Ka Leo o ka Lahui, Volume II, Number 702, 10 May 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

JOHN E. BUSH,

HONOLULU MEI 10, 1893

KA MOOLELO

- O -

HIIAKAIKAPOLIOPELE.

 

I HOOPONOPONOIA

MAI KA POE KAHIKO MAI A ME KA POE I HOOPAA INA

MOOLELO A ME NA KAAO KAHIKO O

HAWAII NEI.

Moe e no Waialua ke Koolau

Na hikina mai a kalawakua

Lele ana i ka mikioi

Uwe aloha i ka puukolu

Aloha Waiolohia ke Kohala lele e

He lele paiki kau, ka ka, manao

Ka ke aloha kamalii

He lalau - e, eia oe

  A pau ia mele aia nei, ke ano nae oia mele a Lohiau, no kona aloha iho no i kona lalau wale aku no i ko ia nei aloha i ka wahine, aohe nae noho a launa iki mai i ke kane, ko ia nei manao no, o ka lalau ae o ka wahine, a noho a kane a wahine, huli aku no ke alo hoi i Kauai, aole nae ona manao pela, aka, e kuhi ana nei o Lohiau he wahine kanaka maoli, eia ka o Hiiakaikapoliopele, a pau ia, nana iho o Lohiou iaia, mea o ke ku a ke kanaka maikai, nana iho keia aole i ka na mai o ua mai oia nei, he mai pahu ko ia nei mai, oi uumi iho keia, aohe paa, nui loa iho la ka mai oia nei, hiki ole i ke pale ae nolaila, hapai ae oia i keia wahi mele pouli.

  O kaupe mauna Kilohana

  I'@  o Hulaia a ohi

  Oki laula ka uka o Puna

  Lulumi i ka pua hau o Maluaka

  Hoi kaoo i ka Waiolohia

  Kipakinai e eha ka pua o ka hala la

  Hala ke aloha, hoomanao iaia i Akea

  I kaawale hoi kau onina

  Onina mai hoi - e, eia oe

  A pau ka ia nei hula ana, ku ana keia ma ke alo o Hiiakaikapoliopele, e ake ana hoi keia o ka lalau mai o Hiiakaikapoliopele, hoao no la hoi laua nei, noho a kane a wahine, huli no la hoi ka ihu o ka waa hoi i Kauai.

  Eia nae, aohe wahi mea iki aku o ka wahine.

  Pau kana hula ana, hoi ia noho, hoomakaukau o Wahineomao e hula, kakua ka pa-u, hoomaka iho la o Wahineomao e hula elike me ka hula i ao ia aku ai iaia e Lohiau, penei ua mele la:

  O Ku o Ka o Wahineomao

  Wahine ia a Lohiau ipo

  Ku ana o Wahineomao ma ke kala o ua hale kilu nei, a pela aku, ku ana ma keia aoao, a pau kana hula ana, o ka malamalama loa mai la no ia ua po nei, haunaele ae la oloko o ua hale kilu nei, ko lakou nei ku ae la no ia hele ana, wawa aku la hoi o hope o ua hale hula nei, i ka wahine maikai, a i ke kanaka maikai o laua nei, huli hou mai o Hiiakaikapoliopele i hope, kani mai ke oli aia nei penei. 

  Kuu kane i ka makani hau alia

  O Maka@  i Han@  e

  Wa iho la, ke wa wale nai la no

  Ka ua hilahila moe awakea

  Iluna o ka laau

  Hoolaau mai ana ke kii

  Kaunu mai ana ia'u ka moe

  E moe hoi - e

Aole i pau.

 

  He kuai hoemi ko ka Heiau o na Paikini no ka manawa pokole loa, he 20 ia kalakoa maikai loa no ka hookahi dala, e wiki o pau e auanei i ka poe hikimua, aia ma ke kihi o ke Alanui Papu a me Hotele, ma ka aoao ma Waikiki.

 

HE MAU NANEHAI NO KA NAAUAO.

Imua o na opio o e au o Liliuokalani.

  Nanihai 3.  I na paha e kapaeia na Kanawai mau o ka Poni lani o ke ao holookoa; alaila ihea la e waho ai ka honua nei?

 

  Nanihai 5.  Heaha la ka mea e moe ai (unoi ai) na maka i ka wa e pule ai?

 

  Nanihai 6.  O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?

 

  [Ma ka loaa pono o ka haina, e kapaeia ai kekahi Nanehai, mai ka hoolaha mau ana].

 

HEIAU O NA PAIKINI!

Kihi o Alanui Papu me Hotele.

Hoolaha Kuikawa!

No Ka Pomaikai o ka Lehulehu.

Ua loaa mai nei Ia'u mailoko mai o na Hale hana Kakini o Europa Mai kekahi heluna nui hewahewa o na

Kakini Eleele Daimana.

Hoolaha!  Hoolaha!!

He kuai Kuikawa Ka'u e kuai aku ai i na KAKINI no Ka Manawa Wale no ma na

Kumukuai Haahaa

Loa i ike mua ole ia ma keia Kulanakauhale kona lua ma ke Emi Loa.

Na Kakini Silika o na Wahine, na Kane

A ME NA

Kamalii.

Na Kakini Hapa Silika a me na Kakini o na Ano e ae he

Lehulehu Wale.

Mai hoohala oukou i ke kipa ana mai e ike i keia kuai hoemi nui, ke hooia aku nei Au o na Kumukuai a pau i kau ia maluna o keia mau Kakini, ua emi loa iho ia mamua e na Halekuai e ae o keia Kulanakauhale.

 

S. ERLICH.

  Kihi o Alanui Papu me Hotele.                                                          @

 

HE KUAI HOOKELAKELA NUI!

Hele mai Hookahi, a i ole Hele mai no a Pau Loa

MA KA HALE KUAI ALAKAI O

B. F. Ehlers & Co - PAINAPA.

HELU 99  Alanui Papu.

Oili Pulelo PAINAPA e kela i Kaupoku o hanalei; aka i hewa

no nae i ka lele mua i ka hooulu i ka la ino.

Oiai he manawa ilihune keia no ka aina nei, no ka mea ke wawalo mai rein leo pilikia o ka lehulehu mai o a o, a ke kuai hoonoho mai nei hoi kekahi, mau ha e kuai e hoao ana e kulai kekahi, nolaila he komo pu aku ne au ma ia hana maikai , no ka mea

He Kawa ia Na'u i Lele a Opu.

He mau makahiki loihi i hala ae nei, akahi okoa kuu uluhua i ke ahi o o Kamaile a me ke Kawelo o Lanihuli, a i mea no koi e hoohoia ai kela olelo kaulana kahiko

Ohi Hapuku ka I'a o Kapaau.

Eia ma Ko'u Halekuai nei na Parale Kamalii o na ano a pau, na Lako Lole na Hapuu a oukou o na paikini a pau, mai ke nui a ka ukulele, na lako Lole o na Lede a me na Keonimana o ke ano hou loa i ike mua ole ia ma Hawaii nei , na M malu o na waihoolulu a apu, a pela aku, a pela aku

Kuai ia aku ana no ke Kumupaa.

Nolaila mai hoohala i ka ike ana ia kana.  E hoomaka ana keia kuai hookelakela mai a ma keia mua aku.  Na ka oioi mua no ka loaa, oloolo aku no ihope, nele.

  575.  tf-dly.                                                                    B. F. EHLERS & CO.

 

Kuai Kuikawa no na Lede!

O ka la wela o ka Makaiii ke komo mai nei ia i mau lole lahilahi loa, na Lole Keokeo a me na Lole hiki ke holoi ia.  Ua loaa mai nei he heluna nui o na ano hou loa

- MA KAHI -

- O -

N. S. SACHS,

104 Alanui Papu, Honolulu,

A e kuai ia aku ala ma na Kumukuai i Hoemiia iho.

Na Lole Keokeo Papamu a Kahakaha loloa 7 I.a no ka $1.00  O keia mau Waiwai manawa he 30c keneta o ka i-a.

Na Lole Keokeo Pa@  mu a me ke kahakaha lolea 6 I-a ke Dala he 25c Keneta o

pau i kuai ai i mau Heleku Keokeo, e hale mua mai maanei e mana

ai i keia kuai hoopoho nui.

 

Na Lole Kinamu o ke Ano ou Loa.

7 I-a no ka $1.00 mamua he 20 kanaka o ka i-a.

Na Sakinia Farani eleele a me na Pua a me na Lau nani loa, he 2 e o ka I-a.

Na lole ano Silika Pake o ke ano hou loa o na waihooluu paa loa, 3 e o ka I-a

Na lole Hapalilina Lahilahi, me na Pua nani, 1 i-a ka lauia no 6 i a i ka $1.00

a me na lole lahilahi o na ano he nui wale, a pela aiu.

Lihilihi Lole a me na Lihilihi Lopi me na Kumukuai haahaa loa.

Na Lihilihi pala Pukaaniani o na Paikini hou loa no ka 25c o ka i-a.

Na Papale hou o keia kau Makalii no na Wahine a me na Kaikamahine o na Paikini

Hope l a mai nei.

Na Papale Keokeo i hanaia a paa ma na kumukuai oluolu loa.

Na Pua Papale hou, Hulu hou, Ribine hou.

He heluna nui o na Papale Raiki o na Kamaliikane a me ko na kane ma ke kumukuai

hoopono, o ka makou mau papale Raiki no ke 50c, na like ia me na Papale $1.00 o na

Halekuai o ae.

E Hele Mai e ike Pono no Oukou iho.

 

-: N. S. SACHS : -

may1  @-@                                                        @ Alanui Papu @