Ka Leo o ka Lahui, Volume II, Number 720, 6 July 1893 — Hookuuia o D. Kalauokalani. [ARTICLE]

Hookuuia o D. Kalauokalani.

Ma ka Poakahi nei, ua noho ka Aha Kiekie Kuwaena e hoolohe i ka hihia o ka *Lunakanawai D. Kalauokalani o Molokai. I ka noho ana o ka Aha e hoolohe i ka hihia i hoopii ia ai o D. Kalauokalani oia hoi ka ona, ua ike ka Aha he mau hana hoopilikia wale no keia aole no hoi he oiaio, nolaila, ua hookuu ia D. Kalauokalani. Ua kauoha pu ia aku oia e ka Aha, e hoi oe, a e malama i ka hana, e like me ke ano mau. Haule pahu ka hoopii a ka poe hoohui aina, i ake ai e lilo lakou i mau lunakanawai, hilahila ole; ahu iho la ka hoka i kapakai.