Ka Leo o ka Lahui, Volume II, Number 679, 7 April 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

HOIKEIKE NUI.

MA KA

HALE MELE HOU.

 

I KEIA AHIAHI POAONO,

Haawi Mua Loa ai ka

HUI HANA KEAKA HAWAII PONOI.

Ka Hiona Nani Lua Ole

O KE

Kaikamahine Ui

O

PALIULI

LAIEIKAWAI.

 

Iluna o ka Eheu o na Manu, ka mea hoi i Oleloia ua like Kona Ui me ka LIULA o ke Ahiahi.

 

Kahauokapaka

A ME

Malaekahana,

Na Luaui o ka Ui Laieikawai a me ko Laua Hale.

AIWOHIKIPUA,

E Hee ana i ka Nalu o Puna, a me Kona mau Kaikuahine MAILE

A ME

KAHALAOMAPUANA

Poliahu,

Ka Wahine Noho Kuahiwi

o

Maunakea,

I loko o kona kapa hau

Kaonohiokala.

Ka Ui o Kealohilani

I hai malule ai ka puuwai o ua Kaikamahine Ui oia mau la.

Hauailiki,

KE KAEAEA O KA AINA KAILI LA.

He Nanea Walohia iloko o na La e

NOHO ALII

ANA O

Kauakahialii

A ME

Kana Aliiwahine

Kaililauokekoa.

Na Kii Pena ia o na Wahi Kaulana o keia Poe i noho ai – Ka Hale o na Makua o

Laieikawai,

Ka Pae Mua ana mai o

KAPENA KUKE

A ME

Kona Make Ana.

Ma Malaekahana, Koolauloa – Ka Puu Kaulana o Kauwiki, a me ka Heiau ma Hana – Kiowai o Waiapuka kahi i huna ia ai o Laieikawai ma Laie.

Kiowai kapu o Paliuli iloko o ka Mokulehua o Panaewa.

Ke kuahiwi o Maunakea ka Home noho o ka Eueu

Poliahu.

He Nani na hana a pau e hoike ia mai ana.

O KA UKU KOMO HE $0.50, $0.75, A ME $1.00.

apr5 4tsd.

 

NA LETA.

 

            Aole o makou makemake e lawe i ke koikoi o na hala no na manao i hoopuka ia malalo o keia poe e ko makou poe kaku manao.

 

HE HOOHUOI.

 

            Heaha, a no keaha ke kumu o ka hoohuoi? wahi a ka mea ninau. Eia: O na wahi inoa o makou i kakau ai ma ka buke, iloko o na makahiki i hala, ma ke ano, he mau hoa a he mau lala hoi no ka hui hoole waiona a libine bolu hoi. Eia aku nei la ihea ua mau inoa nei o makou? Eia ae no paha i na Peresidena mikanele o makou, a i ole, ua holo pu aku nei paha i Wasinetona me W. R. Kakela ma i ka hoohui aina?

            Oia ke kumu o ka hoohuoi la e ulu ae nei, a holunape i ko'u houpo; wahi a kekahi hoa o ka libine bolu, a lala hoi o ka hui hoole waiona.

            Ae, he kumu maikai no kena e ka hoohuoi ana; wahi hoi a ka ninau. Aka, ua hele anei oe e ninau i ko oukou Peresidena, no ua buke inoa nei o kakou, kahi a oukou i haawi makapo, naaupo ai i na inoa o oukou?

            Aole au i hele e ninau, wahi a ka pane.

            E hele koke hoi ha oe e ninau, i maopopolea mai ka oiaio; malia aia no ke moe malie la na inoa o oukou iloko o ka pahu hao Sekotia, alaila, aohe olelo ana, he hooluu wale no. A ina e hoolalau ia mai ana ea, alaila e manao iho oe, ua hao ia e ka Inuwai o Lehua na @eno o oukou, aia ke pili la malalo o ke poo, hoohui aupuni. He haupu wale no nae hoi keia.

            O ka mea e pau loa ai keia hoohuoi o ka lehulehu; e kahea kela a me keia la o ka hui hoole waiona a pau, e halawai lakou, a e laweia mai na buke inoa o oukou, kahi a oukou i kakau ai, a e nana pono iho na maka.

            Hewa ia la? Nawai hoi ka hewa o ka mea maikai e hoopauia ai kena olopu hoole waino.

HOOLE WAIONA.

Hilo, Hawaii.

 

HAALELE KA POE LAWE I KE KUOKOA

 

            Ma ke ku ana mai o ka moku ahi Kinau, ma ke kakahiaka o ka Poakolu nei, ua loaa mai la he mau Leta mai Hawaii mai a me Maui; eia na manao ano nui.

            Mr. Luna Hooponopono, o ka Nupepa KA "OIAIO" a me "KA LEO O KA LAHUI"  Aloha oe: –

            E noi aku ana makou i kou oluolu, ina e hiki ke hana ia pela, oia hoi, e hoonui ia a'e ke kino o ka Nupepa OIAIO, nona ka auhau elua dala o ka makahiki.

            Oiai hoi, o ka poe e lawe nei i ka Nupepa Kuokoa, ua pau loa i ka haalele, aole he hoihoi, a i ka ike ana i ka Nupepa KA "OIAIO," ua nui ka hauoli, a o ka lakou noi wale no ia, ke hiki nae, i pau pono ai na mea apau i hoopuka ia iloko o KA "LFO."

            Ma keia mau Leta a na makamaka, ua ike makou i ke ohohia o ka lahui mai o a o o ka Aina.

            Aka, e na makamaka, a me na hoa'loha, o ko oukou leo nonoi i ka Luna Hooponopono o KA "LFO" a me KA "OIAO," no ka hoomahuahua ana a'e i ke kino o ka kakou hiwahiwa, e hoao ia ana no, ke loaa ka wa pono.

            Oiai hoi, eia la ua-le'i kakou, aka, ua lana ko makou manao e hiki ana no ke hooko ia.

            Nolaila, inui ke aho, a hiki mai ke kupu lau.

            E-a, eua ipo aloha o KA OIAIO, a me KA LEO, he iki wale no keia la, he nui ko-lolohua i ke kani puu ke moni aku, a he hookeikei puhala a'e keia a'e la, he olohaka oloko pehea laia, e ua hoa'loha nei?

 

NUHOU KULOKO,

 

            Na ka Bana Lahui e kokua ana i ka Hui Keaka Laieikawai.

            Nui ka aihue o keia mau la e hele nei, kai no hoi e maemae ana ia mea ma a'e nei e liki nei.

            Ua haawiia mai nei ka Papa Ola he $1.50 o ka paona no na paona Opiuma i koe e waiho nei iloko o ka Halewai.

            Ua lohe mai makou o ka Pua@ Puhi Ohe Hawaii ponoi ke hiki ae ana ma ka Hana Keaka a ka Hui Hana Keaka Hawaii ma keia ahiahi Poaono, ma ka Hale Mele Hou.

            Ua hoike mai nei o Mr. Bele o Waimea Hawaii ia makou no ka hoea ole ana aku o ka Nupepa Kuokoa i o lakou ala i ka pule i hala, a ua manao wale ia, ua imi loa aku nei paha ia Kakina ma i Amerika.

            Nui ka mahalo o na kanaka i kahi welu Kuokoa puka la, no ka hoolawa pono ana aku i ko lakou mau wahi keena hooleina me kona mau papalina palupalu. E aho ia loaa ka mea nana e heluhelu mai.

            Ua lohe ia mai ua papa aku nei ka Papa Kinaiahi o Honolulu nei i na hoa a pau o ka Oihana Kinaiahi aole e kau i kekahi hoailona Aloha Aina maluna o lakou. E hoomanawanui e na hoa iloko o keia mau hana hoopilihua.

            O Mr. J. A. Magoon kai pani aku la ma kahi o ka Loio Kuhina ma ke ano he Hope Loio Kuhina no ke Aupuni imua o kau Kiure o Kau, no ke ona@ @pe Loio Kuhina Gardner Wilder ke kumu o kona hiki ole ana.

            Ke haawi aku nei ka "Oiaio" i kona mahalo ia oe e Mr. Geo. Bell, ke keiki o kaua Kipuupuu o Waimea, no kou eleu i ka hoouna ana mai i kou ola oia na poke hau paa o Maunakea, no lakou ka huina Eono Poohina. Owai hou ae.

            Ma ke ahiahi Poaono o keia pule Aperila 8 e haawi mua loa mai ai ka Hui Hawaii Hana Keaka ma ka Hale Mele Hou i ka lakou mau hana hooniua puuwai e pili ana i ka moolelo o ka wahine ui o Paliuli Laieikawai, e hele kino ae i pau ai kuhihewa.

            He olo pihe kumakena ko ka home o kekahi Luna Hooponopono Nupepa ma Alanui Paipalapala i ka Poaono i hala. O ke kumu ka, no ka huki ia ana o ka hae Amerika ilalo, a welo haaheo hou aela ka hae Hawaii aloha i ka makani. Aloha ino no ka hoi ka poe i kaena ae, aole he mea nana e huki iho i ka hae Amerika ilalo.

            Ua hoike ae kahi nupepa hoohui aina a Iosepa ma, ke kokua nei o Iosepa Kahunapule o hana, i ka poe kipi. Nu hou no hoi oe e J. K. Hanuna i ka olelo i ko oukou Kahunapule e like pu pela, kai @o hoi no oukou aku ia pomaikai ke lilo ae oia i Peresidena, a i ole i Kuhina nui paha.

 

Na Leta e Waiho nei Maloko o ka Haleleta a hiki i Maraki 31, 1893.

 

KAWAIAHAO.

M. A. Naiwi

Ikeole

Kalehuamanu

Kawaihoa

Keala

J. Kalama

L. Kuaana

S. Kauhola

Makaikaihonua

Keai

H. Kahoomana

MANA.

Kekaua

J. Kauhane

KAMANUWAI.

M. Kahea

Haliaka

Peniamina

S. Kaili

KAPUUKOLO.

D. K. Napuunoa 2

Kapena

N. Noiku

KALIHI.

D. M. Makaholo

Kapu 3

S. K. Kapele

L. Manuela

J. H. Pamaiaulu

Makaau

S. W. Hoopiiaina

KAMAKELA.

Makalika

Kamanu

K. Richard

KEPOHONI.

K. Kaanaana

S. Palau

NIOLOPA.

Lilia

KAOPUAUA.

A@ikaila

Pilahi

KAHEHUNA.

Apoi

MANAMANA.

K. Naipo

KAULUWELA.

K. Hewahewa

S. Kemahauluae

D. P. Kinolau

Kawaih@

M. Palenapa

Kehuokekai

MOANALUA.

Naloha

J. Kanae 4

            Na Leta i hoihoi ia mai na Mokupuni mai.

Kahaleie-liilii

Paihilahi

HONOLULU.

Kamakela 2

K. Uilama

S. D. Nuuhiwa

            O ka poe na lakou na Leta maluna ae e ninau mai ma na Leta i Hoolahaia.

WALTER HILL.

Luna Leta Nui.

apr4 1wk-dly.

 

KAUKA

Yong Kam Pung

[APANA.]

Helu 81 Alanui Maunakea.

 

KAUKA LOEA O KA AINA PUA

 

            Ua hiki ke hoola ia kela me keia ano ma'i, mai ko na kane, wahine a me ko na keiki liilii. O na mai ha-no a me na ma'i e pili ana i ka maka, pau pu ia i ke ola. O na ma'i koko inoino a me ka hooulu hou ana i na wahi poino o ka puuwai a me ke kino, e hoola ia no me ka maalahi. Pela me na ma'i @ koko maloo, ua hiki ke hoola ia me ke oki ole. Ke hoike ia aku nei aia ke ola ianei me ka oluolu pu o kahi auhau.

            E KIPA mai e ka poe hooluuluuia me na haawina pilihua a ka ma'i, a na'u oukou e hooluolu aku.

KAUKA YONG KAM PUNG.

mar.29–2monsd