Ka Leo o ka Lahui, Volume II, Number 687, 19 April 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

KA PO LEA O

HALA’LII.

 

HOIKEIKE NUI

A KA

HUIKEAKA HAWAII

PONOI.

MA KA

HALE MELE HOU.

 

I keia ahiahi POAONO.

            No ka nui loa o na noi i hiki mai e wehe hou makou no ka manawa hope loa i keia Poaono ae e hiki mai ana.

            Ua ae makou i keia mau noi a e kuupau ia aku ana no ka manawa hope loa.

Ka @iona Nani Lua Ole o ke

KAIKAMAHINE UI

o

PALIULI,

LAIEIKAWAI

Ka Ui Nohea Lua Ole i mailani ia maluna o ka Eheu o na Manu.

A O KA

WAHINE O KA LIULA.

 

KAONOHIOKALA

Ka Ui o KEALOHILANI a me ko Laua

HOAO ANA.

 

Kahauokapaka a me

Malaekahana.

Na Luaui o ka Ui LAIEIKA WAI a me ko Laua Hale.

 

AIWOHIKUPUA

E Hee ana i ka Nalu o Puna, a me kona mau Kaikuahine MAILE

A ME KO LAKOU POKII

KAHALAOMAPUANA.

            Ke kauoha ana o Aiwohikupua i kona mau koa e kii e kaili mai ia LAIEIKAWAI ma ka ikaika ka hakaka ana o na koa me Kihanuilulumoku, ka moo e kiai ana ia LAIEIKAWAI a me ko lakou pau ana i ka mu ka ia.

A me Kona lilo ana ia

POLIAHU.

Ka Wahine Noho Kuahiwi o MAUNAKEA iloko o kona Kapa Hau.

 

HAUAILIKI.

Ke Kaeaea o ka Aina Kaili La.

 

He Nanea Walohia iloko o na La e Noho Alii ana o

Kauakahialii

A ME

KANA ALIIWAHINE

KAILILAUOKEKOA.

 

Ka Ike Mua ia ana o ka Moku o KAPENA KUKE

 

Kona Hoomana ia ana ma ke ano o

            LONO             Kona Pepehiia ana a Make.

 

            He nani na hana i haawi ia mai e keia Hui Keaka Hawaii ma ka po o ka Poaha i hala, a me he la e papaiua iho ana ka eleu a me ka mikioi o keia i ko ka po mua.

            Na ka Bana Lahui Hawaii e hoonanea mai ana ke Anaina me ka Pahu Kaeke a me ka Hano Kaulana a Lohiau

            E hele ae e na mea a pau i ike ole a i ike ia LAIEIKAWAI ma ka po i hala i ike pono i na hana Hookalakupua oia au i hala.

UKU KOMO: $0.50, $0.75, $1.00.

            apr19 tfd.

            NUI KA PILIKIA.

 

            He nui na leta e hiki mai nei io makou nei, e hoike mai ana i ka haule o ka lakou nupepa. He minamina makou i keia, aka, aole makou ma kahi o ke kuleana e hiki ai ke pane a ke hooponopono aku me na mana o keia mau la. Ke hooili mau aku nei no makou i ka nupepa, a na maopopo ia makou aole mai ke Keena aku nei ka hewa. Nolaila, e hoomanawanui iki kakou, a e hoao hou aku e loaa ka oukou mau nupepa. He hana ku no keia mau hana i ke Kanawai @ na hoi he akaka pono ke Kanawai o keia mau la, a me ke ano o kona hookoia ana. He hookahi mea e ao mai ana ia kakou, oia hoi, eia kakou malalo o ka noho hoomalu aupuni manawa wale no aka, ke poipoi wale ia mai nei no ko kakou mau pono i keia mau la, pehea aku la, i na io ana e lilo kakou malalo o ka hae okoa a na lakou nei ka hookele ana@ aiwa loa aku paha.

 

I NA MAKAAINA NA

ALOHA AINA.

 

I na hoa makaainana aloha aina, aloha Alii, a aloha Lahui, ke nonoi aku nei ko oukou kiai naue ole “Ka Leo o ka Lahui,” mai lawe i na olelo puahiohio o na pipa alanui o Honolulu, i mea kamailio na oukou, oia hoi na Kahua ole a kumu ole o kahi i puka mai ai, elike me ia i lohe ia iho nei i keia mau la iho nei, he hana akamai ia na kela aoao, na hoouna mai la i kekahi poe e hele ma na huina alanui e kamailio ai pela, a hiki i ka apo ana aku o ka lehulehu ia olelo alaila huli ae a kapa mai la na oukou ia mau olelo hoopunipuni na ka @ahui. A wikiwiki iho la i ka hoolaha maloko o ka Nupepa Haole Adewakaika a me kahi Kuokoa i na olelo hakuepa no a lakou e pili ana i ko kakou aina aloha a me ko kakou Moiwahine.

            E malama me ka hiipoi mau ana i ka leo o ko kakou Makuahine Alii, ka leo Alii hoi mailuna mai o ka noho Kalaunu o Hawaii. E malama i ka maluhia, ua hooko kakou ia leo. Nolaila mai puni ka lehuleha i keia mau olelo i@@hala, o lilo auanei i kumu e haule ai ko oukou aoao.

            E waiho aku kakou i ko kakou makemake imua o Iehova ke Akua me ka naau haahaa, a na kona aloha, a me kona mana e hooponopono i ka hewa i hana ia maluna o kakou ka Lahuikanaka i malama i ka maluhia, no ka mea ua palapala ia, “O ka mea hoolohe i ka ke Alii oia kai hoolohe i ka ke Akua”. Ua hooko ka lahui i keia olelo.

            Ua waiho aku oukou ia oukou nawaliwali iloko Ona me ka paulele ana me ko oukou naau a pau a me ka manaoio a me ka manaolana e aloha mai ana Oia ia kakou ke ike nei oukou e ka lahui i kona aloha iloko o keia mau la, ma nei hana e ike ia nei, oia hoi ua olelo kekahi poe o ka aoao hoohui aina aole o lakou manaolana ana i koe no keia ninau hoohui aina, i na aole e ao ana na kanaka Hawaii e hoohui. Ua hukiia mai ke k@ikahi hoohui aina e ke kanaka kaulana o Amerika Grover Cleveland ka Peresidena o ka Rebupalika Nui mai ka Aha Senate mai.

            Ka hoi nele ana mai nei o na Komisina Hoohui Aina, a pela aku. Nola@la, aole i poho ko oukou manaoio ana he Akua mana o Iehova o na Kaua. E hoomanawanui no kakou e like me ia i ike ia iloko o keia mau mahina ekolu. Hookahi no mea nui o ka paa o ka manao i ke aloha i ko kakou aina. e k@ maluna o keia kahua, mai @uli a @uni wale. Nou auanei ka la e Hawaii. E Ola o Hawaii i ke Akua.

            Eia “Ka Leo o ka Lahui” a me KA O@AIO ke @ai makaala loa nei no ko oukou mau pono ma na ano a pau. E hoike mau @ku ana makou i na mea oiaio a pau ike ia e makou he oiaio, a pela oukou e ka lahui e malama ai.

            Aia no a ike oukou maloko o ka oukou mau milimili alaila hiki ia kakou ke kamailio me ka loaa ole o ke kuia, e malama i keia, e hikiwawe ma ka lohe a e lohi ma ke kamailio ana.

 

Ka Oihana Makai me ka oleio

ao a ka I@amuku.

 

            Ma ka Poakahi nei, ua loaa mai la ke kauoha i ka puali makai, o Honolulu nei, e hui ana lakou mahope iho o ka auina la.

            I ka hiki ana mai i ka hora, a me ka manawa i makemake ia ua akoakoa mai la ka puali makai holookoa, imua o ka I@amuku E. G. Hikikoki.

            Oia kona wa i pahola a ku ai i kona leo ao, imua o na makai, a eia ke ano nui.

            Ua makem@ke au e hoike aku imua o oukou, a oia keia.

            O ka poe o oukou e makemake ana e kakau i ko lakou mau inoa ma ka Hoohui Aina, e kakau lakou, a o ka poe hoole, aole e kakau, mai kakau lakou.

            Oiai hoi, aole au i ae e lawe i keia wahi, a e on@onou aku ia oukou e kakau inoa, aole loa pela, aka, na makemake au e hana ia ke kaulike.

            Ae ia nae hoi ka’u e ao hou aku nei ia oukou.

            Mai kakau wale aku oukou, i ko oukou @mau inoa ma o maanei, @ ku kakou a pau i keia wa, a he mea pono e malama oukou i keia kauoha a’u Eia hou, aole loa au e ae e hoopau ia kekahi makai o oukou, mai ka oihana aku; aia wale no a maopopo ia’u ka hewa, alaila, pela wale no pau ai.

            Nolaila e na makai, na kiai makaala o ke kulanakauhale n@ e hele aku oukou, a e malama i ka hana a e hooko me ka pololei, mai hopohop@, oiai au e noho ana i makua no oukou, ma keia oihana ano nui a kakou e lawelawe pu nei.

            O keia maluna ae, oia na olelo ao a ka Ilamuku i ka puali makai holookoa o ke kulanakauhale nei.

Ma ka Poakahi nei, ua kauohaia na makai a pau e hoi iloko o ka Halewai, i ko lakou akoakoa ana aku a pau loa, ua hoike ia mai la ka manao, oia hoi o ka poe o lakou e makemake ana e kakauinoa ma ka aoao hoohui aina, a ina no aole o lakou makemake e kakauinea ua hiki no. Aole no he hookahi o lakou i kakauinoa, e ku i ka wa no lakou a e malama i ka lakou oihana a me ka maluhia o ka lehulehu.

 

NA LETA.

 

            Aole o makou makemake e lawe i ke koikoi o na hala no na manao i hoopuka ia malalo o keia poo e ko makou p@e kakau manao.

 

NA MEA HOU O WAILUKU.

 

D.M. PUNINI ESQ.

            Aloha oe: Ua loaa mai na pepa poo a me kau leta, ma ko’u lima nei, a ua hoohanaia na pepa poo, a ua ohohia nui na kanaka, no ke kue ana aku i ka hoohui aina. A keia pule ae, alaila hoouna ia aku na pepa inoa o na kanaka aloha aloha aina.

            Eia na wahi mea hou ano nui o Wailuku nei; ma ka po o ka la 13 o keia mahina, ua hui iho la na haole maloko o ka Hale Hookolokolo o Wailuku nei, a ua koho ia o J. W. Kalua i Peresidena. Ua ku mai oia a hai mai i ke kahua a me ke alahele oia hui, oia no ka hoohui aina hoohui hoi ia kakou nei me Amerika; aka, pehea la e haule ai kela olelo kaulana a kahiko “I make no o Pamano i ka i’o ponoi.” Ua olelo mai oia ma ia po, he kanaka Amerika oia, ma kona ili he ulaula, aka, ma kona naau he Amerika - auwe! ka lapuwale o na lapuwale!!  I kona wa i kahea mai ai ina poe a pau e makemake ana i ka hoohui aina e hele aku e hoopaa i ko lakou inoa, aia hoi, mailoko aku o ka huina nui o na haole i hiki kino aku ma ia halawai, he 3 wale no i hele aku e hoopaa i ko lakou mau inoa, a ma ka aoao hoi o na kanaka ili-ulaula, o Kalua hookahi, ma-u no hoi ka nele. O ka huina nui o na poe i hiki aku ma ia halawai, he 20 wale no.

            Ma ka po Poalima mai, ua kahea ae la ka Hui Aloha Aina i ka lakou halawai, ua piha-u mai la ka hale holohau i ka poe make aina, aloha Moi, a me ka pulama i ke kuokoa o Hawaii nei. Ua kohoia o W. B. Keanu i Peresidena. Ua hoo@aka na hana me na haiolelo a keia mau keonimana malalo iho nei David Kan@ha, J. Kaluna, a me keka@i mau hoa e ae. Ua nui ke ohohia o na makamaka i ka haiolelo a keia mau keonimana pau ia, kahea ia na poe aloha aina a pau @ hele aku e kakau i ko lakou mau inoa, ua @u like mai na mea a pau e kakau i ko lakou mau inoa a hiki i ka nele ana i na pepa poo, nolaila, e hoouna hou mai oukou i mau pepa hou, a e hoouna pu mai hoi i mau pepa poo na na wahine, no ka mea, ke noi mai nei lakou ia u i mau pepa na lakou ina nae he mea pono ke hanaia. Ua malama ia ka makou halawai makaainana me ka maluhia, o ka nui o na makaainana i hiki ae ma keia halawai, ua oi aku mamua o ka ehiku haneri, ua wehe ia na hana me ka mele hookuu a ka Hui Kookoo, “Kuu aina hanau e” pau ia, hookuu ia na hana.

Owau no me ka haahaa

W.B. KEANU.

 

            He oluolu maikai ke ola o ka Mea Hanohano James H. Blount @ me kana wahine e noho nei me kakou iloko o keia mau la  pokole.

 

            Nui ko makou mahalo ia H. C. Ulukou a me kana mau hoao ikaika ana, i ka hana i manao ia aole e hiki i kekahi kanaka Hawaii ke noho alakai. He ku i ka eleu a me ka mikioi na hana keaka i kuu pau ia mai ma ka po Poaha o ka pule i hala, malalo hoi o na alakai ana a ka noeau o Mr. H. C. Ulukou. E hoomau aku ma ia alahele maikai e ka hoaloha, a na ka Haku no e hoopomaikai mai.

 

OLELO HOOLAHA.

 

            E ike auanei na kanaka a pau ma keia, ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ka, hoolimalima a lawe aihue i na manu Pelehu, Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau ano manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi, Lio a mau Holoholona e ae, me ke noi mua ole mai ia maua a i ko maua Luna pha, oia o Frank Freitas e noho ala maluna o ka aina.

A.     A.  ENOS & CO.

Wailuku, Maui, Feb. 9 ^th , 1893

feb9 3msw.

 

HOOLAHA A KA LUNA HOOKO

KAUOHA I KA POE AIE.

 

Imua o ka Aha Kaapuni o ka Apana Kaaouni Akahi, ma ka Hooponopono Palapala Hooilina Ma ka Palapala Hooilina a Maria O’Sullivan i make. O ka mea nona ka inoa malalo nei, ke hoolaha aku nei, ua hookohuia oia i Luna Hooko Kauoha no ka Palapala Hoolina a kauoha hope loa a Maria O’Sullivan i make ma Honolulu. A ma k@ia ke hoike aku nei oia i ka poe he mau aie ko Maria O’Sullivan ia lakou, e waihe koke mai iaia i ka lakou mau koi i hooiaioia ma na @ila aie pololei ma ka Halekuai o E. O. Hall & Son (Mikaholo) iloko o eono malama mai keia la aku, a e hoole ioa ia hoi na koi ke hala keia manawa.

            ABERAHAM FERNANDES,

Lana Hooko Kauoha o ka Paia@la

            Hooilina o Maria O’Sullivan i make,

            Hanaia i keia la 20 o Maraki, 189@

            mar27 @