Ka Leo o ka Lahui, Volume II, Number 702, 10 May 1893 — KE AWA O HONOLULU. [ARTICLE]

KE AWA O HONOLULU.

I ka auina la o nehinei, ua komo loa, mai la ka mokumahu Oceanic. O kekahi keia o na moku e ku mau nei i ka nuku o ke awa o Honolulu, no ka hohonu, aka, i ka eli ia ana o ka nuku awa ua hiki i na moku o kela a me keia ano ke komo iloko o ko kokau awa. Ua hoomakaukau ia ka uwapo ma ka lihi mai Waikiki nei o ke awa, a malaila oia i hoopili mai ai. O keia kekahi o na pono a me na pomaikai e loaa ana i ka lahui ma keia mua aku, aole o ke kuikahi hoolilo aina. E hiki hou mai ana no na laina mokumahu kalepa ma keia hope aku, mai na Panalaau mai o Auseteralia a holo aku no na Panalaau o Kanada a me Victoria. Ina e paa keia awa malalo o ke kalai aupuni ana a kekahi o na aupuni nui, alaila hookapu ia ana paha ke komo nui ana o na moku. mamuli o ka paonioni o na aupuni nui. Ua oi aku kakou e kuwaho, a hamama ko kakou kulana kalepa ana.