he lohe okoa aku no oe i na poe haole malihini mai o na aina e ia kakou, oiai nae moi, ke noke ia la kakou i ka hoinola e na keiki a na Mikanele ma Amerika. E na keiki o ka
puali Puhioh Lahui Hawaii. UA neie oukou aina; aka, e hoolana aia no manawa, a hiki mai na pomaikai.
KA HOOPII
A KA ʻ MOIWAHINE.
Ka Liliuokalani Hoopii
Imua o ka Lahui
Amerika.
Ka hoike a ka Moiwahine mai Kona pii ana ae a noho i ke Kalauna, a hiki ka manawa a keia hana nui i hanaia no ka hoopau ana Iaia - Hoakaaka i ke ano o ke noi ana aku a Kona Lanui Iaia i Kumukanawai Hou- E hanaia e like me ko Kaleponi- Ka Ninau e pili ana i ke kipe Hoao ana e kapaeia ka hookaheia ana o ke koko - Aloe oiaio o na olelo e pilil ana ka Waiwai ma keia Pao Aina
- Olelo Nane o ka Iliohae, he Keiki Hipa a me ka Hoopono.
Honolulu, March 1- No kapae ana mai i kau noi e pili ana i ka loaa ana he manawa e kamailio pu ai me ka Moiwahine no keia hananui. Ua hoike moi ka Puuke, aole loa oia eae i kekahi mea kakou nupepa ma na ano a pua; oiai, ua waiho aku nei oia i kana Hoopii ma ka lima o na Komisina, ke Kaiki‘lii Kawananakoa a me Paulo Numana.
Mamuli o ka lokomaikai o Samuela Paker kekahi Kuhina i hoopauia a me ka Hope Makai Nui o Maui. Ua noi hou ia ka Moiwahine e noonoo hou oia no kela Olelo Hooholo ana a e ae ia kekahi mea kakou nupepa kukai olelo a hoolaha aku ia maloko o ka Nupepa Examiner o Kapalakiko. Ua kakauia keia e likeme na olelo mai ka Moiwahine ponoi mai, heluhelu hou ia , hooponoponoia a apouoia e Ia. He nui na mea ana nui i ike mua ia ma na Nupepa.
S.S. CHAMRERLAIN.
Imua o ka Lahui Ameriak- Mai a Liliuokalni nai, ka Moiwahine i Hoopauia o ko Hawaii Pae Ana. I mea e lou ai manao pololei maoli no kekahi hana ano nui i hana ia ina he hana kaliaina a e a e pahu, he mea pono e loaa keia mau mea ano nui loa elua, ka ike pono ana me ka maopopo lea o na aoao elua maluna o kekahi ninau a o ka loaa ana o keia ike no ia mea oia ka mua nana w hoike mai i ka hopena o kekahi hana nuii hana ia, ina ua pololei a pololei ole paha, oia ia ai ka hopena o kekahi hana ano nui i hana ia.
I na hoi e hiki ana Ia‘u ke haawi aku i manawa no kekahi kanaka manao kaulike no ka hooluulu ana e loa kekahi mano pololei no na hana i hana ia, oia hoi mai ka manawa mai O‘u i hoonele ia mai ai i Ko‘u Kaiaunu; a i oi loa aku hoi i ka hooweliweli ana maii Ko‘u Lahui w lawa, loa ia ana ko lakou noho kuokoa ana no ka manawa mau loa.
Owaa ke manao nei i keia manawa e hoolahaia keia elike me kau e manao nei oia ka oiaia maoli o na mea i hanaia iloko o ko‘u manawa i noho ai ma ka Noho Alii a hiki i keia hookahuli Aupuni ana iho mei. Aole hoi he ao eleele loa i kau ihe maluna o kekahi Lahui aknaka i oi aku kona elele mamua o na manao e holoi loa ia lakou mai ka noho ehaeha i ke ia i hiki ke hoohalike ana kaili ia kona Kalannu mai iaia aku me ka ike ana o kona inaa e waiho i aaku ana ia ilalo ma ke ano he pooAupuni i kailikuia aku ka mana mai kona lime aku.
E ikeia nae ho hookahi wale o aoaoi hoike i kakhi moolelo kaao.
O Ko‘u poe enemi, ua loaa ia lakou he manawa kupon loa no ka hoohana manuna o kekahi kahua me keakea oleia. Aole no hoi lakou i haole hope‘i ka lawa ana i keia manawa maikai no ia kulana.
Aole i oaka ai Ko‘u waha, malalo ˚a}u Hoopii Hoohala ua waiho Au ino mea a pau, a ua ao Au Ia‘e e malama i ka maluhia. a oiai Au w noho ana malalo o Ko‘u hale ma ke ano mehameha ua hoole aku Au Ko‘u aike aa a hookina ana mai kekahi poe kakau, nupepa pela pu hoi na wahi akea a me Ko‘u wahi ponoi maloko hoi o na Halepule a pela pu no hoi maloko o na kaoamu a na pupepa; o na LUna Aupuni ane o Amerika Huipuia aole i hoopau i ka hakuepa ana me na olelo hoino pilikino ana Ia ‘u
Ka Ninau Hoohui Aina.
E KOI MAI ANAN KEKAHI MANA E AE , INA E ULOLOHI ANA O AMERIKA.
Ua Manaio
-o-
SENATOA JONES
UA NAAUAO -KA- Clevland
E hana nei
[Mai ka Examiner mai].
Nu Ioka, Maraki I2. Ua hoike ae o C.L. Carte, kekahi hoa o ke komisina maloka o ka Hale Everett i kona minamina nui i ka hiki ole i ka Ahaolelo o Amerika ke hooholo i ke kuikahi hoohui aina, a he mea hoonaluea loa ia hoi ma ko ka Peresidena ponoi huki ana aki nei i ke kuikahi iwaho.
O makou, o na poe kokua i ka hoohui aina (wahi ana) ke kaeele mai nei na manao, a‘a no makou i kahi makou i hele mai ai. Aohe ou kue i ke kumu o ko Peresidena manao ana pela, aka he mea haohao no nae no kona kaohi pi wale ana i ka noonooia ana. Aoho i maopopo iki ia‘u heaha la ke kumu o kona manao ana pela. Me he mea la, ua noonoo ia, he mea pono loa e hooana ia he komisina e ninanenau ai i na paemoku, a e ninau pono i ka manao o ka lahui no ko lakou makemake e lio i apana no Ameirka Huipu ia. Ke manao nei au, he mea paakiki loa ka loaa ana mai o kekahi wahi pono ma ia mea, Oiai o ka Moiwahine a me ke Aupuni Kuloko, uawaiho mai nei laua i kalaua mau kumu i anei nei, a aohe no he mau mea hou aku e pono ai a hope.
E hookohaia anei he mau Komisina e hole ilaila, a panee loa aku ka loaa ana mai o kekahi olelo hooholo no hookahi makahiki ka loihi? A ia manawa, o ka pono o na waiwai o na poe Amerika, e waiho walo ia no pela, a o ka launa oluolu ana a no Poai Phana, ma Hawaii e waiho wale no pele, me ka maopopo eol o na hopena?
E kauohi ia anei ka ninau hoo hui aina ma ke ke koho balota akea ana o ka Lahui? A he nea anei ia e ko ai, a e ko ole ai pahi keia kumuhana.
No ke kamailio ana, no ke kuu akea; ke lolelo nei au,ua ke kuu akea;ke olelo nei au, ua like a like no ke koho ana a like no na balota. O ka Lahui Hawaii he like no lakou a a like me ko na lahui oia ano hookahi no ma na aina e ae. A he ninau ano nui loa kahi e pili ana i ke dala maoli ina paha he mea ia e hoike ai i ka hopena no ka ae, a no ka hoole loa paha i ka hoohui aina.
I Aupuni Hooko Koke.
He mea oiaio anei, ua hapapa ia mai oukou e na Agena Beritania, me ka manao e kukulu ia i Apuni heomalu malalo a Beritania?
Aole loa i hoopaia mai, aka, ua makemakeia, ina paha he makemake o Amerika ia makou, ke kai aku i kekahi mana okoa aku; aole au e olelo aku, owai laia mana, aka, aole loa o makou makemake e noho malalo o ke ano aupuni i hoeanaia e ka Moi i make, a he ole loa aku hoi malalo o keia Moiwahine e noho nei, oiai no ua hui lokokahi na poe ohana a pau loa o Hawaii ma keia manao.
Ma nehinei, ua kipa aku o Mr. Carter m ak Union League Club a na kukakuka pu me kekahi mau hoa, i ke kumu o kela hui i ka haule ana o ka olelo hooholo no ka hoohui aina.
Ua olelo ae oia, ua ike au, oiai he aneane 1600 na laia oia hui, eia nae he 100 wale no hoa i hiki mai i ka halawai i ka wa i laweia mai ai ka olelo hooholo, nolaila, o ke koho ana he mea hiki ole loa ke aponoia ka makemake o ka Hui Uniona.
Ua hoike ae hoi o Senatoa Jones i kona manao, he mea pono loa w ikw ia ka manao ponoi o ka Lahui Hawaii no keia ninau mamua o ko kakou hoao ana e hana i kekahi mea i maopopo ole kona aponoia a hoole ia naha e ka Lahui Hawaii.
HE WAHA-A KA NUPEPA AWALAKAIKA.
He ku i k lapuwaia na olelo a na nupepa i hoopuka ia e na manao o na poe Mikanele! e olelo ana a e hoopuka ana i na olelo hoinoino no ke Kama Ahiwahine Kaiulani O ke ano msoli iho la no ia o keia poe, he hookamani maoli no ka lakou mau hana e olelo ai he noe karistiano lakou.
He o koa loa ka manao o ka wahine a ka Peresidena o Amerika Huipuia, he mahalo oia, a he aloha ke Kama Aliiwahine Kaiulani.