Ka Leo o ka Lahui, Volume II, Number 706, 16 May 1893 — Page 3
| This text was transcribed by: | Rodney |
| This work is dedicated to: | Charles K. Chu |
KA LEO O KA LAHUI.
"E Mau ke Ea o ka Aina i ka Pono."
o ka Waialeale a hoihoi loa ia mai la no Honolulu nei, ua ku mai ma ke kakahiakanui Poaono, a hoihoi loa ia mai la ma kona Home ma Apua.
Ua pomaikai kana waine, i ka ike ana i kana kane a me kona hanu hope loa. He kane oluolu, he makuakane maikai, a he hoaloha maikai no ka poe i launa pu me ia. Aloha oia a me ka ohana i hoonele ia ia ka makua ole.
Ua manele ia aku kona kino lepo no Maemae.
NA LETA.
Aole o makou makemake e lawe i ke koikoi o na hala ho na manao i hoopuka ia malalo o keia poo e ko makou poe kakau manao.
MAKE WALOHA.
MR. LUNAHOOPONOPONO.
Aloha oe:
E oluolu oe e ahai aku i keia wahi ukana kaomaha, e hai aku i ka ohana o Lepeka, o Waiehu Maui, ua hala aku la ma kela ao, a penei ka moolelo o kona make ana:
Ma ka Poakahi nei. Mei 1, hora 12 o ke awakea. leaa i ka eha ma ke poo, pii mai la ke anu, Poalua ae, kii au i ka laau i ke kauka, a hoohainu, aka, aole nae i loaa ka maha, a ua nui loa mai la ka eha.
Poakolu ae, kii hou au i ka laau i ke kauka a hoohainu hou, e like me na kuhikuhi aole hiki, pela no ka mahuahua loa ana, a hora 1 p.m. o ka Poaha, make aku la oia.
O ka inoa o keia wahini o Rebeka no Waiehu Maui.
Ua hanau ia oia i ka malama o Iune 1857, ua piha na makahiki he 36, ua waiho iho oia i ka ukana a ka ehaeha maluna o'u a me ka maua keiki e u aku ma keia aoao o ka luakupapau.
Ma Kepohoni ko maua wahi o ka noho ana mailihini, e kokoke ana i ke alanui Kamika, a kuu aku la kona aho hope loa. Aloha no.
Moses Eleele.
Kepohoni Nei 15, 1893.
NUHOU KULOKO,
Ua ae iho nei na Hui Heihei Waapa Healani a me ka Myrtle e heihei waapa hou o eeno hoe no ka lawe ana i ka inoa hanohano o ka hui oikela loa o ka holo o ka waapa. E hoike ia aku ana ke ano o ka heihei ana ma keia mua koke iho.
Ua hooloihiia aku nei na hora hana o na limehana o ke aupuni e hoomaka ana mai keia la aku mai ka hora 8 1/2 o ke kakahiaka a e pau ana i ha hora 5 o na la a pau kee ka Poaono. Ma Ka Poaono e pani ia ana na keena oihana ma ka hora 1 p.m. E hoomaka ana mai ka hora 8 1/2 aku a hiki ia manawa me ka hoomalia ole.
Ua hoi mai nai o Claus Spreckels ka Ona Miliona i ke kakahiaka nui Sabati ma ke Claudine mai. He olouolu maikai kona ola kino.
E hoomanao e na hoaloha, i na Kakini Eleele Daimana ano hou loa, i loaa ole kona lua ma kekahi mau Halekuai e ae o keia kulanakauhale. Nolaila, e hoonaue ae i ka Heiau o na Paikini, kahi i wae mua loa ia ai no ko oukou mau anoi.
Ke kauoha ia aku nei na Luna Lawe Pepa a pau o ke nupepa"Ka Oiaio" e hoihoi mai i na helu ikoe oia pepa, a oukou a paa ala, ina he mau helo koe; oiai hoi, ua makemake ia ka Helu 48 o Aperila 21. E hoouna pololei mai ma ka inoa o ka nupepa. E hoolohe i keia leo kaheu.
MA KE KAUOHA.
E alawa ae e na makamaka i ka hoolaha a Painapa, mala@ia e loaa ai na kinohinohi o ke Kau la wela, mamua o na Halekuai e ae o keia Paeaina. Ke hooia mai nei ka poe i kipa aku e ike i kana mau mea kuai, he nani maoli no, a he emi na kumukuai. Nolaila e naue ae i ikemaka.
He halawai kuikawa ka Ka Hui Hooulu Lahui e malamaia ana i keia auina la Poalua hora 3 p. m. ma Honuakaha no ka noonoo ana i kekahi kumuhana ano nui e wai ho ia mai ana. Nolaila, na makemake ia na hoa a pau e hiki kino ae ma keia halawai.
MA KE KAUOHA.
E hoomakaukau e na makamaka, i na mohai o ke aloha, mo ka liuliu ana i mau kahiko nani no ka La Hanau o ka Na'i Aupuni nolaila, e pono i na makamaka ke makaala ae i na Wehi o ke kino, ma ka Halekuai Emi Loa o N. S. Sachs, ma ke Alanui Papu.
Ma kekahi la o ka pule i haia, ma Lahaina Maui, ua moni hewa kekahi wahi uuku nona na makahiki 5 i ka hua oloko o ka manako, a ina e haha ia iho e paa ana no i ke lima keia hua manako iloko o ka opu, ke hoao nei o Kauka Davison e hoopakele i ke ola o keia keiki, ma ka hoao ana e wawahi i ka hua manako iloko o ka opu.
Pehea la i hiki ai i keia wahi keiki uuku ka moni ana i kekani mea ilike ka nui me keia.
Ma kekahi la o ka pule i hala, ua piholoia kekahi wahi keiki Pukiki a make loa nona na malama he 10 iloko o kekahi Kahawai o Wailuku. Ua hele aku he Kepani e ukuhi mai nona na loaa aku la iaia ke kino o keia bebe, ua huki aela ia a kau i kula; ukuhi iha la a piha ka pakeke wai anu, hoi aku a ka hale kuai puiki hoike aku la me ke ano malowa no keia pilikia me he la pe ilio ka mea i make. Ano e no hoi keia apo lahui.
He elua miliona a oi ka nui o na Pooleta i pai ia iho nei me keia mau huaolelo maluna o ke k@i ona pooleta mua: "Aupuni Kuikawa 1883."
Hui Aloha Aina a na Wahine o ka Mokupuni o Kauai.
I ka Pereaidena a me Hope Pereasidena, Puuku, Kakauolelo, na Komite he 12, a me na poe no lakou na inoa 809. Ma ka oukou kauoha a me ko oukou makemake ua hooko ko oukou Komite kaahele me kekahi o na Komite mau oia o Mrs. Hana Lovell, na lawe kino au me ke Komite i ka oukou Memoriala imua o ke Komisina James. H. Bount ma ka hora 2:15 p.m. o ka Poakahi Mei 15 th. 1893.
Me ka oiaia.
Komite Kaahele Mrs. J. Kaae.
Komite Mau Mrs H. Lovell.
Aha Mele Nui
ma ka
HALE MELE HOU.
MA KE
Ahiahi Poaono, Mei 20.
F haawiia ana he
AHA MELE NUI
No ka Pomaikai o ka
Bana Lahui Hawaii.
He nui na hana hoomakeaka e kuupau ia mai ana ia po, e aka ai oe a mamae ka iwi aoao.
He nui wale na himeni hou loa e hooni ia ai ka Puuwai e kuupau ia mai ana e na kahuli leo lea ma ia po.
E naue nui ai e na makamaka o ka Lahui no ke kokua ana aku i ka kakou Bana ma keia Aha Mele.
Eia na Kikiki ke kuai ia nei no ke $0.50a me ke $0.75.
706--1 w-d.
HOOLAHA PA AUPUNI.
E ike auanei ua kanaka a pau, eia ma ka pa aupuni o Makiki nei kekahi mau lio helehewa, lio {k} ulaula hauliuli. 3 wawae eleele. 1 wawae keokeo hope hema, nao ano e kuni hope hema. Lio (k) eleele kiko keokeo maka lae, 2 wawae keokeo hope 1 wawae eleele mua akau ka wawae mua hema keokeo eleele ka hulu maluna o kapuai, hao C@. C.@. kuni uha, OK. @@, hope akau, kuni malalo ua hoi, ua hookaawaleia i kulike me ke kuni lio [k] ulaula kiko keokeo ma ka lae hao Y kuni uha hope hema.
O ka @a@a a mau mea nona keia mau lio, e pono i kii koko mai o hala ka wa pono e kii koko mai o hala ka wa pono, a kuai kukala akea ia aku ke hiki aku ika, la 20, e Mei, 1893.
D. KAOAO.
Luna Pa Aupuni.
Mei ia 15.
HE LEI NO KA POE ALOHA AINA.
Kaulana na pua a Hawaii
Kupaa mahope o ka Aina
Hiki mai ka Eleele a ka lokoino
Palapala anunu me ka pakaha
Pane mai Hawaii Nui a Keawe
Kokua no Hono a Piilani.
Kakoo mai Kauai o Mano
Pau pu me ke one o Kakuhihewa
Aole e kau kuu pulima
Maluna o ka pepa a ka Enemi
Aole makou e minamina
I ka puu kala a ke Aupni
Ua ola makou i ka pohaku
I ka ai kamahao a ka Aina
Hoohui Aina kuai hewa
I ka pono Kiwila a o ke kanaka
Mahope makou o Liliulani,
A kau hou ia i ke Kalaunu
Haina ia mai ana ka puana
No ka poe i Aloha i ka Aina.
Miss Kekoaohiwaikalani.
Puahaulani Hale.
Honolulu, Feb 10, 1893.
Mamuli o ka nui o na noi ia makou e hoopuka hou ia aku ke mele o ka poe Aloha Aina, ke hooko ia aku nei ko oukou makemake; a o keia ana ke kope pololei loa o keia Mele i loaa mai ka Lede nana i haku kea mele.
Puali Keaka Paele
ma ka
Hale Mele Hou.
Ma Ka
POAKAHI, MEI 20.
E haawiia ana e na haole manuwa o ka
Mokukaua Enelani Hyacinth,
A me kekahi mau Paele Amerika mai ka MOKUKAUA ADAMU mai, a me ka bana a ADIMARALA SKERRETT.
He hana keaka ano hou loa. E naue ae e na makamaka i ike pono oukou i na nani o na hana keaka oia po.
D. M. Crowley.
Luna Hoohana.
OLELO HOOLAHA.
Oiai e kaawale aku ana au, [D. Keaweamahi] no Iapana, ke hoolaha ia aku nei na mea a pau, ua hookohu piha aku au ia S. K. Kane a me Henry Waterhouse, oia kou mau Hope oiaio no ka hoopo nopono ana i ko'u mau Waiwai paa a me na WaiWai Lewa a pau, a o ka poe a hau he mau. Aie ko'u ia lakou, e waiho ae i ka lakou mau Bila ia laua, a o ka poe a pau e paa ana he mau waiwai no'u, e hoihoi ae la lana.
D. Keaweamahi.
May 15, 1893 2wk dly.
HE WATI LOAA.
Ma ke la 10 e keia mahini, ua loaa ia'u kekahi wati pakeke ma ke alanui e hele ala i ha Hale Pupule maluna o ke pou na. O ka uku o ko'u malama ana, a me na lilo o ka hoolaha ma ka ao@e o ka mea nana ka wati. @@ kii koke mai o hala na la he 15 lilo loa ia'u.
Daniel W. Puniwaa
Kapalama, Mei 11, 1893.
May 15 tfd.
$15 MAKANA.
MA KA PO POAONO NEI, UA
nalowale ia kekahi lio wahine
hauliuli me ka noo no, he noho pulu nae. O ka mea a mau mea naha e loaa ai keia lio, e hoihoi pololei mai i ka mea noaa ka inoa malalo iho nei, a e loaa no iaia ka uku makana i hoike ia maluna. E loaa no au ma Kahauiki.
JNO. HAPA.
Kahauiki, Honolulu, Apr 6, 1893.
OLELO HOOLAHA.
E i ke auanei na kanaka a pau ma keia ke papa loa ia aku nei na mea a pau, aole e hele maluna o na aina o Kahikinui a me Auwahi i lilo mai ia maua malalo o ke kuai a me ha hoolimalima a lawe aihue i na manu Pelehu. Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawi aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka lawe aihue i kekahi o ua mau ano manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau, aole e hele maluna o ko maua mau aina kula no ka lawe ana i na Bipi, Lio a mau Holoholona e ae, me ke noi mua ole mai ia maua a i ko maua Luna paha, oia o Frank Freitas e noho ala maluna o ka Aina.
A. Enos & Co.
Wailuku, Maui, Feb 9th, 1893
Feb9 3msw.
HE UMI (10) APANA AINA HOME MAIKAI NO KE KUAI.
Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L. Hopkins a me Mr. Macrfarlane a i keia mamua o ka aina o G. W. Keaweamahi.
A oia no na apana aina pa hale @nani oa i koe iloko o ke kulana kauhale nei.
He oluolu loa ke kumukuai. He maika ke kuleana. Na ka mea kuai mai e uku no ma Palapala.
No na mea i koe e ninau @@ William C. Aohi Honolulu Maraki 27, 1893. tf
OLELO HOOLAHA LIO.
E ike ma mea a pau ma keia hoolaha. Ke hoike ia aku nei, eia ma ko'u lima kuni i paa ai o kekahi lio k., puakea 3 wawae keokeo ki@o keokeo ma ka lae. I kuni ia i he hao kuni ano e akau. Ua paa wae i keia lio no ka makahiki hookahi, e kii koke mai ka mea nona keia lio me ka uku pumai i ko'u mau poho a pau no ka malama ana. I na e kii ele mai, a hala ka malama hookahi, alailo, lilo loa keia lio ia'u.
Kaula Kaa@
Pulehuiki, Kula Apr. 2@ 1893.
may10 @@@