Ka Leo o ka Lahui, Volume II, Number 711, 23 May 1893 — Page 4
| This text was transcribed by: | Joanne Ha'o |
| This work is dedicated to: | Joseph Kamae Ha'o (KS1939) & Dora Naumu Ha'o (KS 1940) |
KA LEO O KA LAHUI.
"E Mau ke Ea o ka Aina i ka Pono."
KALEO
JOHN E. BUSH,
HONOLULU MEI 23, 1893
KA MOOLELO O HIIAKAPOLIOPELE.
I HOOPONOPONOIA
MAI KA POE KAHIKO MAI A
ME KA POE I HOOPAA I NA
MOOLELO A ME NA
KAAO KAHIKO O HAWAII NEI.
Pela no ko Lanai, pela no hoi ko Maui, ua holo ia mea ia lakou, a hoi aku la keia kela e like me ko lakou manao i hooholo ai, ia pae ana i kula, ninauia mai, hai aku la na luna e like me na mea maluna ae.
Ia manawa hoouua ia ua mau luna nei e kii ia Kaukahimaikulani ke kahuna, e hele mai imua o ke 'lii e lapaau ia Olepau ke alii, a kii aku la na luna.
E hele ana no lakou nei i ke alanui, alala aku ana keia puaa, i aku o Wahineomao ia Hiiakaikapoliopele. E ! he puaa ae hoi keia, pane mai o Hiiakaikapoliopele, he mau luna e kii ana i ke kahuna, e hele mai e lapaau i ka mai o Olepau, ma ia olelo ana aia nei lohe o Lohiau, pane ae ia ola no o Olepau ia ia i keia la ?
Ae, wahi a ka wahine. E ola o Olepau i keia la o kuu make no ia, kauo aku no olua ia'u a ka mokuna o keia aina, waiho iho olua ia'u ilaila, aka make o Olepau i keia la, o kuu ola no ia, he aloha no ka Hiiakaikapoliopele ia Olepau me ka manao oia nei e oia ana no o Olepau o ka pane ana mai o Lohiau i kela mau olelo maluna.
Alaila i aku o Hiiakaikapoliopele ia Wahineomao, nana ia aku ka puaa, i a-e auanei ka puaa ma ka aoao kapu o maua me kuu kaikuaana, make loa o Olepau i keia la@ pane hou mai no o Lohiau e like no me kana ninau mua, ae aku no ka wahine o ka Lohiau olelo hookahi no ia, e like no me kana olelo mau.
Oia hoolohe no ko Wahineomao i ka puna. alala ana ka puaa ma ka aoao kapu o laua nei, mahea ae nei ka puaa, wahi a Hiiakaikapoliopele, pane mai o Wahineomao. ma ka aoao kapu ae nei no o olua, i nana aku ka hana o lakou nei, e holo ana ua n@ au kanaka nei mamua o lakou nei, e oli aku ana Hiiakaikapoliopele penei.
E Kaiehu e Paukukalo--e
He ala pii na ka mai kane
Hala iho na ka mai wahine
Akua lamalama kai o N@a-la
Ma@ Waihe@ no a Kapulehu
O keia ka auina la ku mai Malulani mai Hawaii a me Maui mai.
He ahiahi holo keia o kekahi mau mokuahi holo piii aina no ko lakou mau awa like ole, a e ahai pu aku ana lakou i KA LEO O KA LAHUI na ko makou mau makamaka ma na kuaaina.
@ E alawa ae e na makamaka i ka hoolaha a Painapa, malama e loaa ai na kinohinohi o ke Kau la wela, mamua o na Halekuai e ae o keia Paeaina. Ke hooia mai nei ka poe i kipa aku e ike i kana mau mea kuai, he nani maoli no, a he emi na kumukuai. Nolaila, e naue ae i ikemaka.
@ E hoomakaukau e na makamaka, i na mohai o ke aloha, no ka liuliu ana i mau kahiko @ani no ka La Hanau o ka Na'i Aupuni, nolaila, e pono i na makamaka ke makaala ae i na Wehi o ke kino, ma ka Halekuai Emi Loa o N. S. Sachs, ma ke Alanui Papu.
@ E hoomanao e na hoaloha, i na Kakini Eleele Daimana ano hou loa, i loaa ole kona lua ma kekahi mau Halekuai e ae o keia kulanakauhale. Nolaila, e hoonaue ae i ka Heiau o na Paikini, kahi i wae mua loa ia ai no ko oukou mau anoi.
@ Ke kauoha ia aku nei na Luna Lawe Pepa a pau o ka nupepa "Ka Oiaio" e hoihoi mai i na helu i koe oia pepa, a oukou @ e paa ala, ina he mau helu koe, @ iai hoi, ua makemake ia ka Helu 48 o Aperila 21. E hoouna pololei mai ma ka inoa o ka nupepa. E hoolohe i keia leo kahea.
MA KE KAUOHA.
@ Mai haohao e na makamaka ke loaa ole aku ka oukou pepa ' e hoopaa ana makou i ka pepa o na inoa i hookaa ole mai i ka uku pule a mahina o ka kakou wahaolel. ma ka aoao o ka Lahui. E eleu mai i ka hookaa ana i ike pono ai i na mea hou o ka aina aloha iloko o ka nohona kupilikii o keia mau la
Ma ke Kauoha.
HE MAU NANEHAI NO KA NAAUAO.
Imua o na opio o e au o Liliuokalani.
Nanehai 3. I na paha e kapaeia na Eanawai mau o ka Poai Lani o ke ao holookoa: alaila ihea la e waho ai ka honua nei?
Nanehai 5. Heaha la ka mea e moe ai (unoi ai) na maka i ka wa e pule ai?
Nanehai 6. O ka hiona i ike ia ma ka moeuhane, he mau hoakaka anei ia o ke ola uhane o ke ao maluna ma ka Lani?
{Ma ka loaa pono o ka haina, e kapaeia ai kekahi Nanehai, mai ka hoolaha mau ana}.
HEIAU O NA PAIKINI !
Kihi o Alanui Papu me Hotele.
Hoolaha Kuikawa!
No Ka Pomaikai o ka Lehulehu.
Ua loaa mai nei Ia'u mailoko mai o na Hale hana Kakini o Europa Mai kekahi heluna nui hewahewa o na
Kakini Eleele Daimana.
Hoolaha! Hoolaha !!
He Kuai Keikawa Ka'u e kuai aku ai i na KAKINI no Ka Manawa Wale no ma na Kumukuai Haahaa
Loa i ike mua ole ia ma keia Kulanakauhale kona lua ma ke Emi Loa.
Na Kakini Silika o na Wahine, na Kane A ME NA Kamalii.
Na Kakini Hapa Silika a me na Kakini o na Ano e ae he Lehulehu Wale.
Mai hoohala oukou i ke kipa ana mai e ike i keia kuai hoemi nui
ke hooia aku nei Au o na Kumukuai a pau i kau ia maluna
o keia mau Kakini, ua emi loa iho ia mamua o na
Halekuai e ae o keia Kulanakauhale.
S. ERLICH,
Kihi o Alanui Papu me Hotele.
may8
HOOLAHA HOU.
E na Makamaka Aloha--
HE KUAI HOOKELAKELA NUI !
Hele mai Hookahi, a i ole Hele mai no a Pau Loa
Oiai oukou e hele ana ma na alanui o ke Kaona, mai hoopoine i Ke Kipa ae
MA KA HALE KUAI ALAKAI O
B. F. Ehlers & Co---PAINAPA.
HELU 99 Alanui Papu.
ILAILA WALE NO E LOAA AI NA ANO HOU O KE KAU
Oia hoi na HALUA,
KAKIMIA LAU.
KAKIMIA ELEELE.
Na Lole Puu Ano Hou Loa.
Na Pale Puka Aniani ano hou loa i ike ole ia ma ke Kaona nei i na wa I haia aku nei.
Kuka Koloka o na Wahine me na Kamalii
He nui wale aku na mea i koe, e kipa nui mai oukou i pau ke kuhihew@.
A na oukou hoi ia e akena aku i ka nani oia mau mea.
A KE MANO NEI NO HOI MAKOU, AOLE NO E NELE KO OUKOU HELE MAI.
He nani anei keia aole i kanamai, he mea hoi na oukou e poina ole ai
I KA INOA O PAINAPA, ME KA OIAIO.
Owau iho no.
705. tf-dly. E. F. EHLERS & CO
E Hoomakaukau no ka la 11 o Iune E Hiki Mai Ana.
E Makemake Ana Oe i Papale hou a me ona Lole hou?
MA KAHI O
N. S. SACHS,
104 Alanui Papu, Honolulu.
O keia ka Halekuai e kuai ai oe i kau mau mea kuai no ia la.
He Mau Waiwai Hou Loa.
Me na Kumukuai Haahaa Loa.
He mau Papale ano hou loa no ka la Heihei i kinohinohi a kau ka Iwa he ia makani Na Papale keokeo maikai loa, i hanaia a paa ma na lipine keokeo kala e ae no ka 2.50 a pii aku iiuna.
Na Papale i hana ia a maikai loa, i hoonaniia me na Pua, Kipine a me na lihilihi a Hulu paha, ma na kumukuai kuikawa no keia mau la wale no.
Ina oe e hele ana i ka Heihei, e makemake ana oe i Lole Keokeo makai @, nolaila, he kuai kuikawa ka makou nui, @o keia manawa wale no.
E loaa no na Lole Lihilihi no ka 3.50 he kuai kuikawa no keia. ina oe e makemake ana ina Lole Keokeo holookoa. na hiki ia makou ke kuai ia oe me ka makepono loa, i keia manawa wale no.
Na Lole Halua Keokeo papamu. kahakaha loloa, puu a pela aku, ma ka 6 a 7 I-a no ke dala, na kuai ia mamua no ka 20 a 25 keneka o ka I-a, pau keia, e makemake ana i mamalu no na la ala@ mea hoi e pale aku ai i ka wela o ka ia, n@ hiki ia makou ke kuai aku ina Ma@ i@ me na lau nani no ka 1.00 he makepono maoli. E makemake ana pai a oe i mau mikinilima nou, eia hou ua kuai hoo@ho, na Mikinilima o na waihooluu ano hou loa no ka 1.00 o ka @aa, o keia no ka makou i kuai ai mamua no ke 1 50.
E makemake ana oe i mau Ribine, eia maloko o ko'u Halekuai nei, na ano wai hooluu o na ano a pau malalo iho o ka la, nolaila, e loaa ana no kou makemake.
He oiaio ke kuai hoopoho nei makou ina waiwai pili ina kane.
Na Palule ano hou o na Kane me na lei a-i oia ano hookahi no. mai ka helu 1@ aku o ka a-i a hiki i ka helu 18 no ka 1.00.
Alaila, ko na Kamalii Kane hoi, e kuai hoopoho ia aku ana na Papale R@ Keokeo a ano e ae paha no ka 50 cts, ua like ka maikai o keia me ka papale 1.00 au e kuai ai ma kekahi halekuaie @ku. E hele maie nana i ka makou mea wawai, a e ike no auanei oe in kumukuai oluolu loa.
-------------: N. S. SACHS:----------
may15 705-tfd. 104 Alanui Papu, Honolulu.