Ka Leo o ka Lahui, Volume II, Number 672, 29 March 1893 — Ka Hui Hawaii Aloha Aina a na Lede. [ARTICLE]

Ka Hui Hawaii Aloha Aina a na Lede.

Ma ke awakea o ka Poakahi nei ma Ariona Hale, ua malamaia he halawai e na Lede Hawaii Aloha Aina. Ua piha keia hale a aole he wahi e noho ai o na lcde i hiki hope mai, ua hoomanawanui no lakou i ke ku ana iluna, a o na lanai elua ua piha pono ina Keonimana. Ua weheia ka halawai me ka pule mai ka Makua Rev. S. Kalana. I ka pau ana o ka pule ua nonoi mai o Hariaka Hairama i ka oluolu a akahai o ke anaina holookoa e hoomalu a e waiho mai i ka inoa o kekahi lede i Peresidena no keia hui, waiho ia mai o Mrs. F. W. Macfarlane [Emalia Makapolena] hooholoia. Ua hoomalu mai la ka Peresidena i ka halawai a hoomaka aku la ke koho ana i na luna nui o ka hui. Elike me keia: Mrs. F. W. Macfarlane, [Emalia Makapolena], Peresidena; Mrs. Jas. Campbell [Kuaihelani], a me Mrs. C. O. Berger na Hope Peresidena, Mrs, J, P. Kahalewai [Kaluimaemae] Kakauolelo, Mrs. W. M. Giffard. Puuku. NA PERESIDENA HANOHANO. Na Lede:— Mele Poka wahine T R.Foster Kahalewai Kamaki " " Keoni Kamaki Kulamanu Alani " " Samuela Alani Kekaaniau Palaika " " F. S. Pratt Kahalelaukoa Baraunu " " C. A. Brown Hope Kakauolelo Hanohano Vitoria Ward. Komite Hooko. Na Lede:Emalia Makapolena, Aima Nawahi Kahuila Wilikoki, Liha Aholo, Me

le Gay, Kieke Kaae. Haliaka Hairama, Meleana Lemona, A. A. Haaelea, C. O, Berger, Lala Mahelo na, Leihulu Keohokalole, Marie Kahai, Mine Alderlich. Komite Waiwai. . Kema Meekapu, Kini Have, Fane Norrie. Lahilahi Webb, Amelia Joy, Makanoe Kaaepa, Lize Doiron, C. Sharatt, Malupo, a me Lokalia Holo. O ke kumu o ko makou pai ana, ina inoa o na Lede maluna ae ma ka inoa Hawaii i maopopo pono ai ina mea a pau i ike ole i ka olelo haole na Luna Nui o keia Hui a oukou e ka aoao palupalu. O ka Ka Leo o ka Lahui e noi ae nei i ua mana Lani oia pu kekahi me oukou. O ko oukou nawaliwali ma ona la e ikaika ai a papahi oukou ka Lei o ka Lanakila. He hana hanohano a kilakila keia a kela a me keia wahine Hawaii e hana ai, a he hana kamahao loa hoi i okomo ia aku iloko o ka moolelo o keia Aina. a i waena hoi o na moolelo kaulena o ke Ao Holookoa. Ke kono ia aku nei na Lede puuwai aloha aina oiaio e hele mai i ka halawai o ke awakea o keia la (Poakolu) ma Ariona Hale. I mua e na Makuahine oiaio o Hawaii, a hoihoi hou ia mai ka Ea o ko oukou Aina kona Kuokoa, a oukou e hooili aku ai maluna o ka oukou mau kamaiki, a me ka lakou mau pua aku. A e welo mau ka Hae nani o Hawaii. "E ola o Hawaii i ke Akua."

Ma ka hukihuki kaula oka po Poakahi nei mawaena o na Hui Ilawaii me ke Kepani ua iilo ka eo i ka Hui Hawaii manawa huki 2 roinute. ♦ • ♦ — Pukiki me Kelemaniā. ua loihi ka manawa o keia mau Hui i huki ai, iia lilo i ke Kelemania i kinohi a o Kapuai, ia manawa ua kuu pau iho na Pukiki i ko lakou ikaika, a t hoomaka aku lilo in lakou a hiki i Ka piha atia o 6 kapuai lilo ka eo i ke Pukiki manawa huki l hora 22 minule 10 aekoua. ■ ; ■ I ; - ' V .1 . ' " ' ■: -, Hukihuki kaula hope loa ma ke ahiahi Poalua nei mawaena o n& Hui kue ia Helana, Ainerika kue ia lapana, Hawaii kue īa, Pukiki. 0 ka makamua loa keia o oka Hui Hawaii a me Pukiki e huki ai |a o ke kulaua o keia mau hui [aiajlike laua ma ka 2 eo a ka mea hookahi. Ua kaena ae nae na Pukiki $ lilo ana ka Hui Hawaii īa l.akoul o ka hoao no hoi ka. e pau aii kuhihewa ke lana nei ko makou manao na Hawaii no ke eo.