Ka Leo o ka Lahui, Volume II, Number 675, 3 April 1893 — Page 4

KA LEO O KA LAHUI.

"E Mau ke Ea o ka Aina i ka Pono."

KA LEO.

JOHN E. BUSH,

HONOLULU APERILA 3, 1893

KA MOOLELO O HIIAKAIKAPOLIOPELE.

I HOOPONOPONOIA

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

I keia la aia nei e hoi nei, o kona la no ia i hoomaka ai i ka hele ana i na wa mamua ae, na ka wahine wale no e lawe i kahi e laweia ai, a me ka hoi ana, na ka wahine wale no e kii a haawe ma ke kua a hoihoi i ka hale. I keia la ana e hoi nei, akahi wale no la o ka mama i ka hoi ana i ka hale me ona mama nui loa. Ko ia nei hoi aku la no ia, e wikiwiki ana ua oopa nei a kau iluna o ka pali, e wikiwiki keia a hiki i ka hale, aohe i pane aku i ka wahine. Kiola iho la no keia i kahi eke lawaia, lalau aku la no keia i ka pa o ka hale, kaka i wahie. I nana aku ka hana o ka wahine i ke kane, i aku ka wahine, heaha hoi keia au e wawahi mai nei i ka pa o ka hale o kaua, akahi no hoi ke mama, mama wale oe, akahi no hoi la o ka mama, o kuu kuku ae la keia i kahi kua a kaua la a waiho aku, kii aku la hoi au ia oe, eia ka ua hoi mai nei oe. Aohe oia la nana mai i ka olelo a ka wahine, kaka no keia i ka wahie, o ka nui koi a ka wahine, alaila, ninau aku o Malaehaakoa, aohe au mau wahine i ike ae nei i ka hele aha ae nei maanei la? Ae mai ka wahine, ae, he mau wahine. I mai o Malaehaakoa, o ke akua ia, o hele i ka luau, hele ka wahine i ka luau, ho-a o Malaehaakoa i ka imu a a , hopu keia i ka ilio, kaawe a make, unuunu a pau ka hulu, hana keia a maikai, i ka wa nae i hoomakaukau ai ka a ana o ke ahi, hooho o Wahineomao i ke ahi, i mai o Hiiakaikapoliopele, na ua oopa la, ola nei la. E loa hoi ka hana ana a ua oopa nei i ka mea ai, hoi mai ka wahine me ka luau, enanena ka imu, laulau ka ilio me ka luau, a pau, kalua ia ka luau me ka ilio. Kalua ke kane i ka imu o ka mea ai, hoi ka wahine hoomaemae ia loko o ka hale, hahi iho ka moena a pau, halii iho ke kapa maluna iho o ka moena. E loa ia hana ana a laua nei, e loa ka hooponopono ana, a maikai ka hale, hoi ae laua nei hoomaha, ku ana o Hiiakaikapoliopele me ke aikane me Wahineomao. I loa no i ka hiki ana o laua nei, huai no ka imu a Malaehaakoa i hoomakaukau ai na laua nei, huai mai la ka imu a pau, ohi ka laulau a luna o ka pae o ka imu, hookomo iloko o ka poi, hoihoi ia a loko o ka hale, wehewehe ia ka laulau a pau, hana o Malaehaakoa a maikai ka mea ai, alaila, hoomakaukau ka ai, nee mai la o Wahineomao e ai. Kaumaha o Wahineomao a pau ke kaumaha ana i na akua, alaila lawe ae o Wahineomao i kana wahi ai, a me kana wahi luau, me kana wahi ilio, a paa ka lima. hookahi no ka hao ana ae a na akua i ka luau, o ka pau no ia, koe no ka Wahineomao i ka lima.

HE MAU NANEHAI NO KA NAAUAO.

Imua o na opio o e au o Liluiokalani.

Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?

Nanehai 5. Heaha la ka mea e moe ai (upoi ai) na maka i ka wa e pule ai?

Nanehai 6. O ka hiona i ike ia ma ka moeuhane, he mau hoakaka anei ia i ke ola uhane o ke ao maluna ma ka Lani?

[Ma ka loaa pono o ka haina, e kapaeia ai kekahi Nanehai, mai ka hoolaha mau ana].

HOOLAHA PAPA AINA.

E ike auanei na kanaka a pau ma keia; Owau o ka mea nona ka inoa malalo iho nei, ke papa aku nei au i na mea a pau loa, aole e puni wale a ae aku paha e hoolimalima a e kuai paha i keia mau Apana Aina a pau loa o kuu kupunakane i make, oia o S. W. B. Kahaumanu. Oia keia: Hookahi Apana Aina ma Honouliuli, Ewa, Oahu; Hookahi ma Waikele, Ewa. Hookahi ma Leleo Honolulu. Owau iho no, S. W. B. KAHAUMANU-OPIO. Maraki 9,

1893. mar17 1mw

E Nana e na Keonimana i Keia.

E WEHE IA ANA! E WEHE IA ANA!!

Ke Ala hou Ana o na Kahiko Nani Like Ole

MA KAHI o N. S. SACHS. 104 Alanui Papu, Honolulu. Eia ma ko'u Halekuai, e ike ai na mea a pau,

He Punawai Pipii Ano Hou I kahikoia me na Pua Nani Like ole o kela a me keia ano. Na Lipine Ano Hou Loa Na Lihilhi Panio. Like ole a na Ano he nui, a kahiko nani i kinikohu ia, i ka wehi o na Opio. Eia la ke ahu Alala kunui nei, hele mai hookahi, hele mai elua, hele mau a pau. Eia ka Nani la, ke alohi nei i ka papa o Maukele Na ka anoi e wae, e like me ke koi-i koi a ka puuwai.

:N. S. SACHS:

mar31 674-tfd. 104 Alanui Papu, Honolulu.

HEIAU O NA PAIKINI!

Kihi o Alanui Papu me Hotele. Wehe Aiwaiwa Ana o na Waiwai Hou Loa. Me ke ku ana mai nei o ka MOKUAHI AUSETRALIA a me ka MOKUKIAPA C. D. BRYANT; Ua loaa mai Ia ʻ u he 117 PAHU UKANA me na Waiwai hou o na ano hou loa, He nani e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nui. Ke konoia aku nei e hele mai e nana i keia mau Waiwai Hou Loa. HE MAU WAIWAI HOU WALE NO MA NA WAHI A PAU O LOKO NEI O KO'U HALEKUAI. He heluna nui e na Kamaa Wahine, Kane a me na Keiki. O ka 'u mau Kumukuai e kulike ana ia me kou makemake. Ke huli ae hoi ma ke kahiko Lole Aahu o na Aahu o na Wahine. He nani makalapua okoa no ia i ike mua ole ia ma keia Kulanakauhale, ma na Lole hiki ke holoi ia o na Waihooluu. E komo mai e nana i ka makou mau Waiwai Hou lLoa, a ke hooia aku nei wau ia oukou. Owau ke Alakai o na Kumukuai haahaa loa.

S. EHRLICH, Kihi o Alanui Papu me Hotele.

HE KUAI HOOKELAKELA NUI!

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. EHLERS & Co-PAINAPA.

HELU 99 Alanui Papu.

Oili Pulelo PAINAPA e kela i Kaupoki o hanalei; aka i hewa no nae i ka lele mua i ka hooulu i ka la ino.

Oiai he manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoopoho mai nei hoi kekahi mau hale kuai e hoao ana e kulai kekahi i kekahi, nolaila ke komo pu aku ae au ma ia hana maikai, no ka mea He Kawa ia Na'u i lele a Opu. He mau makahiki loihi i hale ae nei, akahi okoa kuu @ i ke ahi o e Kamaile a me ke Kawelu o Lanihuli, a i mea no hoi e hookoia ai keia olelo kaulana a kahiko Ohi Hapuku ka I'a o Kapaau. Eia ma Koʻu Halekuai nei na Parale Kamalii o na ano a pau, na Lako Lole na Hapuu a oukou o na paikini a pau mai ke nui a ka ukulele, a Lako Lole o na Lede a me na Keonimana o ke ano hou loa i ike mua ole ia ma Hawaii nei, na M malu o na waihooluu apau, a pela aku, a pela aku. E Kuai ia aku ana no ke Kumupaa. Nolaila mai hoohala i ka ike ana ia kaua. E hoomaka ana keia kuai hookelakela mai a ma keia mua aku. Na ka eleu mua no ka loaa, oloolo aku no ihope, pela. 575. tf-d1y. B. F. EHLERS & CO.