Ka Leo o ka Lahui, Volume II, Number 682, 12 April 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II. HONOLULU APERILA 12, 1893. He@u 682

 

KE ALOHA O KAWEKIULANI

 

1st.

Ua puia ke kaona i ke ala

O ke onaona Rose Hawaii

O ka pua oi kela o ka nani

A ka puuwai e anoai ai.

 

HUI:

He aloha no Kawekiulani

No ka Lei a Kapili Likeke

Pua nani o Ainahau

Ka onohi momi o Hawaii.

 

2nd.

O ka oi aku no Hawaii

Ma nei hana o ka imiloa

He loaa i ka welelau lima

I ka nanahe malie a ka leo.

 

3rd.

Ua mohala ka lau o ka naenae

Ua oliko ke K@a@e

Ua ohaoha ka Pualehua

No ka Wohi kapu o Hawaii.

 

MISS KEKOAOHIWAIKALANI.

Puahaulani Hale, Mar. 25, 1893.

 

HE MOOLELO KAILI PUUWAI

NO

SENIA LUTERA

Ka Ui Puuwai Mabala

O

ENELANI KAHIKO

A I OLE

He Nanea Hooheno no kekahi Kauna Wahine Opio me kana mau Aloha Ekolu.

(Kaauia no Ka Leo.)

 

MOKUNA XXXV.

 

            O ko’u aloha nou e Laionela, ua oi aku ia mamua o ko’u makau i ka make. Ua oi aku ka nani owau ke make mamua o ko’u hoonele ana ia oe a me kou aloha.

            O oe mua kana i aloha ai, a ua oi aku kou kuleana i kona aloha mamua o’u, a ua manao io no oia ua make oe, a oia kona mea i mare ai ia’u, o, e Senia, ke ike maka nei au i ka ehaeha oia kuhihewa ana mai kinohi a hoikeana.

            Ae, he oiaio kau e olelo mai nei, wahi a Senia i pane mai ai me ka leo luuluu i ke aloha.

            He oiaio, e kuu Iulia maikai, he mau hora wale no koe a pau ua hoomanao ana no keia mau ehaeha,

            Aia hala aku au ma kela ao alaila loaa iho ia oukou ka maha. Ua nui ko’u ake ana e loaa ia’u ka oluolu me ka maha, a ke aneane mai nei ka hora e hooko i@ i ua mea la a’u i ake nui ai. A nou e kuu hoaloha oiaio, na ke akua e hoomaikai a e kiai mai ia oe i na la a pau o kou ola ana.

            I ko Iulia lohe ana i keia mau olelo a kana aikane, ua pii pa-umi ae la kona aloha nona, a uwe ae la oia me ka leo nui, me kona apo ana aku i ka ai o kana aikane aloha, no ka manawa hope loa, a hawanawana aku la:

            O ke aloha no kou e kuu Senia, kuu hoapili a me kuu aikane aloha ua maopopo ia’u, o ko’u ike hope loa ana keia ia oe, ma keia ao a na lani aloha e hoomaikai mai ia oe. Aloha oe no ka manawa pau ole.

            Ua pau iaia ka hiki ke hoopuka hou mai i mau huaolelo hou, me ka leo uwe ma kona mau lehelehe, ua puka aku la oia mai loko aku o ka rumi a huli hoi aku la no ka alo o kona kane, me ka laua kamalei aloha he keiki.

 

MOKUNA XXXVI.

 

            I kela mokuna aku la, ua ike ia ko kakou alii wahine Senia, ka mea nona ka moolelo iloko o ka pilikia, e moe ana me kana aikane, me Iulia, oiai o ko laua wa hope loa ia a laua i manao ai e ike ai, a kaawale loa aku, kekahi mai kekahi mamuli o ka make aole nae hoi e like me ka laua i manao iho ai oia aku ka hopena.

            Hala aku la lo Iulia, noho hookahi hoi iho la o Senia iloko o kona rumi paahao.

            I keia manawa hoi ana e noho nei, aia kana ipo aloha, ka Haku Laionela, e holoholo ana iloko o ka lanai o kona home, ua ulupuni ia e ka walohia a me ka ehaeha o ka manao kupouli.

            Ua hoao kona noonoo i na ano a pau i wahi e hiki ai ke hoopakele i kana aloha, a ua aneane oia e pupule maoli, no ka hiki ole ke hooko i kana mau hoao ana.

            “E kuu Akua, kuu Akua hoi!” wahi ana e ku-o nei; ”E make ana anei kuu Senia no’u, me ka hiki ole ia’u ke hoopakele aku iaia?”

            “He akua no anei kekahi i hiki no ike mai i keia ehaeha, a nana maka mai ia’u?”

            Aole i pau.

 

            Ke ao aku nei Ka Leo o ka lahui ia olua mai no a hookuu hou i ka olua mau Ilio e hele e nahu i ka hai moa e hoopaa olua i ka olua mau ilio o ka lohe ke ola o ke kuli ka make.

 

HE NANEA KAMAHAO NO MAIKA KE KEIKI

Hapa Ilikini a Hawaii hoi.

 

KE KANAKA MUA LOA NANA I PANA KE AKUA BEA A NA ILIKINI I MAKA’U LOA AI—A O KA WELI HOI O NA ILI KEOKEO—A ME KA LUKU IA ANA O KELA HUI KEAKA A LI.

            E noho mai kaua e kuu aloha, ke halialia e wale mai nei no ia’u na hiohiona i kau ia maluna o kuu makuakane, auwe ka manaonao e—ua kohu io bipi hoi keia mea, elua pp kanaka manaonao iluna o kahi moe, o keia poo uuku o kuu keiki no ia, a no kuu aloha keia poo, ka hele ana o ke kino maoli o Maika ma ka moeuhane no ka Ilina o ka wahine, wi ka niho o ka poe hana hoomainoino pau i ke koli ola ia ka hui pepehi kanaka o Conegokena ma.

            Aole no keia he powa e aku, aka nae, ke manao nei kou mea kakau aole no daha i poina kou hoomanao ana no kela keonimana a paahao hoi, i ku ai i kekahi puupuu mahanahana mai na lima wikani aku o Maika, ma o kona hoao ana e lawe i ke ola o kana mea i aloha ai, a o keia no ke kanaka i ku ai i ke peku mai na kapuai hoki aku o Maika, malalo iho o ka piko a hee ai ka naau iwaho, oia no keia powa, nona hoi ka inoa i hookaulana ia ae ai i ka waha o ka lehulehu iloko oia au, a e pai mau ia ana no hoi kona inoa iloko oia au poluluhi i kaahoae aku la, mea ae no o Conegokena ke kanaka waiwai a oia no hoi ka mukua o ka hewa ma na pepehi kana i ike mua ole ia, o ka hopena no ia o ka poe piliwaiwai, he hopena ilihune. A ma keia wahi o ko kaua nanea e aui hou ae ai kau i hope e nana aku ai i ka hopena o keia mau lawelawe ana o ka kaua hiwahiwa.

            I ka pau ana o kana mau kukahekahe ana imua o Conegokena, ua hoomaka aku la oia e halihali i ua poe powa nei no ka hale ilina o kana wahine, i ka pau pono ana o ua poe nei i ka hoohikihiki ia, ua hele aku la keia e hilo i ka ili o ka hau i kaula. I ka loaa ana o na anana he 32 ua mahelehele ae la keia eha anana o ke kaula hookahi a ua like hoi me 8 kaula ka nui. I ka pau pono ana o keia nei apana hana ua hoi mai la keia a hiki i kahi o ua poe powa nei e kaa ana ilalo o ka lepo, ia wa i pane aku ai ua hapa Ilikini nei i keia mau mapuna olelo e holo ai ana—o ua poe nei iluna o ko lakou mau kani a i.

            Auhea oukou oukou e ka poe pakaha hana i na karaina eleele o ka pepehi kanaka, iloko o keia hora e ili aku ai ka hopena o ka oukou, mau hana pakaha, i oi paumi aku mamua o ka oukou mea i hana ai, a iloko o keia minute a kakou e hoi nei he alo a he alo e hooko aku ai au i ka’u hoohiki i hoopaa mua no oukou.

 

Eia ka papa inoa o na Komite kakauinoa o “Ka Hui Hawaii Aloha Aina”

 

F S. Keiki, Apana 1.

Chas. Keawe, Apana 2.

J. K. Prendergast Apana 3.

Kapamawaho)

A.     K. Palekalohi, Apana 4.

Wm. Mokimana, Apana 5.

 

HE UMI (10) APANA AINA HOME MAIKAI NO KE KUAI

 

            Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L. Haopkins a me Mr. Marcfarlane a i keia mamua o ka aina o G. W. Keaweamahi.

            A oia no na apana aina pa hale lnani loa i koe iloko o ke kulana kauhale nei.

            He oluolu loa ke kumukuai. He maikai ke kuleana, Na ka mea kuai mai e uku no na Palapala,

            No na mea i koe e ninau ia William C, A@hi Honolulu Maraki 27, 1893. tf.

 

OLELO HOOLAHA

 

            E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu, Pikake a me na ano manu e ae apau loa e hele aku maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana @ hoike mai ia maua, a hookolokolo a hoopai ia @ ke kanawai no ka lawe aihue i kekahi o ua mau ano manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau aole e hele maluna o ko maua mau aina kula no ka lawe ana i na Bipi, Lio a mau Holoholona e ae, ma ka noi mea ole mai ia maua a i ka maua Luna paha, oia o Freni Freitas e noho ala maluna o ka aina.

            A. ENOS & CO.

            Wailuku, Maui, Feb. 9 ^th , 1893

            feb@ 3m@w.

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

 

                                                A.M.    A.        P.M.    P.M.

Haalele ia Honolulu                6:15*   8:45     1:45     4:35

Hoea i Honouliuli                    7:20*   9:57     2:57     5:35

Haalele ia “                              7:30*   10:13   3:45     5:42

Hoea i Honolulu                      8:35*   11:55   4:55     6:50 [dagger]

 

NO KULANAKAUHALE MOMI IHO.

 

Haalele ia Honolulu                                        5:48 [double pipe] P.M.

Hiki i Kulanakauhale Momi                            5:48 [double pipe]

Haalele ia “                  “                                  6:55* A.M.

 

[dagger]           Poaono wale no

*                      Koe ka Lapule

[double pipe]   Koe ka Poaono.

 

Sept. 28 tf-dly.

 

HOOLAHA AINA.

 

            E ike auanei na kanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (ka) i make e waiho la ma Kahuku  Kau, Mokupuni o Hawaii. O ka mea a mau @u i kuai a hoolimalima paha i keia mau aina, aole i mana ia hana ana, ina he mea a mau mea paha e pa@ nei i ua mau apana aina nei, e hoike koke mai ia’u, a i ole e kipaku no au ia lakou.

            S. K. Kila Opio.

Honolulu , Feb. 17, 1893.

4ts-wkly.

 

Elia Kaululaau.

Kauka Hana Niho.

 

            Ua hiki ke huki ana Niho me ka eha ole iloko o ka manawa pokole loa. He loea me ka noeau ma ka Hoopiha ana i ka n@ho e ke Gula Kala a mea e ae paha. He akamai loa ole i ka Hana ana i na Niho Kui o na ano a pau.

            He Mikioi ka iloloi ana ina Noho. He pa@anehe kona mau lima ma Kana mau mea Hana Niho o na ano Hou loa i loaa mai nei. He oluolu no ke kukai olelo ana no kona ukuhana.

            O ke kanaka Hawaii hookahi wale no keia mailoko ae o ka huina o 40,000 kanaka i loea ka Laikini Kauka Hana Niho, mai ka Papa Kauka Hana Niho mai o ke Aupuni Hawaii, mamuli o ke ike ana o na Hoa o na Papa Ola i kona akamai maoli ma keia Oihana ano nui.

            E Ikeia kakou Hoa Kanaka o kipa hewa kealoha ia lakou nei ae.

            Keena Hana maluna ae o ka Hale Hana Pu i ke kihi o Alanui Moi a me Betela Puka komo e pii ai iluna o ke Keena ma ala Moi.

            Mar. @-t@d