Ka Leo o ka Lahui, Volume II, Number 711, 23 May 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.       HONOLULU  MEI 23, 1893.      Helu 711

 

HE NANEA KAMAHAO

--NO--

MAIKA

 

KE KEIKI

Hana Ilikini a

Hawaii hoi.

 

    KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI--A O KA WELI HOI O NA ILI KEOKEO--A ME KA LUKU IA ANA O KELA HUI KEAKA A LI.

 

    Hoohauoli ia ka puuwai o na poe o Kaleponi i ka loaa o ka hui pepehi kanaka o Conegokena ma. Pepehi mainoino ia na ili keokeo. He $25,000,000, ka uku makana ke loaa o Maika. Kau hou ka weli i ko Kaleponi poe no ka eueu hapa Ilikini. 20 kue ia Maika 1. Aole oia he kanaka, he akua. Lele i ka pali kiekie me ka lio. He noho paipai ka hokua o ka lio ahiu no Maika. Hui o Maika me na Ilikini iloko o kekahi a-na nui. Mare hou o Maika. Lilo oia i moi. Hui ka makua me ke keiki. Ka luku ia ana o ka Hui Keaka a Li. ka loaa ana o kekahi keiki Hawaii oiaio opio ia Maika, ka ili poo o na ili keokeo ka mea e pii ai o kou kulana a me ka hopena o keia moolelo. Good-bye.

 

  E kuhi ana au, ua komo i'o ia kou puuwai e ke ano hopohopo a maka'u ia, no keia mau mea a kaua i hana iho nei, elike la hoi me kau mau olelo i hai mua mai nei

  He oiaio, eia no he mau manao hopohopo iloko o'u nei no ka kaua mau hana i hana iho nei.

  A pehea ka hoi i hoike koke mai nei o kou mau helehelena i ka piha kauoli.?

  Aohe, i noonoo wale ae nei no au i ka moolelo e pili ana i na hana kolohe a ko makou akua i kekahi kaikamahine imua o kekahi aha hookolokolo, iwaena o na ili keokeo.

  Elike me kekahi hamare pauku hao i hahau ia aku ma ka puawai o ka kaua eueu, pela okoa iho la no ka ehaeha launa ole o kona puuwai, i kona wa i lohe ai i na olelo a ka hololio kamahao. no ka mea, ua hoomanao ae la oia aole keia he moolelo e aku a ke kaikamahiae i nai mai ai, nona no, oia ke kumu i hoehaeha loa ia ai o kona puuwai ma o kona hoomanao ana ae i kana mau hana kolohe me kana wahine o na la i kaahope ae nei, a oia kana i hoohuahualau wale aku ai me kona niele pu ana aku i ua nohea nei.

  Heaha na mea a ua akua nei e oukou i hana kolohe ai i kekahi kaikamahike.

  I kona hookui ana i ka huelo o ka lio, i lauoho kui ne ua kaikamahine nei, me ka haukae no i ke kepau ulu, wahi a ua kaikamahine nei i huepau loa mai ni i ka moolelo ana i lohe ai mai ka mua a hiki i ka hopena, a oia ka kana eueu i pane aku ai.

  A mai a wai mai kou lohe i kena moolelo?

  Lohe au mai kuu makuakane mai, i ike oia iloko o ka nupepa.

  A nia iho la ke kumu e kou hauoli ana, a me kou ike iho no, eia ka pilikia ke hookokoke mai nei mahope o ko kaua mehea?

  I hoomanao waie ae nei no au ia moolelo. a manao iho nei au e hana aka pela maluna ou, i wahi nou e nalowale ai mai na maka mai o kuu makuakane.

  Alaila; e kii ana oe i huelo lio i haukae me ke kenau ulu i lauohoku'i no'u ea?

  E, wahi a ua nohea nei i pane mai ai me kona akaaka pu ana mai a oia hoi ka kaua eueu i pane hoomakeaka aku ai.

  Alaila; manao iho la oe, he kumulaau kapili kepau alu i na manu ko'u poo ea?

  Aohe , i hookolohe wale aku nei no au ia oe, wahi a ua kaikamahine nei.

  Ea, ke kokoke aku nei paha i ka wa hoi mai o ko makuakane mai ke kuahiwi mai?

  He manawa hoi wale mai no ko lakou.

  Manao au o lakou ae keia e halulu mai nei.

  Aohe no e nele ko lakou hoi nui mai e halulu ana o lalo nei, me he haku'i ana la na ka h@kili, alaila; ua hoi mai , aole i pau pono ae keia mau olelo a ua nohea nei. halulu ana kekahi mea me ka nakolokolo ana ae e like me ka haku'i ana a ku hekili, a oia no ka wa a ua kaikamahine nei i lele mai ai a apo ae la i ka a-i o ka kaua eueu, me kona honi ana ma ka ihu waliwali o ka mea ana i sila paa ai i ke aloha iloko o kona puuwai, a ia wa i hui ae ai ua mau kaeaea nei o ka hokua o na lio ahiu iloko o na puliki ana a ke aloha,k a liuliu, pane aku la ua nohea nei imua o kana mea i aloha ai, a i moe ole ai o ko ia po, a nona paha keia wahi hooheno:

  "Kou po ua moe ia,

  O kou nei aohe;

  Ua li'a au i ke aloha,

  I ka nani oia paa."

  Eiae kuu makuakane la me kona poe kanaka ua hoi nui mai nei, e nana aku paha oe la ma kela puka a kaua i ko no mai nei, i alawa aku ko ia nei hana ma ua wahi puka nei, he mea e ka lele o kona hauli i k@na ike ana aku i ke poo o kekahi poe e poholo mai ana mai ua wahi puka nei, a oia kana i ai aku ai i kaua aloha, no ka laua mau mea pono e hana ai i wahi no laua e pakele ai. a ua hooholo iho la no ia iloko ona, e hoike maoli no iaia iho imua o ua poe nei, a i mea hoi e hoonalonalo iki ae ai iaia iho mai kona ike ia ana mai, ua pane aku la oia i kana aloha.

  Auhea oe e kuu aloha. eia wale no ka kaua mea pono e hana ai, oia keia; e holo au e pee iluna o keia kumu niu, a i na e hiki mai ko makuakane a i ninau mai i kau mau mea hou, alaila; hahai aku no hoi oe, ua hiki iho nei ke aku o oukou, a ua ai iho nei i ka mea ai a oukou i olelo ai nana.

 

HE MOOLELO KAILI PUUWAI

--NO--

MATIFIRA

 

Ka Hookolo

Meheu Lua Ole

--KA--

Olali o na Alahele

Hoopaha oha'o

--KA--

Punawai Kupua o

Alemoni

--KA--

Huewai Ili Batenisa.

A ME KA

Luahine Maka Kupua.

 

He Moolelo Kupua no Arabia.

 

(Kaauiu no Ka Leo.)

 

  Aole anei e paki liilii kona poo ina au e hili naaupo ana maluna o kona poo, wahi a ua opio nei.

  Aole, e kuu haku, oiai, o kou ikaika a pau, au e hili iho ai maluna o kona poo, ua like no ia me kahi naonao e aki ana ma kou papalina.

  Ia wa. ua lalau aku la o Matifira i ua pauku laau la a hapai ae la a hili iho la maluna o ke poo o ua Debolo la. he koha ana, halulu ana ke poo o ua Debolo la i ka pauku laau.

  Ia wa onioni malie ae la oia a kaakaa ae la kona mau maka a ike ae la oia i kekahi keiki e ku ana ma kona aoao.

  Ia wa poha mai la kona leo e like me ka halulu ana o ka hekili penei:

  O oe ka ia e kuu hoa konane, ka mea hoi a u i hoohiki aku ai ia oe, aia a loaa au ia oe alaila lilo ka pili a kaua.

  Heaha la hoi, ua lilo au ia oe, aohe a'u mea e hoowahawaha aku ai, no ka mea. nau no au i huli mai ia a loaa ia nei. nolaila, uhaele aku kaua e kii i ko makana.

  Ia wa ala ae la ua Debolo la a haele aku la laua, i kela wa e wehewehe ae aua kaiao. hoea aku ia la ua nei malalo o kekahi kumu laau nui, nona hoi na lala gula, lau gula a me na hua gula.

  Huli ae la o Debolo a pane ae la i ka omo penei: O na hua a pau maluna o kala kumulaau oia kau e kii ai a hoopiha iloko o kou lole a hoi aku oe no kou wahi i hele mai nei.

  Ae aku la ua Matifira nei, a pii ae la oia, ia wa i pane ae ai kahi hue-wai pohihihi penei:

  E kuu haku, e poino ana ka hoi kaua, ua hele mai la kuu mana kilokilo a ano pohihihi aku la. ai keia wa, akahi no a hoomaopopo ae la au, e poino ana kaua, a heaha la hoi kana.

  Owau o kaha ke poino ana, a ooe o kaua ke hoi ola, eia nae ka'u kauoha pau ia oe.

  I hoi oe a i lohe aku ua make ko hoa paio, kii hou mai oe ia'u.

  Ano e hoohamama ae oe ia'u iluna i keia poe hua gula e kau nei, 1 ale mai ai au ia lakou a pau iloko o'u nei.

  Ia wa, hoohamama ae ia oia i ke pani o ua wahi omole la, a e like me ka manu e hoi ana iloko o ko lakou mau punana pakahi. pela iho la no ka iho makawalu o ua mau hua gula la iloko o ua wahi omole nei, a emoole, ua piha ae la ua wahi hui-wai ili nei a haule iho la ilalo.

  I ka wa a ua wahi omole la i haule iho ai, o ka Matifira wa no ia i hoi iho ai a ku ana ilolo, a o Dubeio hoi i kela wa, ua hoi aku la oia no kona hale.

  Lalau iho la o Matifira i kana wahi hue-wai ili. me kona manao ua hiki no iaia ke hapai. aka, i kona hoao ana iho, me he imo ana la na ka maka, kahuli ae la ua wahi omole la a lilo ae la i punawai, a o na hua gula hoi, lilo ae la i mau i a ulaula.

  Ua hoopahaohao hou ia ko Matifira noonoo no keia mau mea kamahao, a pau ana i ike ai, a pune iho ia ola, me ka hele pu ana o na waimaka;

  E nele ana anei au i kuu hoa pili ole, kuu makua hoi o na wahi poino a paa i alo ia mai nei ina inea a pau o keia aina pahaohao nui wale.

  H  omanao ae la ola i na olelo ao a kona wahi hoa pili, i hoike mua mai ai iaia mamua iho, a he mea hoehaeha loa ia i kona noonoo.

  I kona puuwai e hoolauwili ia ana me keia mau kokoia ana a ke aloha hoapili, a kokua o ka wa pokole, aia hoi, kamumu ana kona kua i kekahi mea, a alawa ae la oia i hope , aia hoi he wahi pokaa lopi ke waiho ana iluna o ka lepo a hoomanao ae la oia, na kekahi kino kanaka i nou mai iaia, a iaia i alawa ae ai iluna, aia hoi, ike aku la oia i ka hapa-pulima o kekahi mea me ka haina silika, e peahi mai ana ia ia nei, mai luna mai o kekahi puka-aniani.

 

 

HUI ALA HAO A ME AINA

O OAHU.

Papa Manawa

Mai a Mahope o Okatoba 1, 1892.

NA KAA

                                    A  M.  A. M.  P. M. P  M.

Haalele ia Honolulu    6:15*  8:45  1:45  4:35

Hoea i Honouliuli        7:20*  9:57  2:57  5:35

Healeia      "                 7:30* 10:13  3:45  5:42,

Hoea i Honolulu          8:35* 11:55  4:55  6:50+

NO KULANAKAUHALE MOMI IHO.

Haalele ia Honolulu                            5:10|| P. M.

Hiki i Kulanakauhale Momi                5:48|| 

Haalele ia       "              "                    6:55* A. M.

   + Poaono waiono

   * Koe ka Lapule

   ||  Koe ka Poaono.

Sept.  28  tf-dly.

 

HOOLAIIA AINA.

  E ike auanei nakanaka a pau ma keia Hoolaha, owau o S. K. Kila Opio, e noho ana ma Honolulu, Mokupuni o Oahu, ke hoike aku nei au ma ke akea owau wale no ka pilikoko pili loa i na aina o Kila (k) Kepola (w) a me Ku (k) i make e waiho la ma Kahuku Kau, Mokupuni o Hawaii. O ka mea a mau mea i kuai a hoolimalima pahe i keia mau aina, aole i mana ia hana ana. ina he mea a mau mea paha e paa nei i ua mau apana aina nei, e hoike koke mai ia'u, a i ole e kipaku no an ia lakou.

               S. K. KILA OPIO

  Honolulu, Feb 17  1893.

    4ts-wkly.

 

Elia Kaululaau.

Kauka  Hana  Niho

 

  Ua hiki ke huki ina Niho me ka eha ole iloko o ka manawa pokole loa. He loea me ka noeau ma ka Hoopi'ia ana i ka niho me ke Gula Kala a mea e ae paha. He akamai lua ole i ka Hana ana i na Niho Kui o na ano a pau.

  He Mikioi ka Holoi ena ina Niho. He palanehe kona mau lima ma Kana meu mea Hana Niho o na ano Hou loa i loaa mai nei. Hooluolu no ke kukai olelo ana no kona ukuhana.

  O ke kanaka Hawaii hookahi wale no keia mailoko ae o ka huima o 40,000 kanaka i loaa ka Laikini Kauko Hana Niho; mai ka Papa Kauka Hana Niho mai o ke Aupuni Hawaii, mamuli o ka ike a na Hoa o na Papa Ola i kona mai maoli ma keia Oihana an@

  E ikeia kakon Hoa Kanaka @

pa hewa ke aloha l@ @

  Keena hana @

le Hana pu i k@

a me Retela P@

iluna o Keo@

  mar. 6--tfd