Ka Leo o ka Lahui, Volume II, Number 702, 10 May 1893 — Page 3

NA LETA.

-----

Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe kakau manao.

-----

 

MAI KA AINA PAIA'LA MAI O PUNA.

-----

            Ma ke ku ana mai o ka mokuahi Kinau, ua loaa mai la ia makou kekahi leta mai ka paia'la mai o Puna. Eia na olelo o ua leta nei:

D.M. PUNINI JR.

            E oluolu oe e kaana ae i keia wahi mea hou o ka paia'la nei, i ike mai ai ka nui manu ake hoohui aina, i ke ano o keia poe o lakou maanei.

            O na haole o Puna nei, ua hoike mai lakou, i ko lakou manao mihi, i ka mea a lakou i hana ai, a ua hoike ae hoi, he keu ka nui o ko makou poino, oiai hoi, ua manao makou, e holo pono ana ka hoohui aina, eia ka auanei e nele ana, a o kekahi kumu nui loa hoi o ka pilikia, oia no ka lilo ana o Hon. J. Nawahi, i Peresidena no ka Hui Aloha Aina a na kanaka Hawaii, a pela hoi o Hon. J.E. Bush, a me kekahi poe kanaka Hawaii naauao e ae.

            A o kekahi hoi, o ka hoi hou ana aku nei o Hon. R.W. Wilcox ma ka aoao o na kanaka Hawaii, nolaila, ua manao makou, aole e ko ana ka Hoohui Aina, ua hala ka wa pono. O keia ka'u e hoike aku nei ia oe e kuu hoaloha oiaio, eia la, ua hopu lakou nei i ka alamihi, a oia keia e pulapu mai nei ia makou e ae aku, aka, aole loa o makou ae i ka Hoohui Aina, he nele loa o Puna nei ma ia ano.

Kou ho'aloha

PAIAALA.

 

E ke Kiai heaha ko ka po?

-----

            Ke ninau ia nei na keiki o ka po, e hoike mai heaha na mea a lakou i ike ai, oiai lakou ma ko lakou wahi kiai.

            Ke pane nei na kiai, eia la he poe koa, i ake e hoohaunaele, no lakou he huina o 16.

            Ua hopu ia e makou he 3 oia poe iloko o ka hale inu kope, ma ka aoao makai o ke Alanui Hotele, me na pauku laau, i like ka loloa me ka Newa.

            Pehea oukou i ike ai, he poe hoohaunaele kela?

            Ka, ma o ke kauoha la, a oia ka makou i kiai makaala iho nei, i kela po a ao ae nei?

            Ka pela io ka hoi, pomaikai nae i ka paa ana o kekahi poe o keia pohai ia oukou.

            O keia maluna ae, he hana hooulu haunaele keia i manao ia ai e hana mau, aka, aole nae i ko, oiai, ua loaa e ina kiai makaala o ka po, a wi ana ka niho o ke kolohe.

            Hoehaa wale ko a mau hana, i manao ia ai, e hooulu mai, oiai, aia no ke aupuni ia lakou, eia nae, ke ake nei e hooulu ae i ka haunaele. U-hu-o ka ihu io.

 

HE UWILA KE HOA E LIKE AI

-----

            O na keiki hoonohohua metala o KA LEO O KA LAHUI, a me KA OIAIO ua like me ka uwila ka anapu o na kiina mikioi o ko lakou mau lima, a he lua ole iloko o keia Kulanakauhale.

            O ka wa e puka ai KA LEO i keia manawa, mawaena no ia o ka hora 2 o ka auina la a me ka hora 4.

            A ua like me ka uwila ke ike aku oe i ka hele a powehiwehi.

            Ma keia e ike ai na hoaloha, a hoa haihai leo i ka welelaulima, o na kiina a KA LEO, he lua ole ia, a nolaila, he mea pono hoi ia oukou, e eleu mai i kona ola, i mau aku ai kona pulelo haaheo ana.

            I lohi wale no i ka paluku ana, ke pili no hele ka wai hele ka ala.

 

O KA HOOHUI IA HAWAII ME AMERIKA.

-----

Ke ala e loaa ai he leo no na Kanaka Hawaii Iloko o ka Ahakuka?

-----

            Ma kekahi manao i hoopuka ia e ka nupepa Kukoa puka la, malalo o ke poo, "Ke kulana aupuni," a ua hoakaka ia penei: Aia hoi, o ke kumu kue loa o na kanaka Hawaii i keia wa, i ke aupuni e ku nei, oia no ka hoopau ia o na kanaka Hawaii mai na oihana ae, a me ko lakou leo ole hoi iloko o ke kau ana i na kanawai o ka aina.

            Ke pane nei makou i keia, aole loa o ka hoopau ia o na kanaka mai na oihana ae, oia ke kumu kue aole loa pela, aole ia mea iloko o ka lahui, aka, he minamina nae makou i ka hoopau ia o na kanaka kupono mai na oihana mai, aole makou i minamina ai, a he kaulike hoi ko makou aloha maluna o na mea a pau.

            A eia hou, ua hoike hou ia ae, no ka leo ole ka o na kanaka Hawaii iloko o ke kau ana i na kanawai kekahi kumu i huhu loa ai o ka lahui Hawaii.

            Eia ka nane a Ka Leo, ua olalau loa oe malaila, aole loa i huhu ka lahui no ia mea; he nele, a he oki loa keia wahi kumu puhala mulei au, i hookeikei pu-Awa mai nei.

            Eia hou, ke olelo nei oe, auhea ke ala e komo koke aku ai na kanaka Hawaii iloko o na ninau hooponopono aupuni ana? Ke hoike nei oe, o ka Hoohui koke ia Amerika Huipuia, oia wale iho no ke ala, kokoke loa e hiki aku ai kakou ia hopena.

            Ke pane nei Ka Leo, o oe, a me kou poai kai ake e hapai i ko oukou mau umauma a kiekie iluna, me ka nana ole o ko oukou mau maka i ke ala a oukou e hele ala, aka, i ke sekona hope loa, ua haule paha aku la oukou a pau iloko o ka nenelu o ka poino, a o ka hopena he pilikia no ia.

            A ke olelo hou nei oe, a pela hoi ina i haneri tausani a miliona paha kanaka e like me J.E. Bush, a e hele ai e haiolelo ma o a maanei, e kue ana i ke ano hooponopono aupuni o keia wa, aole no ia he mea e ko ai kela manao iloko o ka hapa nui o na kanaka Hawaii.

            Ke pane nei makou, o ka olelo kaulana o Hawaii nei, oia keia:

            "Hookahi no Hawae Lauhue Kona." Iwaena o kau hana nui i manao ai, he mea ia e puhili ai ko makou ike, ke pane nei KA LEO, hele pela oe a ke opulepule, oiai, o oe, a me kou pohai, aole loa i lawa no ka puniu o Hon. J.E. Bush a me kona poai, a ua ike no hoi oe, e ke olalau, aole i miliona kanaka o Hawaii nei, wini aku nei oe iluna o Konahuanui me kou manao he kuleana kupono kou ilaila, eia nae he ole, he ole loa no.

            Ke olelo hou mai nei oe, malia paha, ua komo no iloko o na kanaka Hawaii a pau, he manao kue no na hana i hana ia mai Ianuari 17, a hiki i keia la.

            Ke pane nei makou, ua kue ka lahui Hawaii i na hana pakaha i hanaia ma ka la 17 o Ianuari, i kulike ai me ka ka Moiwahine kumu kue i waiho aku ai imua o ke Aupuni Kuikawa.

            Oiai hoi, ma ka nana ana o ka lahui, i ke kahua i kukulu ia ai keia aupuni hou, ua ike ia ua ku keia aupuni, malalo o ke Komisina Amerika.

 

            Ke kauoha ia aku nei na Luna Lawe Pepa a pau o ka nupepa "Ka Oiaio" e hoihoi mai i na helu i koe oia pepa, a oukou e paa ala, ina he mau helu koe; oiai hoi, ua makemake ia ka Helu 48 o Aperila 21. E hoouna pololei mai ma ka inoa o ka nupepa. E hoolohe i keia leo kahea.

            MA KE KAUOHA.

 

Puali Keaka Paele

MA KA

HALE MELE HOU.

MA KA

POAKAHI, MEI 15.

-----

E haawiia ana e na haole manuwa o ka

            Mokukaua Enelani Hyacinth,

A me kekahi mau Paele Amerika oiai ka MOKUKAUA ADAMU mai, a me ka hana a

            ADIMARALA SKERRETT.

            He hana keaka ano hou loa. E naue ae e na makamaka i ike pono oukou i na nani o na hana keaka oia po.

D.M. GROWLEY, Luna Hoohena.

 

Keia Kau Kinipopo

-----

            Mamuli o ka hooholo ana o na Kapena o na Hui Kinipopo like ole ekolu, nolaila ua hooholo lakou e hoomaka ka paani ana i keia Poaono ae a o ka nui o ka manawa e paani ai he 18, a o ka paani hope loa, i kekahi la nui kulaia, a penei na kuhikuhi ana:

" 13 - Kamehameha     Crescent

" 20 - Crescent            Hawaii

" 27 - Hawaii   Kamehameha

" 30 - Kamehameha     Crescent

June 3 - Crescent         Hawaii

" 10 - Hawaii   Kamehameha

" 17 - Kamehameha     Crescent

" 24 - Crescent            Hawaii

July 1 - Hawaii            Kamehameha

" 4 - Kamehameha       Crescent

" 8 - Crescent  Hawaii

" 12 - Hawaii   Kamehameha

" 15 - Kamehameha     Crescent

" 22 - Crescent            Hawaii

" 29 - Hawaii   Kamehameha

 

Na Leta e Waiho nei Maloko o ka Haleleta a hiki i Aperila 30, 1893.

-----

HONOKAUPU.

P. Kamanuwai

Joe Haaheo 2.

PAUOA.

Luika & Alio.

LELEO.

H. Puakalehua

Kanakaokai

Leleo.

KAPALAMA.

K. Kuihonua

L. Kupauihi

Kawelo

Iokia Manu 2

Leoiki

Ahoi

Julia Kulia

Mrs. Kaai

Lima Kahaunaele

Maoiwiloa

R.K. Kalaiamoku

KAAKOPUA.

L. Nunoiokane

Honipua

Tom, Gandall

Lui Kamohai

AUWAIOLIMU.

Daniel Kikaha

Kapiioho

Kiko

Kahanunu

Ane Kalia

Ale.

PALOLO.

Ulu.

NA ALANUI.

D. Kaaiuhaneole 2

Kuwalo

Kapono

Kiili

Sam. Kawaiwai

Ahina.

KUKULUAEO.

Peke Kaluna

K.H.N. Kahalu

David Kaoao

Oliwa.

APUA.

Moke Paa

S. Keawanui

Kaumu

HAIMOEIPO.

Peni Kaluna

Becky Kaluna

KAPAUHI.

Maria Kekuni.

KUNAWAI.

Pau.

MAKIKI.

Maka

A. Paakaula

Mele Kamanu

Moikeha-opio

PELEULA.

Mrs. Haalou.

WAIKAHALULU.

K. Nawaiki

K. Kaloku

Moehau

Kekela.

KAUMAKAPILI.

L. Kupanihi

J. Kahelepo

Kekihi.

KIKIHALE.

Peke Olepau

Kealawaianuhou 2

Kalimahauna

Hoomeapule

J.M. Leialoha

Waiwaiole Olepau

Kukahikopakilikia

KAWA

Mrs. Akona

Puni Pukeekee 2

Wahinepio Mahiai

John M@

Daniel Kuni

F.J. Cook

MANOA

Kamakaikolia 2

HUEHUE

Kamila Ilianu,

WAIKIKI-KAI

Mrs. Kaoiwiloa

Keawe

Lono & Pekelo

AALA.

Emma Richard

H. Kalakauaehu

Kimo Kaai.

KAWAIAHAO.

Lucy Kauwale

Mary Kailieha

M. Kaiwinui

Emily John

Mrs. H. Kaulainamoku

Aiai

Lily David

John Kamaiopio

Kahalewai.

KAMANUWAI.

Pakiko

Wahinehula

H. Kaululena

L. Mahiai

Kaohimanu.

KAPUUKOLO.

Grace K. Aona 3

Ahia

Elimahua

KALIHI.

Kaheanui

W. Awai

Kaluna

Kaiolohia

Walu

Kekahuna

Malie

noa.

MANA.

Luhau

E. Kamaka.

MANAMANA.

Haliaka 2

M.K. Kahaulelio

KAMAKELA.

Mi.

KAMOILIILI.

Uma.

KAHEHUNA

L. Wahineaea

M. Ilai

Mrs. K. Keawe

B. Kelii

KAULUWELA,

Pilipo

K. Hawehawe

Kaleinani

NIOLOPA.

Kupihealii

J. Polokamu

Mahiai.

Na Leta i hoihoi ia mai na Mokupuni mai.

Koeleele

Emma Haoe

John Hooleia

L. Wahinenui

K. Kanupaka 2

Kahinawe

Hepepe

Kepakailiula.

HONOLULU.

KG.aio & G.W. Nakaa

C. Kumukahi 2

Koahou Makaike

Mrs. Aona

K. Wahaoi

K. Mali

Kekumano

Pihi

Malie Kalua

Annie & Mary Hilo

Halaki

Kapa

Mrs. Kaaialii

Keawekuloa

S. Kaluaaha

J. Alohikeia

Miss. Lupua

Peter Kanoho

Kaanaeaina.

            O ka poe na lakou na Leta maluna ae e ninau mai ma na Leta i Hoolahaia.

J.M. OAT.

Luna Leta Nui

may3 1wk-dlv.

 

OLELO HOOLAHA LIO

-----

            E ike na mea a pau ma keia hoolaha. Ke hoike ia aku nei, eia ma ko'u lima kani i paa ai o kekahi lio k., puakea 3 wawae keokeo kiko keokeo ma ka lae. I kuni ia i ka hao kuni ano e akau. Ua paa wau i keia lio no ka makahiki hookahi e kii koke mai ka mea nona keia lio me ka uku pu mai i ko'u mau poho a pau no ka malama ana. I na e kii ole mai, a hala ka malama hookahi, alaila, lilo loa keia lio ia'u.

KAUI A @.

Pulehuiki, Kula, Aper. 27, 1893.

may10 2mw.