Ka Leo o ka Lahui, Volume II, Number 716, 30 May 1893 — Page 3

KA LEO O KA LAHUI.

"E Mau ke Ea o ka Aina i ka Pono."

??? leo e kalahea ana i ka lahui, e malama i ka maluhia, e pule i ke Akua, a e malama i ke aloha aina. Ua ike makou i ka Memoriala, a oia ka makou e hauoli nei i ka hikiwawe o keia oili ana mai nei, a ua puiwa ia makou. na manao ia he uwila. eia ka auanei o KA LEO me ka Memoriala a na Lede o ka Aina Kaili La nei.

            He oia mau no ko ke kua nei noho ana, aohe limu kaha kanaka o Manuakepa.

            Owau iho no me ka haahaa

                        MRS. ??? KAUAI.

            MAI HILO MAI.

KA HOU NO UA HOOPAU OIHANA O HILO NEI.

            Ma ka la 1 o Mei nei, 1893, ua hoopau ia 2 makai o Hilo Akua nei, oia o B. H. Haaheo a me J. K. Makuakane, o ke kumu no ka ae ole o laua e kakau i ko laua mau inoa ma ka hoohui aina. a ua loaa he mau pani ma ko laua wahi, oia o D. K. Hookano ma kahi o Makuakane, a o Nuuanu hoi. ma ko Haaheo wahi.

            Eia ka mea apiki, ua hoouna ia o Nuuanu i Hilo me elua paahao, po ka lua o Pele, ua hele keia makai me na paahao a ma kahi o Kaiahua, ua komo aku la ua makai nei e inu uala. a hele loa no na paahao ma ke alanui. a loaa mai ia D. K. Maukuakane. ma kahi o hookahi mile mai kahi aku a laua i haalele ai i ka makai.

            Eia hou no keia apiki o Nuuanu, o ka hoi ana mai mai Hilo mai, ma ia huakai hookahi no, ua hoi mai a kipa ma kahi o kekahi poe e paina ana i ka ai hoomalule kino, ua komo aku la no ua Nuuanu la e inu a nui ka ona, haule ke kuka me ke pihi makai, ua lohe au i keia mau hana lapuwale, a ua hele mai ka Hope Makai Nui Anaina ma kuu hale, ua olelo au e hoopau ka makai pela ke ano hana lapuwale, he mea hilahila maoli keia hana ia makou. ka poe nana e uku aku i ka poe nana e malama ka maluhia o ka lehulehu, ka oihana hoi e malu loa ai na hana hewa a pau loa he hana ia me ka pono.

                        Kou oiaio mau

                                    D. HOAKIMOA.

            Waipunalei, Hilo. Mei 22, 1893.

MAI HILO MAI.

            D. M. Punini Jr.

                        Welina ---

            Eia mai ma keia moku he nupepa haole "Ka Evening Star" i pai ia ma Wasinetona City D. C. U. S. A. He hoike oiaio no ka make ana o Captain, Wiltse o ka "Boston"mamua, E ike iho ana oe ua Apo ia e a'u me ka inika eleele ma ka aoao maleko o ua Nupepa nei --

            He hoaloha hele kula no'u ma ia ??? kauhale ka mea nana i hoouna mai keia. pepe, a ma ka hoike a kekahi hoaloha ponoi o ka mea i make, E olelo ana he naauauwa o ka puuwai ke kumu o ka make mamuli o ka huki hou ia ana o ka Hae Amerika i lilo ana i huki ai iluna o Ahialani Hale. a ia kumu na lilo i hana nui iloko ona.

            E oluolu no hoi oe e hoikeike aku i Ka Hau -- J. E. Bush, i ike pono oia aole hoi i kulike keia hoike me ka hoike a ka Nupepa Advertiser me Bulletin: hoike ai mamua iho nei.

            I nui ke Aho e hoomanao aku ana no au no ka'u pepa ke pau ae keia malama.

            Ua hoouna mai nei o A. Rosa ia'u ma kela moku aku nei he Palapala i pai hakahaka ia me na olelo maloko, e olelo ana a e koi ana hoi i ke Aupuni Kuikawa e Koho Balota lahui no ka ninau ano nui e pili ana i ka hoole'a me ka hoohui aina -- E koho kaokoa na kanaka Hawaii mai na haole ae no keia ninau a me ke apana ana a me ka Ola i keia ano Aupuni, ke paa nei au i kela palapala a ua ano hoihoi au no ka hoolaha ole ia mai ma ka Oiaio aiole hoi ma ka Leo paha --pehea la keia ua pono paha keia aole paha, ina he mea pono keia alaila e hoike mai oe a me kou hoolaha pu ana ae iloko o ka Oiaio a nei ka Leo aka e ninau oe ina alakai o kakou a pane mai oe ia'u.

            Aohe mau mea hou o ua mau Aina pali nei kou wale iho no keia, ua lokahi na mea a pau e paa mai i ke ea o ko kaua Aina aloha.

            Ina he wa nou e hui aku ai me ke Alii Wahine Kanemake Kapiolani e oluolu oe e pahola aku i ko'u aloha iaia.

            Kekahi malie nei na mea a pau no ka hopena o ko kaua Aina

--Ua lohe mai nei au mai Hilo mai he mai ikaika loa ko ka Hou. Koahou e waiho mai nei.--

                        JAS. MATTOON.

            Laupahoehoe N. Hilo H.

                        Mei. 25, 1893.

                        Hilo May 25,1893.

MR. D. M. PUNINI.

                        Aloha oe:

            No ka nui o ko'u mahalo i kou eleu i ka hoouna ana mai i ka'u nupepa KA LEO ma ka moku o Kau, ke pahola aku nei au i na hoomaikai nou, oia no hoi kahi hana kamahao i hiki mai i o makou nei.

            Ua hoopahua ia ka na haole mea hou hoopunipuni, e haanui mai ai ma ka lakou nupepa i ka loaa pu ana mai i ka aoao o na kanaka kekahi lono oiai, o ko makou noho ana maikai no o kahi mea hou ano nui o neia mau la oia keia. He hookalokalo ka ka Ahaluna o Haili la Kivini Kahunapule no ka hewa, ua kokua oia i ka hana hoohui aina.

            Me he la e hele ana imua o ke Kanawai. E loaa aku ana no ia oe na lono oiaio

                        Kou oiaio

                                    S. KAHANA.

            Ua hoopanee ia ke Keaka Nika a ka po Poaono ae nei. aole hoi i keia no Poalua.

HUI ALOHA AINA O HILO.

            Ma ka Poakahi nei hora 3, p. m. Mei 22, 1893. ua noho ka Hui Aloha Aina o Hilo taona nei, ua akoakoa nui ae na kanaka ma ia halawai.

            Ua noho mai ka Lede Mrs. K. Pilipo ma ka noho oia ka hope Peresidena ua hoomaka na hana me ka pule a E. Kekoa.

            Heluhelu mai kekakauolelo Mrs. M. Kaiuaola i ka moolelo o ka halawai i hala Aponoia.

            Na kumu hana a na Komite Hooko.

            1 Hoike Komite o na hana hoeueu

            2 Na hoike manao o ka Hui ku waena mau leta.

            3 " Manao o na hoa.

            4 " Alakai Himeni o ka Hui.

            5 " Pane i na leta.

            6 " Olelo Ao i na hoa o ka Hui.

            7 Noonoo ana i ka pepa kakau inoa a Akoni Rose. E noi ana i ke Aupuni Kuikawa ma ke Koho Balota e noonoo ia ai ka hoohui aina me ka ole.

            8 Na olelo Hooholo a na lala,

            Ma keia mau kumu hana a na Komite hooko he 7 i holo pono. 1 i haule oia ke kumu hana 7:

            Ua hooholo lokahi na hoa o ka hui e umi a puaa loa i kela kuma hana aole e ae ia na pepe oia ano, aole no hoi e lawe i na kauoha paha ma waho ae o ka Hui ku Waena nui ma Honolulu ma keia kumu hana pau i ke ahi pehea na Komite.

            Ua noho malie na Komite oiai na hoa o ka hui ua Pii ka hahana ?????? wela i na mokupuhi.

            Pono no hoi ia i na o na kane wale no pau pu no me na wahine nolaila aole keia he Hui, He ahi pele o Hilo mana e ai humuhumu i na kumu ohia a lilo i Pahoehoe pele.

            Owau iho no me ka haahaa,

                                    LEI LEHUA.

            Mei 23 1893.

NA MEA HOU O HILO.

            Mau hana ino. -- Ua lohe ia mai ke hookomo ia nei na laau hoopii ma'i alii iloko o na waiona, koe nae na wai ikaika e inu ia e na haole.

            Aia ka make la a me ka ino o na mea a o'u mau hoa e hoolei pau nei na koiikoi a ka makemake.

            Ke lawe ia mai nei ka pepa noi i ke aupuni kuikawa e koho Balota ka hoohui aina.

            Aia a hala mua ka puulele i Hilo aia i Honolulu ua imi aku la ia Kauhikoa ka mea nona ke poo kau i ka uluna, lawe mai neia pepa lapuwale.

            Lei mau no o Hilo nei i na lei-lehua o ke aloha moi, ma na lipine e walo nei.

            Ua make o James Gay kekahi o na haole kaamaina o Oahu nei, ma ka la sabati nei, ua hoolewa ia ma ka la inehinei.

UA HALA AKU LA.

            Ma ke kakahiaka onehinei, oiai e naue ana ka la me ka papuhea malie, aia hoi, ua poha mai la ka loo o ke telepona, e hai mai ana i ka lono kaumaha ua pio a nalo aku la ko Hon. J. S. Walker kukui mai kona kino aku, a ua hoi aku la i kahi mau o na mea a pau e waiho ai, aloha no ia hoaloha ou e Hawaii i puili ia e ka lokomaikai o na Alii Aimoku.

            He kanaka oia i hoohanohano ia me na hana kiekie loa iloko nei o ka aina, e laa ka oihana Kuhina, a me kekahi mau hana aupuni lehulehu e ae.

            Oia ka Peresidena o ka Ahaolelo no na kau Ahaolelo elua i hala ae nei, a ma kana mau rula ana a pau, aia oia maluna o ke kaulike a me ko hoopono, a oia no hoi ka Peresidena kaulana loa ma o ka hulihia ana o ke aupuni.

            Ke komo pu aku nei makou me ka ohana o ka mea make i na u pu ana, Aloha no!

S. C. LIMAIKAIKA.

            Ua loaa mai ia makou ka lono no ka make ana o Generala Sam'1 Chapman Limaikaika, ma Hampton, Viriginia. Ua hanauia oia ma Wailuku, Maui, he 52 makahiki i hala. O kona makuakane, oia o Rev. Rikeke Limaikaika, ke Kuhina Ao Palapala mua, o ke aupuni Hawaii. He Kumuao oia no ka poe Nika a hiki i kona hooluolu ana aku la. Aloha wale oia.

PAU I KE AHI.

            Ma ka lono i loaa mai ia makou ua pau i ke ahi kekahi keiki pukiki uuku ma ke awakea Poaono i hala. Ua haalele iho ka makuahine o keia keiki ia ia iloko o kahi moe, a hele aku la ma kekahi wahi, a i kona wa i huli hoi mai e a ana ke ahi iloko o ka rumi moe. Ua hoao keia makuahine e hoopakele i kana keiki, aka, ua hala nae ka wa pono, ua loaa aku la ua keiki pukiki nei, ua make. Ma Waianae ae nei keia ulia manaonao.

HE LEO KAHEA.

            Ke kauoha ia aku nei na Luna Lawe pepa a pau o KA OIAIO, a puni ka Paeaina, i na he mau helu koe o KA OIAIO Helu 52, o keia makahiki, e hoouna koke mai i keia Keena, me ke kali ole. E hoolohe i keia leo, i lawa ai hoi ka makemake o ka poe e kanoha mai nei i ka nupepa.

                                    JNO. E. BUSH.

K E hoomanao e na hoaloha, i na Kakini Eleele Daimana ano hou loa, i loaa ole kona lua ma kekahi mau Halekuai e ae o keia kulunakauhale. Nolaila, e hoonane no i ka Heiau o na Paikini, kahi i wao mua loa ia ai no kooukou mau moi.

K Ua makemakeia na hou a pau loa o kela Hui keia Hui a ka Moiwahine Liliuokalani e akoakoa ae lakou ma Wasinetona Hale. ma ka la 3 o June 1893 i ka manawa mau o keia Hui keia Hui, a oia keia malalo iho.

            1 Hui Hoonaauao (hora 10 a. m.)

            2   "   Holo Lio (" 12 ")

            3   "   Hookuonoono Kawaluonalani (hora 1 p.m.)

                                    MA KE KAUOHA.

OLELO HOOLAHA LIO.

            E ike na mea a pau ma keia hoolaha. Ke hoike ia aku nei, eia ma ko'u lima kahi i paa ai o kekahi lio k., puakea 3 wawae keokeo kiko keokeo ma ka lae. I kuni ia i ka hao kuni ano e akau. Ua paa wau i keia lio no ka makahiki hookahi. e kii koke mai ka mea nona keia lio me ka uku pu mai i ko'u mau poho a pau no ka malama ana. I na e kii ole mai, a hala ka malama hookahi, alaila, lilo loa keialio ia'u.

                                    KAULA KAAI.

            Pulehuiki, Kula, Apr. 27, 1893

            may 10 1mw.

HE UMI (10) APANA AINA HOME MAIKAI NO KE KUAI.

            Aia he Umi apana aina Home. maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L Hopkins a me Mr. Marcfarlane a i keia mamua o ka aina o G. W. Keaweamahi.

            A oia no na apana aina pa hale lnani loa i koe iloko o ke kulana kauhale nei.

            He oluolu loa ke kumukuai. He maikai ke kuleana, Na ka mea kuai mai e uku no na Palapala,

            No na me i koe e ninau ia William C. Achi Honolulu Maraki

27, 1893.                     tf

OLELO HOOLAHA.

            E ike auanei na kanaka a pau ma keia. ke pape loa ia aku nei na mea a pau, aole e hele maluna o na aina o Kahikinu. a me Auwahi i lilo mai ia maua malalo o ke kuai a me ka hoolimalima a lawe aihue i na manu Pelehu, Pikake a me na ano manu e ae apau loa e hele ala maluna o ua mau aina nei. A ma keia hoolaha ke ae aku nei maua e haawai aku i uku makana he $25 i ka mea a mau mea paha nana e hoike mai ia maua, a hookolokolo, a hoopai ia e ke kanawai no ka la ??? aihue i kekahi o ua mau ano manu nei, e hoike mai ma ko maua Hale Kuai ma Wailuku. Ua kapu pu ia no hoi na kanaka a pau, aole e hele maluna o ko mana mau aina kula no ka lawe ana i na Bipi, Lio a mau Holoholona e ae me ke noi mua ole mai ia maua a i ho maua Luna paha, oia o Frank Freitas e noho ala maluna o ka aina.

                                    A. ENOS & CO.

            Wailuku, Maui, Feb. 9th, 1893

            feb2 3 mew.