Ka Leo o ka Lahui, Volume II, Number 689, 21 April 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOHN E. BUSH,

HONOLULU MARAKI 29, 1893

 

KA MOOLELO

O

HIIAKAIKAPOLIOPELE.

 

I HOOPONOPONOIA

 

MAI KA POE KAHIKO MAI A ME KA POE I HOOPAA I NA MOOLELO A ME NA KAAO KAHIKO O HAWAII NEI.

 

            I mai la oe aole au i kanaenae aku ia oe, alaila, hapai ae keia i keia wahi mele penei:

            O Kalalau pali aala hoi e.

            Ke alo ia ae la e ka wahine

            Aala ka pali i ka lauae

            O Honopu i Waialoha

            Aloha ae la-e.

            A pau keia mele aianei ko ia nei hele aku la no ia, i nana aku ko ia nei hana, e noho mai ana o Hoopu ma, alaila aloha ae keia i ke aikane aia nei i holo makai ma ka waa me ke kane a laua nei me Lohiau, aole aole hoi pela ka laua hele ana mai Hawaii mai a hiki i Kauai, alaila akahi no ke kaawale o ke aihane ma keia hele ana, nolaila hapai ae keia i keia mele.

            A Honopu au i Waialoha

            O kuu wai lele hunahuna

            W@ maawe i ka pali

            O Kuu wai hana apu lauki

            A ke kupa la ia kiola la haalele

            Haalele i Honoipu Waiakua

            Kanaka ole la e ke hoa la

            Aohe hoa e—

            A pau keia mele aia nei, ko ia hele aku la no ia ma ka pali, a hala o K@alau, a me Nualolo, a mal@ hiki keia i Milolii i nana aku ke ia nei hana ia Mana, aole i kana mai ua akua o Mana, nolaila hapai hou o Hiiakaikapoliopele i keia mele penei:

            O Mana aian a ke akua e

            Aina o ke akua i Kaliu

            O ka paa kolo hele i o e

            E hoi mai ana ka oe i ou nei—e         

            A pau ia mele ana aia nei, iho aku la keia a hiki i Mana a malaila aku, holo ae ana ke aikane me ke kane a la nei makai maluna o ka waa, ia ike ana o laua nei ia Hiiakaikapoliopele, alaila, hookokoke aku la laua nei ia iala a pae aku la ka waa o laua nei ae mai la kela maluna o ka waa a holo pu maila lakou e huli hou mai ana laokou nei maanei mai ko lakou nei holo mai la no ia a mawaena moana mai o Kauai, nana mai o Hiiakaikapoliopele ika lele aku o ke ao o Hawaii, alaila anoano wale aku o ke aloha o ke aikane mua aia nei, oia o Hopoe, nana iho hoi ka hana ika luhi o laua nei i au ai ike kai me keia me Wahineomao, Ia manawa no ko ia nei manao no e make ana no ke kane ke hiki aku i Hawaii nolaila hapai hou ae keia he mele penei.

            Kuu kane i ka makani he malua

            Na ke Koolau kaua i lawe mai

            Lawe ka wa, he na hele ke kai

            Kuu kane ika hale kai o lalo

            O lalo aku hoi—e.

            A pau ia mele aianei, alaila hole mai no ka waa o lakou kei, a huli ka ale o Kauai me Oahu nei, holo no lakou nei, ai nana aku ka hana o Hiiakaikapoliopele ina kupuna kane e nono mai ana i ka moana o Waianae o (Kua) kainoa o kekahi o Alaikapoiki kainoa o kekahi he mau mano o (Kua] ma, ia ike ana mai o lakou la, pahapaha ae la o Hiiakaikapoliopele penei.

 

            Ke hoike pu ia aku nei ka lohe i na poe Iawe pepa a pau, o KA LEO, a me ka OIAIO, i ka wa e nele ai ka loaa ana aku o ka pepa ia oukou, a hoike koke mai i ka lohe i keia Keena, a me ka hakalia ole, i hiki ke hoolawa hou ia aku kou iini.

MA KE KAUOHA.

           

HE MAU NANEHAI NO KA NAAUAO.

 

Imua o na opio o e au a Liliuokalani.

Nanehai 3. I na paha e kapaeia na Kanawai mau o ka Poai Lani o ke ao holookoa; alaila ihea la e waiho ai ka honua nei?

            Nanehai 5. Heaha la ka mea e moe ai (upoi ai) na maka i ka wa e pule ai?

            Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

            [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

E Nana e na Keonimana i Keia

E WEHE IA ANA!

E WEHE IA ANA!!

Ke Ala hou Ana o na Kahiko Nani Like Ole

MA KAHI

O

N. S. SACHS.

104 Alanui Papu, Honolulu.

 

Eia ma ko’u Halekuai e ike ai na mea a pau.

e Punawai Pipii Ano Hou

I kahikoia me na Pua Nani Like ole o kela a me keia ano.

Na Lipine Ano Hou Loa

Na Lihilihi Panio.

Like ole o na Ano he nui.

Na kahiko nani i kinikohu ia, i a ka wehi o na Opio. Eia la ke ahu

Alala kunni nei, hele mai hookahi, heie mai elua, hele mai a pau Eia ka nani la, ke alohi nei i ka papa o Maukele

Na ka anoi e wae, elike me ke koi-i kei a ka puuwai.

:N. S. SACHS:

mar31 674-tld.                        104 Alanui Papu, Honolulu.

 

 

 

 

HEIAU O NA PAIKINI!

 

Kihi o Alanui Papu me Hotele.

Wehe Aiwaiwa Ana o na Waiwai Hou Loa

 

Ma ke ku ana mai nei o ka MOKUAHI AUSTRALIA a me ka MOKUKIAPA C. D. BRYANT;

            Ua loaa mai la’u he 117 PAHU UKANA me na Waiwai hou o na ano hou loa. Ile nani e ha i e ai na pua o ke Kula, i ka ua mea o ka nui hewahewa o na Waiwai i wae ponoia a’u me ka maiau nui.

            Ke konoia aku nei e hele mai e nana i keia mau Waiwai Hou Loa.

 

HEMAU WAIWAI HOU WALE NO MA NA WAHI A PAU O LOKO NEI O KO’U HALEKUAI.

            He heluna nui o na Kamaa Wahine, Kane a me na Keiki. O ka’u mau Kumukuai e kulike ana ia me kou makemake.

            Ke huli ae hoi ma ke kahiko Lole Aahu o na Aahu o na Wahine. He nani mekalapua okoa no ia ike mua ole ia ma keia Kulanakauhale, ma na Lole hiki he Holoi ia o na Waihooluu.

            E komo mai e nana i ka makou mau Waiwai Hou Loa, a ke hooia aku nei @ ia oukou. Owau ke Alakai o na Kumukuai haahaa loa.

S EHRLICH,

Kihi o Alanui Papu me Hotele.

 

HE KUAI HOOKELAKELA NUI!

Hele mai Hookahi, a i ole Hele mai no a Pau Loa.

MA KA HALE KUAI ALAKAI O

B.F. Ehlers & Co.—Painapa.

HELU 99 Alanui Papu.

 

Oili Pulelo PAINAPA e kela i Kaupoko o Hanalei; aka i hewa no nae i ka lele mua i ka hooulu i ka la ino.

Oiai he manawa ilihune keia no ka aina nei, no ka mea ke wawalo mai nei na leo pilikia o ka lehulehu mai o a o, a ke kuai hoonoho mai nei hoi kekahi mau hale kuai e hoao ana e kuiai kekahi i kekahi, nolaila ke komo pu aku nei au ma ia hana maikai, no ka mea

 

He Kawai a Na’u Lele a Opu.

            He mau makahiki loihi i hala ae nei, akahi okoa kuu uluhua i kea hi o o Kamaile a me ke Kawelu o Lanihuli, a i mea no hoi e hookoia ai kela olelo kaulana a kahiko

 

Ohi Hapuku ka I’a o Kapaau.

            Eia ma Ko’u Halekuai nei ma Papale Kamlii o na ano a pau, ua Lako Lole o na Hapuu o oukou o na paikini a pau, mai ke nui a ka ukuieie, na Lako Lole o na Lede a me na Keonimana o kea no hou, loa i ike mua ole ia ma Hawaii nei, na Mamalu o na waihoolulu a pau, a pela aku, a pela aku

 

E Kuai ia aku ana no ke Kumpaa.

Nolaila mai hoohala i ka ike ana ia kaua.

            E hoomaka ana keia kuai hookelakela mai a ma keia mua aku. Na Ka oioi mau no ka loaa, oloolo aku no ihope, nele.

575. tf-dly.      B. F. EHLERS & CO.