Ka Leo o ka Lahui, Volume II, Number 678, 6 April 1893 — Page 4
This text was transcribed by: | L. A. Marchildon |
This work is dedicated to: | Any Canadians calling Hawaii home...I'm so envious !! |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOHN E. BUSH,
HONOLULU APERILA 6, 1893
KA MOOLELO
--O—
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A ME KA POE I HOOPAA I NA MOOLELO A ME NA
KAAO KAHIKO O HAWAII NEI.
He make no Auaahea i kalua ia
I ka puaa aohe ihi ka lau Ahea
Ka ipu kaumaha a ke akua
Ka mamala kapu a na hoalii
Kui i ka lani ka hekili o ka ua loku
O Kaulahea o ka Okai nuu o ke ao
O Kaomealani e ua la, aha o ka hala ia
Lili ke akua, akahi Pele la, a hohoka
Akahi Pele la a neenee
Akahi Pele la a neenee
Akahi Pele la a ai pau, i pau i ko hoa
I oni i ke a, i pahoehoe ai oe i ka mauna
Aunea, pahoehoe la, noho iho la
Kalau Kaula, e ka pau hale o ke akua
E Kaneulaapele, o Kuihi Malaniakea
He hoalii na Pele, he noho ana ai laau
Na wahine pule mana nana i papawalu
Elieli kau mai
Kiopekiope mai ana ke ahi ai kanaka
Ilalo o Kilauea, a i Kumaumaua
Ai kua mai ana ka pihe a ke akua
Iluna i ka pali o Mauli
O ka hua wai maka ia nei,
O kanaka nana i huli pueo ka wai
Pu oe i kau laau me ko makaainana
Hopu au i ka'u laau hahau i ke akua
Kuua ae Pele lapuu na Pele
Waiho ana ilalo lapuu ka moe
A Kaula ilalo la pahoehoe ai oe
Auwe! pahoehoe la, e holo e ka waa
E kaa ka mauna, ola Hiiakaikapohopele
Hoi aku e, hoi aku iluna i ka malama
Aama pii ae iluna i Kauwiki
Iho mai aama i ke aka o kanaka
Hooili aama ku i ka laau
Lawea aama haona i ke eke
Kaohi Paiea i ka pola o ka malo
Ku ana Paiea lilo ka unuunu
Lei ana Paiea i ka hua limu-kala
Kau ana Paiea iluna i Kaala
Maunu Paiea haalele i ke eke
Ninau Moala ehia inu awa, eha
O Ea, o Honu o Kukuwau, o Hinalea
O Kaapuhihi, o Kahihiwai, ai ae lokipua
Ai ae lolikoko, ai ae lolikae, ai ae lealea
O Leleamakua, makua o Kahikona
Nana i hanau, kaha ka ua koko
Haina ae ana ka mana
O ko akua iwaho la, i lili
Elieli Kau mai
Ke hoike pu ia aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou iini.
MA KE KAUOHA.
HE MAU NANEHAI NO KA NAAUAO
Imua o na opio o e au o Liliuokalani.
Nanehai 3. I na paha e kapaeia na Eanawai mau o ka Poai Lani o ke ao holookoa; alaila ihea la e waiho ai ka honua nei?
Nanehai 5. Heaha la ka mea e moe ai (upoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
[Ma ka loaa pono o ka haina, e kapaeia ai kekahi Nanehai, mai ka hoolaha mau ana].
HOOLAHA A KA LUNA HOOKO KAUOHA I KA POE AIE.
Imua o ka Aha Kaapuni o ka Apana Kaapuni Akahi, ma ka Hooponopono Palapala Hooilina. Ma ka Palapala Hooilina a Maria O'Sullivan i make. O ka mea nona ka moa malalo nei, ke hoolaha aku nei, ua hookohuia oia i Luna Hooko Kauoha no ka Palapala Hooilina a kauoha hope loa a Maria O'Sullivan i make ma Honolulu A ma keia ke hoike aku nei oia i ka poe he mau aie ko Maria O'Sullivan ia lakou, e waiho koke mai iaia i ka lakou mau koi i hooiaioia ma na bila aie pololei ma ka Halekuai o E. O. Hall & Son (Mikaholo) iloko o eono malama mai keia la aku, a e hoole loa ia hoi na koi ke hala keia manawa.
ABERAHAM FERNANDEZ.
Luna Hooko Kauoha o ka Palapala Hooilina o Maria O'Sullivan i make. Hanaia i keia la 20 o Maraki, 1893.
mar27 3wksd.
E Nana e na keonimana i Keia.
E WEHE IA ANA!
E WEHE IA ANA!!
Ke Ala hou Ana o na Kahiko Nani Like Ole
--MA KAHI—
--O—
N. S. SACHS.
104 Alanui Papu, Honolulu.
Eia ma ko'u Halekuai, e ike ai na mea a pau,
e Punawai Pipii Ano Hou
I kahikoia me na Pua Nani Like ole o kela a me keia ano.
Na Lipine Ano Hou Loa
Na Lihilihi Panio.
Like ole o na Ano he nui.
Na kahiko nani, i kinikohu ia, i ka wehi o na Opio. Eia la ke ahu
Alala kunui nei, hele mai hookahi, hele mai elua, hele mai a pau
Eia ka Nani la, ke alohi nei i ka papa o Maukele
Na ka anoi e wae, elike me ke koi-i koi a ka puuwai.
--:N. S. SACHS:--
mar31 674-tfd. 104 Alanui Papu, Honolulu.
HEIAU O NA PAIKINI!
Kihi o Alanui Papu me Hotele.
Wehe Aiwaiwa Ana o na Waiwai Hou Loa
Ma ke ku a@a mai nei o ka MOKUAHI AUSTRALIA a me ka MOKUKIAPA C. D. BRYANT;
Ua loaa mai Ia'u he 117 PAHU UKANA me na Waiwai hou o na ano hou loa. He nani e ha-i e ai na pua o ke Kula, i ka ua mea o ka nui hewahewa o na Waiwai i wae ponoia e a'u me ka maiau nuui.
Ke konoia aku nei e hele mai e nana i keia mau Waiwai Hou Loa.
HE MAU WAIWAI HOU WALE NO MA NA WAHI A PAU O LOKO NEI O'KO'U HALEKUAI.
He heluna nui o na Kamaa Wahine, Kane a me na Keiki. O ka'u mau Kumukuai e kulike ana ia me kou makemake.
Ke huli ae hoi ma ke kahiko Lole Aai u o na Aahu o na Wahine. He nani makalapua okoa no ia i ike mua ole ia ma keia Kulanakauhale, ma na Lole hiki ke Holoi ia o na Wailioo@uu.
E komo mai e nana i ka makou mau Waiwai Hou Loa, a ke hooia aku nei wau ia oukou. Owau ke Alakai o na Kumukuai haahaa loa.
S. EHRLICH,
Kihi o Alanui Papu me Hotele.
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
MA KA HALE KUAI ALAKAI O
B. F. Ehlers & Co—PAINAIA.
HELU 99 Alanui Papu.
Oili Pulelo PAINAPA e kela i Kaupoku o hanalei; aka i hewa no nae i ka lele mua i ka hooulu i ka la ino.
Oiai he manawa ilihune keia no ka aina nei, no ka mea ke wawalo mai n@i @ leo pilikia o ka lehulehu mai o a o, a ke kuai hoo@oho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku no au ma ia hana maikai, no ka mea
He Kawa ia Na'u i Lele a Opu.
He mau makahiki loihi i hala ae nei, akahi okoa kuu @luh@a i ke ahi o o Kamaile a me ke Kawelu o Lanihuli, a i mea no Loi e hook@ia ai kela olelo kaulana a kahiko
Ohi Hapuku ka I'a o Kapaau.
Eia ma Ko'u Balekuai nei na Pa@ale Kamalii o na ano a pau, @a Lako Lole na Hapuu a oukou o na paikini a @u, mai ke nui a ka ukulele, na @ Lole o @ Lede a me na Keopimana o ke ano hou ioa i ike mua ole ia na Hawaii @ei, na M malu o na waihoolulu a pau, a pela aku, a @ala aku
E kuai ia aku ana no ke Kumupaa.
Nolaila mai hoohala i ka ike ana ia kana.
E hoomaka ana keia kuai hookelakela mai a ma keia mua@ aku. Na@ ka oioi mua no ka loaa, oloolo aku no ihope, n@lo.
575. tf-dlv. B. F. EHLERS & CO