Ka Leo o ka Lahui, Volume II, Number 717, 15 June 1893 — Na Hawaii o Manoa. [ARTICLE]

Na Hawaii o Manoa.

Ua hauoli makou i ka hoikeia ana mai ia makou. aia na kupa Hawaii o ke Awawa huihui o Manoa ke h(?)ala ala i ko lakou mau noonoo no ka lulu ana i kekahi puu dala no ke kukulu ana i wahi Halekuai uuku no na kanaka Hawaii ma ia awawa. O keia hana a oukou e ko makou mau makamaka e hapai ala oia ke alanui a me ke kahua e hoom(?)paa loa ai i kou kulana noho Aupuni Kukoa ana. Ke paipai nei makou ia oukou e na makamaka o keia awawa e ku iluna a e komo iloko o keia Hui Halekuai o na kanaka Hawaii, a e lilo mua anna ke eo o keia hana nui a makou i paipai mau ai ia oukou e na hoa ka aina kulaiwi o ka Ua Kuahine o Manoa. E hauoli loa ana makou i ka la o makou e lohe mai ai, ua wehe ia ka puka o keia Halekuai ou e Hawaii. Imua a lanakila.