Ka Leo o ka Lahui, Volume II, Number 687, 19 April 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

JOHN E. BUSH,

HONOLULU APERILA 19 1893

 

KA MOOLELO

0

HIIAKAIKAPOLIOPELE.

 

I HOOPONOPONOIA

 

MAI KA POE KAHIKO MAI A

ME KA POE I HOOPAA I NA

MOOLELO A ME NA

KAAO KAHIKO O

HAWAII NEI.

 

            Ku hou no keia hoolohe i ka nehe ana mai o ke kai oua wahi la, ku no keia hoolohe oia nehe no o ke kai a nee mai ana ka ihu o ka papa i ka ilikai, i iho la o Kahuanui iloko ona, aloha wale kuu kaikunane i ka hee ana mai i ka nalu oia hee ana mai i ka nalu la a pae i uka, kau mai ka ihu o ka papa i ka ilikai, iaia nei e hoomanao ana pela, ua ike aku la keia he kanaka e hee mai ana ika nalu kapu o lakou nei.

 

            Ua haohao iho la o Kahuanui, aohe kanaka o Kauai, ua hele o ka Huakaip aoa i Niihau, ua lawe i na kanaka a pau loa me ia, aohe kanaka, nolaila, haohao ai o Kahuanui, manao iho la keia e hele e nana, oiai ke wehe mai la ke alaula o ke ao.

 

            Ko Kahuanui hele aku la no ia, ia Kahuanui e hele ana ma kahi e ae ike mai la hoi o Wahineomao, i ae la ia; he wahine la, pane mai o Hiiakaikapoliopele, me ka hai mai i ka inoa o ka wahine o Kahuanui kahea ia aku ia, kahea aku o Wahineomao lohe maila o Kahuanui ko ia nei hele aku la no ia, ua ao loa ae la, a hiki o Kahuanui i nana @ ku ka hana oia nei o na wahine no i haele mai ai a hui ai lakou ia ia e kuku kapa ana, pane aku la o Kahuanui, o olua ia, ae mai la laua la, ninau aku la o Wahineomao, auhea ko kane aia no i ka hale wahi a Kahuanui.

 

            I hou mai o Wahineomao, o hoi a ko kane i aku e kii ia Kahuakaipaoa, e hoi mai e ike i ke aikane ia Lohiau, aia o Lohiau la uaola hou, ike io aku la no hoi o Kahuanui ia Lohia u, ko iala hoi aku la no ia me ka olioli nui i loaa iaia, a ku keia i ka hale me ka maka pihoihoi, kahea aku la i kana kane me ka l@o nui ano kaumaha, no kona piha loa i ka hoihoi:  E Nakaola e! Puoho mai la ke kane me ka leo nui, E-O heaha keia, e kii oe ia Kahuakaipaoa e hoi mai, aia ke aikane la ua ola o Lohiau, o na wahine no hoi i hele mai ai i kela la aku nei, o laua no ia e noho la mailala, nolaila, e kii oe i ke aikane, aohe manawa o Nakaola ku ana iwaho, hume aku kahi malo apaa a ka waa keia, panee a waiho i kahakai, aka hoe, a keka liu, ka pea, ke ama, ka @ako, ke kaula, pau na mea a pau hana a paa, alaila kukulu ka Pe’a ae a e la no keia kau iluna o ka waa holo ana i Niihau, aole i liuliu ia holo ana aku aianei o ka pae aku la no ia i Niihau.

 

            I ka manawa oia nei i pae aku ai i Niihau, haalele iho la no keia i ka waa i kahakai ko ia nei hele ku la no ia, ike maila na makaainana o lakou nei hooho lik@ mai la na kanaka me ka leo nui, ai ae ke alii e; aole oia nei pane aku ina makaainana, imiloa aku la no keia ia Kahuakaipaoa me ke kumu hu la me Mapu, aia no laua ke hele naauauwa ala ma kekahi aoao o Niihau, ke waiho wale ala no kahi hilahila o Kahuakaipaoa, a halawai o Nakaola me laua la, aloha aku aloha mai.

 

            Ke hoike pu@a aku nei ka lohe i na poe lawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, e hoike koke mai i ka lohe i keia Keena, me ka hakalia ole, i hiki ke hoolawa hou ia aku kou i@ni.

 

                        MA KE KAUOHA.

 

 

HE MAU NANEHAI NO KA NAAUAO.

 

Imua o na opio o e au o Liliuokalani.

 

            Nanehai 3.  I na paha e kapaeia na Kanawai mau o ka Poai Lani o ke ao holookoa:  alaila ihea la e waho ai ka ho@ ua nei?

 

            Nanehai 5.  Heaha la ka mea e moe ai (u@oi ai) na maka i ka wa e pule ai?

 

            Nanehai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

 

            [Ma ka loaa pono o ka haina, e kapaeia ai kekahi Na@ehai, mai ka hoolaha mau ana.]

 

 

E Nana e na Keonimana i Keia.

 

E WEHE IA ANA!

E WEHE IA ANA!!

 

Ke Ala hou Ana o na Kahiko Nani Like Ole

MA KAHI

O

 

N. S. SACHS,

104 Alanui Papu, Honolulu.

 

Eia ma ko’u Halekuai, e ike ai na mea a pau,

 

e Punawai Pipii Ano Hou

 

I kahikoia me na Pua Nani Like ole o kela a me keia ano.

 

Na Lipine Ano Hou Loa

Na Lihilihi Panio.

 

Like ole o na Ano he nui.

Na kahiko nani, i ki@ikohu ia, i ka wehi o na Opio.  Eia la ke ahu

Alala kunui nei, hele mai hookahi, hele mai elua, hele mai a pau

Eia ka Nani la, ke alohi nei i ka papa o Maukele

Na ka anoi e wae, elike me ke koi-i koi a ka puuwai.

 

N. S. SACHS

mar 31 674 tfd.                                   104 Alanui Papu, Honolulu.

 

 

HEIAU O NA PAIKINI!

 

Kihi o Alanui Papu me Hotele.

 

Wehe Aiwaiwa Ana o na waiwai Hou Loa

 

Ma ke ku a@a mai nei o ka MOKUAHI AUSTRALIA a me ka

MOKUKIAPA C. D. BRYANT;

 

            Ua loaa mai Ia’u he 117 PAHU UKANA me na Waiwai hou o na ano hou loa. He nani e ha-ie e ai na pua o ke Kula, i ka ua mea o ka nui hewahewa o na Waiwai i wae pono a e a’u me ka maiau nui.

 

            Ke konoia aku nei e hele mai e nana i keia mau Waiwai Hou Loa.

 

HE MAU WAIWAI HOU WALE NO MA NA WAHI A PAU OLOKO NEI O KO’U HALEKUAI.

 

            He heluna nui o na Kamaa Wahine, Kane a me na Keiki.  O ka’u mau Kumukuai e kulike ana ia me kou makemake.

 

            Ke huli ae hoi ma ke @ahiko Lole Aahu o na Aahu o na Wahine.  He nani makalapua okoa no ia i ike mua ole ia ma keia Kulamakauhale, ma na Lole hiki ke Holoi ia o na Waihoolau.

 

            E komo mai e nana i ka makou mau Waiwai Hou Loa, a ke hooia aku nei wau ia oukou.  Owau ke Alakai o na Kumukuai haahaa loa.

 

S. ERLICH,

 

Kihi o Alanui Papu me Hotele.

 

 

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa

 

MA KA HALE KUAI ALAKAI O

 

B.F. Ehlers  Co. PAINAPA.

HELU 99 Alanui Papu.

 

Oili Pulelo PAINAPA e kela i Kaupoku o

hanalei; aka i hewa no nae i ka lele mua i ka hooulu i ka la ino.

 

            Oiai he manawa ilihune keia ao ka aina nei, no ka mea ke wawalo mai nei @ leo pilikia o ka lehulehu mai o a o, a ke kuai hoopoho mai nei hoi kekahi mau ha e kuai e hoao ana e kulai kekahi i kekahi, nolaila ke komo pu aku ne au ma ia hana maikai, no ka mea

 

He Kawa ia Na’u i Lele a Opu.

 

            He mau makahiki loihi i hala ae nei, akahi okoa kuu uluhua i ke ahi o o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko

 

Ohi Hapuku ka I’a o Kapaau.

 

            Eia ma Ko’u Halekuai nei na Papale Kamalii o na ano a pau, na Lako Lole na Hapuu a oukou o na @paikini a pau, mai ke nui a ka ukulele, na Lako Lole o @ Lede a me na Keoni@ana o ke ano hou loa i ike mua ole ia ma Hawaii nei, @a M@ malu o na waihoolulu a pau, a pela aku, a pela aku

 

E Kuai ia aku ana no ke Kumupaa,

 

Nolaila mai hoohala i ka ike ana ia kaua.

 

            E hoomaka ana keia kuai hookelakela mai a ma keia mua aka. Na ka o@  mua no ka loaa, oloelo aku no ihope, no@..

 

575. tf-dly.                                          B. F. EHLERS & CO.