Ka Leo o ka Lahui, Volume II, Number 722, 10 July 1893 — Page 4
| This text was transcribed by: | Lynne Minamishin |
| This work is dedicated to: | Minamishin 'Ohana |
KA LEO O KA LAHUI.
"E Mau ke Ea o ka Aina i ka Pono."
KA LEO.
JOHN E. BUSH,
HONOLULU IULAI 10, 1893
KA MOOLELO
O
HIIAKAIKAPOLIOPELE.
I HOOPONOPONOIA
MAI KA POE KAHIKO MAI A
ME KA POE I HOOPAA I NA
MOOLELO A ME NA
KAAO KAHIKO O
HAWAII NEI.
A pau ia mele a ia nei, ku no keia ma ke poo o ke aikane, @@e no keia. oia uwe no ko ia nei a pau no ka uwe ana aia nei, nana mai la keia i ka mauna, owela i ka ai ia e ke ahi, aohe wahi koe, nana iho hoi keia i ke aikane, aohe wahi i koe i ka paa i ka pohaku, heaha la ka hoa e like ai o ke aikane, kau a mea o ke ino, hapai no keia i keia mele penei:
Halihia ka mauna wela ike ahi
Wela nopu ka uka o Kuihanalei
Ke-a pohaku puu lele mai iuk ke ka koi!
Hookala mai ka lua a Kamaiau
Pololei loe lea, o Kahinihinikuamauna
O ka mapuleonui kani kohakoha
O kanaka loloa o ka mauna
O kapulupulu i ka nahele
O na akua mai ka waokele
O kulipeenuiaiahua
O kike alawa o Piikea
O kauahi pohina iuka
O kauahi mapukea i kai
O ke awa nui i ka mauna
O ke pookea i ka nahele
O ka uahi moe awa lehua
O ka aina a Pele mauka
Ke oka aia i kai
Pau ae la ka maha laau
Ka maha ohia loloa o Kaliu
O ka uka i pohaku e kap@, e kapu
Kapu mai la uka, ua kulapa i ke ahi
Ua haiki punikia Kilauea
Ua ha ka lama ka luna o Mokuaweoweo
Ua ha ka uka i ke ahi a Laka
A-ina ae la moeawakea
Ke-a i kai o Kukalaula
A luna au o Pohakuloa
Ku au @ana ilaila
@ maliu mai
O kuu ike wale aku ia Huna
I ka papa lohi o Apua
He la liliu a nopu wela ka wawae
A pau na niu o kula i ka pono
Holo kauahi maha o Ookua@i
I hia no a i ka papa
Pulupulu i ka lau laau
Punia ka lani loko haule ka ua
Kaa mai ka pouli
Wili ka puahiohio ka owela i ka lani
Eia Pele mai ka mauna
Mai ka lua i Kilauea
Mai papalauahi Ooluea
Malamalama mahina ka uka o Kaliu
Enaena Puna i ke akua
Nihoa ola pali kalua iuka
Koea mania kikaha
Lele pauma ka hulu maewaewa
Liolio i wawau ke akua
Noho Pele ike a hiku
I ka nuu keilolo o Kalua
Kahuli Kilauea me he a-ma la
Kunia Puna moa Puna-e
Moa Puna.
A pau no ia mele aia nei, kulou iho la no keia honi i ka ihu o ke aikane, ku no keia uwe, a pau ae la no ka uwe ana aia nei.
Kani o ke oli ia nei, no ka huana mai o ke alo@@ ka aina hanau i ka waiho ae hoi @@kahi o ke aikane, ka hoapili hoi o na la i kaahope aku la.
Ma ka la 1 o Iulai e hoi ae ai o Aberahama Fernandez e hana no ka Halekuai Lakohao Hawaii e ku nei ma ka aoao ma Ewa o ka Hale Banako o ka Ona Miliona ma ke Alanui Papu, e kokoke ala i ke alanui Moiwahine. Ke kono aku nei oia i kona mau makamaka a pau e kipa ae ma ia Halekuai.
HE LEO KAHEA.
Ke kauoha ia aku nei na Luna Lawe pepa a pau o KA OIAIO, a puni @a Paeaina, i na he mau @elu koe o KA OIAIO Helu 52, o keia makahiki, e hoouna koke mai i keia Keena, me ke kali ole. E hoolohe i keia leo, i lawa ai hoi ka makemake o ka poe e kauoha mai nei i ka nupepa.
JNO. E. BUSH
Keia Kau Kinipopo.
Mamuli o ka hooholo ana o na Kapena o na Hui Kinipopo like ole ekolu, nolaila ua hooholo lakou e hoomaka ka paani ana i keia Poaono ae. a o ka nui o ka manawa e paani ai he 18, a o ka paani hope oa. i kekahi la nui kulaia, a penei na kuhikuhi ana:
"12-Hawaii Kamehameha
"15Kamehameha Crescent
" 22-Crescent Hawaii
" 29-Hawaii Kamehameha
He kuai hooemi nui ko ka Heiau o na Paikini iloko o keia mau la, i wahi e loaa ai he mau wahi kaawale no na waiwai hou e loaa mai ana i keia mau mokuahi ne ke ku mai; a oiai hoi e holo ponoi ana no o S. Ehrlich e wae i keia mau waiwai hou ma Nu Ioka a me Ka@alakiko, nolaila, ua hooemiia na kumukuai o na waiwai o na ano a pau o kona Halekuai. E hele ae ma kona Halekuai i ike @@aka.
HEIAU O NA PAIKINI!
Kihi o Alanui Papu me Hotele.
HOEMI NUI KAMAHAO!
O NA
KUMUKUAI.
Ma ka Mokuahi o keia malama ae e holo aku ai au no Nu loko a me
Kapalakiko e huli pono ai ma ia mau Makeke no na lole ano hou
loa a me na waiwai ano hou e ae, i kupono no kakou ke aahu.
A i mea e hiki ai e loaa he mau wahi kaawale kupono maloko o
ko'u Halekuai nei no ka hoikeike ana aku i ua mau waiwai
hou loa nei o na ano a pau, i ka manawa e hiki mai ai.
Ua hooholo au e HOEMI i na KUMUKUAI ma na wahi a pau
oloko nei o ko'u Halekuai.
Ke kuai nei au i na Satinia ano hou loa no ka 10 keneta o ka i-a,
mamua @e 25c
Victoria Lona ma ke 65 keneta o ka apa.
Kalakoa maikai ma ka 5 keneta o ka i-a no na la pokole wale no.
Na Paku Makika o ke ano maikai loa he 100 iniha ke kiekie ma
ka 10 i a o ka @@@ no ka $2.50 o ka apa hookahi, ua @oemiia
mai ka $3.50 @@@ @ ka apa.
Kuai Kuikawa ko na lole keokeo o na ano a pau, o na Kumukuai ma
la mau lole. ua hoe@@ @@@ @@.
Na Lihilihi a me na @@@@@ ua hoemi ia na Kumukuai.
KUAI KUIKAWA NUI!
Ka na Paalele Kamaliikane mai ka 4 a ka 13 makahiki no ka
$2.50 o ka Paal@le hookahi, a ke hooia pu ia aku nei he @@@
lole huluhulu keia a pau loa.
S. ERLICH,
Kihi o Alanui Papu me Hotele.
may8
HOOLAHA HOU.
E na Makamaka Aloha
HE KUAI HOOKELAKELA NUI!
Hele mai Hookahi, a i ole Hele mai no a Pau Loa
Oia oukou e hele ana ma na alanui o ke Kaona, mai hoopoina
Ke Kipa ae
MA KA HALE KUAI ALAKAI O
B. F. Ehlers & Co. - PAINAPA.
HELU 99 Alanui Papu.
ILAILA WALE NO E LOAA AI NA ANO HOU O KE KAU
Oia hoi na Halua,
KAKIMIA LAU.
KAKIMIA ELEELE.
Na Lole Puu Ano Ho@ Loa.
Na Pale Puke Aniani ano hou loa i ike ole ia @@a ke Kaona nei i na wa
I hala aku nei.
Kuka Koloka o na wahine me na Kamalii
He nui wale aku na mea i koe, e kipa nui mai oukou i paa ke kuhihewa,
A na oukou hoi ia e akena aku i ka nani oia mau mea.
A KE MANAO NEI NO HOI MAKOU, AOLE NO E NELE KO OUKOU HELE
MAI.
He nani anei keia aole i kanamai he mea hoi na oukou e poina ole a
I KA INOA O PAINAPA, ME KA OIAIO.
Owau iho no.
705. tf-dlv. B. F. EHLERS & CO
Kuai Hoopoho Nui
No Keia Pule Wale No.
MA KAHI
N. S. SACHS.
104 Alanui Papu, Honolulu
Na Papale Raiki o @a Keikikane a me na Kaikamahine he eono ana like ole.
Na Papale @e Raiki onionio maikai loa o na Keikikane Waiwaiio 40c
" " o na Keikikane i hanaia a @@@………….. 50c
" " Keokeo o na Keikikane …………………….40c
" " S la na Kamalii o na ano waihooluu like ole …………60c
" " o na Kamalii o ke ano hou mai nei @ nanaia a maikai ua
hoemiia a ka …………………………………………………………. 7@c
O na Papale Sela Keokeo maikai loa o na Kamalii, a me na waihoohou e ae ua hoemiia mai ke $1.50 a i ka $1.1@
O kela mau KUMUKUAI no keia Pule wale no ia.
N. S. SACHS
may@@ @@@@@ 104 Alanui Papu. Honolulu.