Ka Leo o ka Lahui, Volume II, Number 723, 11 July 1893 — KA MAKE ANA O ENOKA KAHELE. [ARTICLE]

KA MAKE ANA O ENOKA KAHELE.

Ua minamina makou i ka hiki ana mai o ka lono, ma ka la 8 o Iulia nei, ma Nawiliwili, Kauai. Ua kii mai la ka make a kaili aku la ia Enoka Kahele, ko makou makamaka, a makua no hoi no ka Lahui Hawaii. Ua ike ia oia e na makamaka a me na hoaloha a pau loa o Kauai, ma kona kulana Awe Leta hoopono no na makahiki he kanakolu a oi aku. Ua piha ko Kauai poe a pela no me na hoaloha malihini e kipa aku i ka mahalo piha no ia. He hoa oia no ka Hui Aloha Aina. a

ma ia ano, ua ili mai iluna o makou ka hoomanao aloha ana aku nona Me ka wahine a me na pilikana o ka mea i hala aku ko makou aloha nui.