Ka Leo o ka Lahui, Volume II, Number 684, 14 April 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

KA PO LEA O HALA’LII.

HOIKEIKE NUI A KA HUIKEAKA HAWAII PONOI.

MA KA HALE MELE HOU.

I keai ahiahi POAHA.

Ekuupau ia mai ana ka Hiona Nani lua ole o ke Kaikamahine Ui

o

PALIULI, LAIEIKAWAI

Ka Ui Nohea Lua Ole i mailani ia maluna o ka Eheu o na Manu.

A O KA

WAHINE O KA LIULA.

 

KAONOHIOKALA

Ka Ui o KEALOHILANI a me ko Laua

Hoao Ana.

 

Kahauokapaka a me Malaekahana.

Na Luaui o ka Ui LAIEIKAWAI a me ko Laua Hale.

 

AIWOHIKUPUA

E Hee ana i ka Nalu o Puna, a me kona mau Kaikuahine MAILE

A ME KO LAKOU POKII

KAHALAOMAPUANA.

A me Kona lilo ana ia

POLIAHU.

Ka Wahine Noho Kuahiwi o MAUNAKEA iloko o kona Kapa Hau.

 

HAUAILIKI.

Ke Kaeaea o ka Aina Kaili La.

 

He Nanea Walohia iloko a na La e Noho Alii ana o Kauakahiahlii A ME KANA ALIIWAHINE KAILILAUOKEKOA.

 

Ka Ike Mua ia ana o ka Moku o KAPENA KUKE

 

Kona Hoomana ia ana ma ke ano o LONO – Kona Pepehiia ana a Make.

 

He nani na hana i haawi ia mai e keia Hui Keaka Hawaii ma ka po o @a Poaono i hala, a me he la e pa@ iua iho ana ka eleu a me ka mi@ ioi o keia i ko ka po mua.

Na ka Bana Lahui Hawaii e hoo@nea mai ana ke Anaina me ka @ahu Kaeke a me ka Hano Kaula@ a Lohiau

E hele ae e na mea a pau i ike ole @ i ike ia LAIEIKAWAI ma ka po i @ ike pono ina hana Hookala@ oia au i hala.

@ KOMO:      $.50, $0.75, $1.00.

 

Ke Hookui Nei.

Ma kekahi ahiahi aku nei, oiai au e kali ana i ke kaa hapaumi ma ke kihi o ka Pa Aupuni ma ke Alanui Moi, ua pii mai o Mr. Emaluka a ku iho la ma kahi he 2 paha kapuai mai ia’u aku.  I keia manawa e heluhelu ana au i ka nupepa.

Ua hoomaka mai la oia e kamailio ia’o penei: “E Keoni, aole anei ou manao he mea maikai ka hoohui aina?”  Ia manawa, pane aku la au iaia me kuu hoomau no nae i ka nana ana i ka nupepa.  “He kanaka kue au i ka hoohui aina a e nana pono mai oe i keia hae (Hae Hawaii) e ka@ nei ma ko’u umauma he hoike maopopo ia o ko’u kue ia mea he hoohui aina.”

Ua ku mumule iho la oia, no kekahi min@te a oi aku paha, a ua noomau aku la no hoi au i ko’u heluhelu ana i ka nupepa.  Pane hou wai la oia; “O ke kanaka nana kena nupepa, oia o Mr. R.W. Wilikoki”  Ua loli ae nei kona kulana, a aole he maopopo ia makou o kona manao i keia manawa.

Pane aku la au iaia, aole ou nana aku no kona kulana, aka e hoomanao oe e Mr. Emaluka, he hoo kahi wale no o’u aoao e ku nei, a e kupaa ana hoi au maluna oia kahua me ka nana ole ae mao a maanei a hiki i ka hopena, ina no ka nele a loaa paha ka mea a ka lahui e makemake nei.  Ua ike no oe he hookahi no o’u aoao mai mua mai (oia ka aoao o ka Lahui).

Ae ua ike au he hookahi no ou aoao, a ua kupaa oe ma ia aoao.

Pehea ana la kou manao no ke kuokoa o ko kakou noho ana.

Ua oi aku ke kuokoa o ka noho ana o ke kanaka i ke ano aupuni kahiko (Aupuni Moi) mamua o keia manawa.

I keia manawa hiki mai la ke kaa Hapaumi a kau aku la au a haalele aku la au iaia e noho ana no i hamohamo.

@NO. K. PRENDERGAST.

(Kapamawaho).

Honolulu, Apr. 13, 1893.

 

HE MANAWA MAIKAI.

E loaa ana @e manawa maikai loa no kela a me keia kanaka e ike mai na helehelena o ka mea Hanohano James H. Blount (Balana) a me kana Lede i keai Poaono ma ka ahaaina Fea e malamaia ana ma Kalihi.

E hiki kino ae ana ke Komisina, a me kana Lebe ma keia Fea, e nana ai i na hoohana ana, a me na waiwai Hawaii.  Nolaila e eleu ae e na hoa makaainana a pau e hele no keia Fea, a e ike pu ho@ i ka Lunakanawai nana e noonoo nei me ke akahele loa, a o ka pono a me ka pololei wale n@ ka@ hana ai i hookahua ia maluna o na mea oiaio ana i ike maka iho nei, a ke ku nei ke Komisina Blount maluna o kela kahua o kona Aina Makuahine ka Repubalika Nui o Amerika, oia hoi ke Kaulike, a oia ka makou e nana nei i kana mau keehina e lawelawe nei me ka pupuahulu ole.

Na ke Akua e kokua, a e alakai i kona mau manao no ka hooponopono ana i keia hana nui, i hookau ia mai maluna ona.  O ke Akua ko Hawaii alakai iloko o keia mau la o ke kupilikii!

 

NA LETA

Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe kakau manao.

 

KA HANA ALOHA OLE.

Aia ma kekahi kolamu o ka nupepa Puka la, o ke Kuokoa o ka la 10 o keia malama, oia hoi kela poo manao e kau ae la, oia hoi ka hana aloha ole.

A ua pili @a u ia hana aloha oie i kuu hoa kahunapule, ia Waiamau kahunapule o ka Ekalesia o Kaumakapili.  E ia ka’u pane ia oukou e na Lunahooponopono o ke Kuokoa.

Ke manao nei no hoi au, o oukou kekahi i ku i ka hana aloha ole ia’u e hoomanano oukou i ke olelo a ka Buke Nui, E i ana,  E hikiwawe oukou ma ka lohe, e lohi hoi ma ka inaina, e akahele hoi ma ka olelo ana aku.  Oiai, ua iohe oe ia’u, ua hele au me Alapai, me ka puke kakau i na inoa o na hoahanau o Kaumakapili, no ke kipaku ana ia Waiamau mai ka Ekalesia aku.  Ua kono o Alapai ia’u e hele pu me ia ma ka la 3 o Aperila Poaka hi, ua kanalua iki no au no ka hele me Alapai ia la, ma kana koi hoi; ua ae aku la au ia manao o Alapai.  O ke kumu nae o kuu ae ana e hele ma ia koi a kuu hoa.

Like au i ka manao o na hoahanau ma ko lakou kakau inoa ana mai ma ka palapala hoppii, a kipaku a Alapai, me kekahi mau luna no ke Kahu.

A eia ka’u mea i ike ai ma ia la, Poakahi.  Ua ae mai no kekahi poe a kakau no i ko lakou mau inoa malalo o ka palapala hooaii kipaku a o kekahi no aole ae, aole nae he nui oia poe.

Aole a’u puke ma kuu lima ia la a palapala hoi aole.  Ua like au me ka makai kiu @a la e nana i ka manao ponoi o kela a me keia hoahanau.  Alaila, ua ku anei ia hana a’u i ke aloha ole Waiamau i kuu hoa Kahunapule.

Ma kuu manao, he hoike au ma ka aoao o ka oiaio.  Eia na olelo a no nui a kekahi poe hoahanau a’u i lohe ai mai a lakou mai, nui ka pilikia o ka ekalesia o kakou i keia wa, nui ka aie.  A o ka Alapai hana a me ka hapanui o na hoahanau o ka ekalesia o Kaumakapili.  Ua like ma na kauwa kuapaa ioloko o ka auamo kaumaha nui a luuluu maluna o makou @ pau; wahi a lakou.

Nolaila ea, e ka Lunahooponopono o ke Kuokoa; ua hoolaha hoino oe ia’u e like me ka olelo hoino au i ka Moiwahine Liliuokalani.

Ua hikiwawe oe ma ka lohe, aole lohi ma ka inaina a hikiwawe ma ka hoolaha i ke akea, a hoino i ka inoa maikai o’u.  Ua hiki no e hana oe e like me kou manao hoino.

Na ke Akua e aloha mai ia’u, oia ko’u puuhonua a me kuu ikaika; kuu kokua @na manawa a pau.

Me ka mahalo i ka Lunahooponopono.

J.S. KALANA.

Honolulu, Apr. 12 1893

 

OLELO HOOLAHA.

Eia ma ke Keena o KA LEO O KA LAHUI kekahi mau Buke Inoa o ka Hui Hawaii Aloha Aina.  He wa kupono keia o na Hawaii Ponoi e hoike i ko lakou Makee Kuokoa, ko lakou Aloha Aina, a Aloha Kuokoa.

MA KE KAUO@A.

J.K. KAULIA.

Kakauolelo o ka H.H. Aloha Aina.

 

NUHOU KULOKO,

Halawai nui ka na Lede o ka Hui Aloha Aina i keia kakahiaka hora 10 ma Ariona Hale.

 

Ke huli nei ka Ilamuku Hikikoki no na mea e pili ana i ka laau make a na koa i ai ai, aole no i loaa ka meheu.

 

Ua malama ae na Hui Kinipono he halawai no ka noonoo ana i na hana o keia kau.  Ua waiho ia na na Kapena o kela a me keia Hui Kinipopo e hooponopono.

 

E malama ana ka Hui Heihei Lio i halawai i keia ahiahi Poakahi no ka noonoo ina heihei o ka la Hanau o Kamehameha, ka la 11 Iune e hoea mai ana.

 

O na wahi haole mahuka maluna mai nei o ka Alameda, e hookau ia aku ana maluna o ka Moku Kiapa Mary Winkelman no Kaleponi, na ka Hui Mokuahi o ka Ona Miliona e uku ana ko laua uku moku.

 

Ua ike ia aku ka mokukaua Pe lekane Hyacinthe i ka hora 3 a oi aku mawaho aku o Makapuu, oiai, o keia kekahi a na mokukaua a makou i hoike mua aku ai imua o ka lehulehu.  Ua hooko ia ia, i keai la ma kona ike ia ana aku nei.  Pololei no ka hoi Ka Leo o Ka Lahui a haule hou no o Kuokoa Puka La.

Ke konoia aku nei na waine Aloha Aina a pau, ina ua kakau inoa a kakau inoa ole e hele ae i ka halawai ma Ariona Hale i ka hora 10 o keia kakahiakanui Poalima.  E waiho ia mai ana kekahi mau kumuhana ano nui loa no ko oukou noonoo ana a hooholo me ka makai, ma ke kuka ana me ka oluolu.  E hoolohe a hoo@popo pono i ke ano nui o na olelo a pau @ heluhelu ia aku ana.  E hele mai kakou a pau loa.

 

Ka Elele Lau Oliwa.

 

HE KIA HOOMANAO NOU E HAWAII.

 

Ke Kii Nani o ke Komisina Hanohano Blount (Balauna) a me Kana Lede a hoea aku.

 

O na Hawaii Aloha Aina mai Hawaii a Niihau e makemake ana e hele ae e hui pu me ka kakauolelo o ka Nupepa Hawaii Holomua Mr. Tho K. Nakanaela.

 

O ke kii keia o ka Loea nana i kauo ha e huki hou i ka Hae Nani o ko kakou Aina iluna.

 

“Ka Hae Nani ou e Hawaii E mau loa kou welo ana.”

 

UA MAKAUKAU I KEIA LA!

Honolulu Aperila 11 1893.

Apr11 1wek-dly

 

$15 MAKANA.

MA KA PO POAONO NEI, UA nalowale ia kekahi lio wahine hauliuli me ka noho no, he noho pulu nae.  O ka mea a mau mea naha e loaa ai keia lio, e hoihoi pololei mai i ka mea nona ka inoa malalo ino nei, a e loaa no iaia ka uku makana i hoike ia maluna.  E loaa no au ma Kahauiki.

JNO. HAPA.

Kahauiki, Honolulu, Apr. 6, 1893.

 

OLELO HOOLAHA.

E ike auanei na kanaka a pau ma keia, ka papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu.  Pikake a me na ano manu e ae apau loa e hele ala maluna o ua mau aina nei.  A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau anoa manu nei, e hoike mai ma ka maua Hale Kuai ma Wailuku.  Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi, Lio a mau Holoholona e ae, me ke noi mua ole mai ia maua a i ko maua Luna paha, oia o Frank Freitas e noho ala maluna o ka aina.

A. ENOS & CO.

Wailuku, Maui, feb. 9 ^th , 1893

Feb9 3msw.

 

HOOLAHA A KA LUNA HOOKO KAUOHA I KA POE AIE.

 

@lmua o ka Aha Kaapuni o ka Apana Kaapuni Akahi, ma ka Hooponopono Palapala Hooilina.  Ma ka Palapala Hooilina a Maria O’Sullivan i make.  O ka mea pona ka inoa malalo nei, ke hoolaha aku nei, ua hooke@ oia i Lana Hooko Kauoha no ka Palapala Hooilina a kauoha hope loa a Maria O’Sullivan i make ma Honolulu.  A ma keia ke hoike aku naui oia i ka poe he mau aie ko Maria O’Sullivan ia lakou, e waiho koke mai iaia i ka lakou mau koi i hooiaioia ma na @ ole pololei ma ka Halekuai o E.O. Hall & Son (Mikaholo) iloko o @ no malama mai keha la aku, a e hoole ioa ia hoi na koi ke hala keia manawa.

ABERAHAM FERNANDEZ.

Luna Hook@ Kauoha o ka Palapala Hooilina o Maria O’Sullivan i make, Hawaia i keia la 20 o Maraki 1893.

Mar27 3wk@