Ka Leo o ka Lahui, Volume II, Number 675, 3 April 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU APERILA 1893.         HELU 675

 

HE MOOLELO KAILI PUUWAI NO SENIA LUTERA

Ka Ui Puuwai Mabala o ENELANI KAHIKO.

A I OIE

He Nanea Hooheno no kekahi Kauna Wahine Opio me kana mau Aloha Ekolu. (Ka auia no Ka Leo.)

MOKUNA XXXIV.

            Owau ka mea i ku i ka hewa! E hopu mai ia'u, no ka mea na'u i lawe i ke ola o ke 'lii Codona, a o ke kanaka nona na lima a oukou e hoopaa nei, @@ maemae o kana wahi bebe uuku!

            Oiai aole oia i manao aia oia ilaila, ua kuhihewa oia ua huli hoi loa aku oia no kona home no ka ike ana i kana wahine a me ke keiki, a ua manao no hoi oia e loaa hookahi aku ana kana kane iaia i hiki ai la hoi iaia ke hoike aku i kana kane i na mea a pau ana i hana ai.

            Laionela, wahi ana me ke pihoihoi nui, me kona manao he moeuhane keia ana e ike nei.

            Laionela, heaha kau hana maanei?

            Ua hiki mai au maanei e ike iaia, me ka huli ana ae o kona poo i ka rumi ana i manao ai aia ilaila ke lii Codona, me ke ano haalulu hoi o kona leo i pane mai ai.

            Ua hiki mai au ia nei me ka manao e hoike pau aku iaia i ka noolelo e pili ana ia kaua mai ka mua a ka mua a ka hope, a malia hoi o alohe mai oia, a hookuu mai ia kaua e hoolilo ia i hookahi iloko o ke aloha, a oia ka'u e hele ae @ @@ e hoike aku iaia i keia manawa koke ano.

            E Laionela! wahi a Senia me kona puliki ana aku i kona lima, oiai aole ona makemake e hele oia e hoike i kana kane.

            O, e Laionela, mai komo aku oe iloko o laila, wahi a Senia me kona puliki ana no i ka lima o kana ipo, aole o'u makemake e k@mo oe iloko o kela rumi, ina he aloha oe ia'u ma keia  wahi no oe e ku ai a hoi aku, a owau ke komo mua aku e launa me ia, a na'u no hoi e hoike aku iaia i na mea a pau, oiai he oluolu loa oia ia'u mamua o kekahi mea e ae.

            Aka, ua hele loa ae la no hoi oia a hala ae kahi a Senia e ku ana, a kaomi iho la oia i kahi a kona puuwau e pana ae ana. Ua piha makau loa oia, i kekahi mea ana i hiki ole ae ai ke hoomaopopo. Neenee aku la oia a pili i ka ipuka e hoolohe, me na waimaka walohia e kulu ana mai kona mau onohi maka aku.

            Aole i loihi kana ku ana ma ka ipuka o kahi a Laionela i hemo aku ai, na pae mai la ka leo i piha i ka eehia, a i kona komo ana aku, aia hoi ike aku la oia ia Laionela e ku ana me ke kuhi ana o kona lima i ke kino make o kana kane mare, a lohe aku la hoi i ka leo e uwe mai ana, me ke kaukau ana i keia mau olelo.

            Ua make oia, ua make lii Codona i pepehi ia e ka lima koko, i kona wa i ike ole ae.

            I ko Senia a lohe ana i keia, ua poha ae la kona leo uwe kumake ua walohia, me ke kukuli ana iho ma ka aoao o kana kane e waiho ana.

            Aole, aole e manao aku ua make oia, e moe wale ana no, e Laionela aole oia i make io.

            Ia Senia e uwe kumakena nei, aole oia i hoomaopopo ua pulu kona aahu i ke koko, a nana ae la oia ia Laionela a pane ae la me ka leo ehaeha.

            E Laionela, ua make io anei kuu kane; e hai mai oe ia'u i ka oiaio ina he wahi aloha kou ia'u, e hai mai oe ia'u.

            Ua make oia, aole oia i kala i make ai.

            Ia wa hoomanano ae ia oia, i ka poino nui e ili mai ana maluna ona, ina e loaa mai ana oia me ka mea make, a kuhikuhi ia mai i ma ke kuu aikane ia'u, oiai ua lohe lalauahea ia nei o Laionela ka ipo aloha paa a Senia, a pela no hoi oia e noho hoopoina ole ana i kona aloha mua ana.

            Hoomanao pu ae la no hoi oia, he oiaio anei na kuu wahine a'u i aloha nui ai keia mau hana hoomainoino.

            Ua hiki ole nae iaia ke manao me ia, aole oia i manao e hana o hana o Senia i kekahi oia mau hana ekaeka lima koko, no ka mea o kona puuwai, aole i hoopananaia e na manao kuko ino, a aloha hoalaha ole, i aa ai kona lima palupalu e kau aku ia mau haawina hoomaewaewa maluna o kana kane mare.

            E Laionela, owai ka mea nana i hana keia hana aloha ole, aole he kanaka oluolu a malama maikai, a aole no hoi he hoa enemi o kuu kane; nawai @a, a owai noi ka opu lokoino nana i hana keia mau hana pakaha?

            Aole o Laionela i pane aku, aka nana aku la oia i kahi o na puka i hoeha ia ai ka mea make, e hamama, ana ma kona umauma, a holoi ae la oia i ka manao kuhihewa i komo a@ iloko @@a, ana i manao ai na Senia i pepehi i kana kane, oiai, aole keia mau eha he mai mea hou aka, ua loihi ka waiho make ana o ke kino o ke lii Codona, a he maopopo aole na Senia keia bana.

            E kulou ana oia maluna o ke kino make o kona hoaloha, e paa ana hoi ma kona lima i ka pahi i pulu i ke koko, ia wa ua lohe koke ae la oia i kekahi leo, me ka lima koikoi e kalele ana ma kona poohiwi me ka olelo ana iho.

            E ka haku Laionela, ke hopu nei au ia oe no ka make o ke alii Codona, a me keia wahine hoi, he kokua ma keia hana.

            Ua huli koke ae ia o Laionela, ia wa oia i ike ae ai ua piha ka rumi pua i na kane me na wahine nona helehelena huhu e ao mai ana iaia aole oia e manao aku he hookahi o lakou me kahi manao aloha iaia.  Ia wa no hoopaa ia iho ia kona mau lima me kekahi paakila hoopaalima makona mau pulima.

            E like me he uwila la, ua poha mai la maluna o kona noonoo ka mea oiaio. Ua ike aku la hoi oia i ka helehelena o ke keiki kuewa Heneri, e haka pono mai ana mai waena mai o ka poe i akoakoa mai, ke kanaka hoi nana na hana hoopoino mau ia Senia i ke la, a me keia wa o kona ola ana, a e hene aka mai ana hoi kona mau helehelena, me he la, e hooioi mai ana ia ia.

            Ua lilo he mea ole ka Laionela mau pale ana aku ia ia, a me kona hewa ole, aka, ua hiki ole ke lo@i na ano e hoike nei oia maoli no ka mea i hewa.

            I keia mau mea e hana ia ana imua o Senia, ulu @e la kona manao e hoopakele i keia hopu a li ia paha o Laionela ma ke kumu ole, ia wa oia i kahea ae ai me ka leo nui. E aha ana oukou. E hopu ana ami oukou i ka mea hala ole. E hopu ana anei oukou i ka mea hala ole. E hopu mai oukou ia'u ke mea i hana maoli i ka hewa.

            Owau, aole oia la, ka oukou e hoopaa me na kupee hoopaa lima no ka mea owau ka mea nana i lawe ke ola o ka mea   make.

            E malie mai oukou, ae hoopaa aku ia'u oiaio owau ponoi ka mea nana i pepehi kuu kane.

 

Eia ka papa inoa o na Komite kakauinoa o "Ka Hui Hawaii Aloha Aina"

F.S. Keiki, Apana 1.

Chas. Keawe, Apana 2.

J.K. Prendergast, Apana 3.

            Kapamawaho)

A.K. Palekaluhi, Apana 4.

Wm. Mokimana, Apana 5.

            Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka was e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou iini.

MA KE KAUOHA.

 

            He Ahaaina Fea ke haawiia ana ma kahi o Mr. Wala mauka o Kalihi, ma o aku o kahi o Wilikoki mahele olelo ma ka la 5th o Aperila, no ka pomaikai o ka Halepule Kakolika ma Moanalua.

            He elua Kikiki e kuai ia nei i keia manawa he 50c. a me ka 25c ua emi maoli keia e hiki ai i keia a me keia ke loaa ona wahi Tikiki

            He elua ano mea ia he mea ai Hawaii a me ka mea ia Haole. E ku mau ana na kaa Ahi i ka holo a me ka hoi ana mai, oiai he uu@na waiwai o kela a me keia ano e kuai ia ana ma keia Fea. He mau pono lawaia kekahi, e kuaiia ana me ka emi loa, e loaa ka Lau upena, Aho Upena, Hinai a me na lako e ae oia Oihana.

            Ua makemake ia ka poe lawaia e hele kino ae i ike lakou i ka makepono maoli no o keia mau waiwai, a pela hoi ka lehulehu holookoa ke konoia aku nei e hele ae ma keia Fea, e kuai ia ana na waiwai o kela a me keia ano me ke kumu kua haahaa loa.

 

OLELO HOOLAHA.

             E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu. Pikake a me na ano manu e ne apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai la maua, a hookolokolo a hoopai ia  ke kanawai no ka lawe aihue i kekahi o ua mau ano manu nei, e hoike mai ma ko=aua Hale Kuai ma Wailuku. Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi. Lio a mau Holoholona e ae, me ke n@@ mua ole mai ia maua a i ke mana Luna paha, oia o Frank Freitas e noho a@a maluna o ka aina.

A. ENOS & CO.

Wailuku, Maui, Feb. 9th, 1893

feb9 3maw,

 

            HUI ALAHAO A ME AINA O OAHU.

Papa Manawa

Mai a Mahope o Okakoba 1, 1892

NA KAA

                                    A.M.    A.        P.M.    P.M.

Haalele ia Honolulu    6:15*   8:45     1:45     4:35

Hoea i Honouliuli        7:20*   9:57     2:@7   5:35

Haalele ia   "                7:30*   10:13   3:45     5:42

Hoea i Honolulu          8:35*   11:55   4:55     6:50ǂ

NO KULANAKAUHALE MOMI IHO.

Haalele ia Honolulu                            5:10ǁ P.M.

Hiki i Kulanakauhale Momi                5:48ǁ

Haalele ia   "                  "                    @:55* A.M.

ǂ Poaono wale no

* Koe ka Lapule

ǁ  Koe ka Poaono

Sept. 28 tf-dly.

 

HOOLAHA AINA.

            E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii. O ka mea a mau mea i kuai a hoolimalima paha i keia mau aina, aole i mana ia @ana ana, ina he mea a mau mea paha e paa nei i ua mau apana aina nei, e hoike koke mai ia'u, a i ole e kipaku no au ia lakou.

S.K. KILA OPIO.

Honolulu, Feb. 17, 1893.

4ts-wkly.

 

Elia Kaululaau.

Kauka Hana Niho.

            Ua hiki ke huki ina Niho me ka eha ole iloko o ka manawa pokole loa. He loea me ka noeau ma ka Hoopiha ana i ka niho me ke Gula Kala a mea e ae paha. He akamai loa ole i ka Hana ana ia na Niho Kui o na ano a pau.

            He Mikioi ka Holoi ana ina Niho. He palanehe kona mau lima ma Kana mau mea Hana Niho o na ano Hou loa i loaa mai nei. He oluolu no ke kukai olelo ana @@ kona ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loea ka Laikini Kauka Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

            E ikeia kakou @oa Kanaka o kipa hewa kealoha ia lakou nei ae.

            Keena Hana maluna ae o ka Hale Hana Pu i ke kihi o Alanui Moi a me Betela Puka komo e pii ai iluna o ke Keena ma Al. Moi.  

mar.0 tfd