Ka Leo o ka Lahui, Volume II, Number 675, 3 April 1893 — NUI KE ALOHA AINA. [ARTICLE]

NUI KE ALOHA AINA.

Ua nui ka uluahewa o kekahi poe, no ka huki ia ana o ka Hae Amerika ilalo, a kau hou i ka Hae Hawaii iluna, a neia ulu ahewa, ua ulu ae he hoopaapaa ikaika ana mawaena o kekahi mau Lede koko hapa, a me kekahi Lede Hawaii Ponoi. A o ka ulele wale iho no koe. i na ai o Hinakahua a o ka hope loa ua uwe paiauma aku la kekahi koko hapa, a holo kiki aku la iloko o ka hale e uwe ai. Mahalo a nui i ka wahine Hawaii Aloha Aina Oiaio, na ke Akua no e kokua mai ia oe, ame kakou pu a pau. Ua mau ke Ea o ka Aina i ka pono.