Ka Leo o ka Lahui, Volume II, Number 686, 18 April 1893 — UA HALA O Mr. KEKIPI. [ARTICLE]

Ua Hala O Mr. Kekipi

Ma ka auina la Poaono nei, ua lohea mai he lono i ke kaona nei, a oia keia. Ua make ia o Mr. Kekipi, a ua hoike mua ia mai, oia keia. Ma ke kakahiaka o ka la i hoike ia ae maluna, ua haalele aku la o Kekipi i kona Home, a ua mokio mai kona ala hele no Honolulu nei, a me kekahi o kana mau keiki oia o Makukapu nona na makahiki he 10 a oi.

Oiai laua i hiki ai ma ka nuku elua o ke aupuni pali o Nuuanu, ma waho o ka hu'a o ke kukui, ua haule aku la o Mr. Kekipi ilalo mailuna aku o kona lio a kahe awai aku la ke koko mai kona waha aku, a pela ma kona ihu. A ua holo koke aku ke keiki, a kahea i na kanaka hana alanui, e hoike ana ua make o Kekipi ua pa ke poo i ka pohaku ua haule iluna o ke alanui. A i ka hiki ana mai o na kokua ua hala loa kona hanu ola, a ua haalele mai ka uhane i ke kino.