Ka Leo o ka Lahui, Volume II, Number 724, 12 July 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  IULAI 12, 1893.     HELU 724

 

HE MOOLELO KAILI PUUWAI

---NO---

MATIFIRA

Ka Hookolo Me-

heu Lua Ole

---KA---

Olali o na Alahele Hoo-

paha'oha'o

---KA---

Punawai Kupua o

Alemoni

---KA---

Huewai Ili Batenisa

A ME KA

Luahine Maka Kupua.

He Moolelo Kupua no Arabia.

(Kakauia no Ka Leo.)

 

E hoomanao kaua e ka mea heluhelu, o keia mau olelo a pau a ua keiki la, he mau olelo hoopunipuni wale no ia.

Hele kaapuni ae ia na keiki la @a na wahi a pau me ke kamailio ana ma---o a maanei.

I ka lohe ana hoi o kekahi keiki waiwwai i keia mau olelo ua hele aku la oia e ninau pono i na mea  apau imua o ua Finitia la.

Hoike mai la no hoi ua keiki la i ua olelo haakoi a pau, a lohe ae la ua keiki waiwai la iini iho la oia e holo ne ua mokupuni la.

Hoi aku la ua keiki la a hiki i mua o kona mau makua, a hoike aku la oiai kona manao holo no ua mokupuni Manara la.

Ua ae mai la kona mau makua no kona hoio ana.

I ka makaukau ana o kaua huakai, ua kau aku la oia maluna o kona waapa a holo aku la.

Iaia e hoomauawanui ana i ka ho@ e alo ana hoi i na ala kawahawaha o ka moana, a mai ua ia aia a ahiahi, pae maalahi aku la oia no ua mokupuni la.

Lele aku la ua keiki la i uka, nana aku la oia i na mea a pau, aia hoi, ua like loa me an mea a pau i kamailio ia ma ai iaia mai kona hoa Finitia mai.

Iaia nei no e nanea ana i ka nana i na pua nani o loko o ka malanua, aia hoi, lohe ae la oia i kekahi leo hokio.

Iaia nei e alaalawa ana, ike aku la oia i kekahi wahine e peahi mai ana iaia.

Hoomanao loa ae la keia i ka oiaio o na olelo ana i lohe ai.

Komo aku la keia a ku ana imua o ua wahine la, nana ae la keia i na helehelena o ua wahine la, hewahine ui maoli no, he mea oiaio aole i'o no he wahine ui e like me ia ma ke aupuni o Aferika.

Pane mai ia ua wahine ui la mai hea mai nei oe?

Mai Aigupita mai, wahi a ka malihini.

Owai kou inoa?

O Romera ko'u inoa, keiki hoi a kekahi kanaka waiwai loa.

Ahe, he oiaio kau e kamailio mai nei, ua hiki ia'u ke ike ma kou kulana.

E komo mai maloko, wahi a Hero Mineta.

Ae aku la ua keia a komo aku la hoomanao pu ae keia ia ka loaa o ko ia nei wahi pono, ua pa kahea a kamaaina.

(A uwila hou aku).

 

KAUKA

Yong Kam Pung.

(APANA.)

Helu 81, Alanui Maunakea.

Ke Kauka Loea o ka Aina Pua

Ua hiki ke hoola ia kela a me keia ane ma'i, mai ko na kane, wahine a  me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei eia ke ola ianei, me ka oluolu pu o kahi auhau. 

 

E KIPA mai e ka poe i hooluu lau ia me an haawina pilihana a ka ma'i, a na'u oukou e hooluolu uku.

KAUKA YONG KAM PUNG.

 

HE MOOLELO HOONAUE PUUWAI

---NO---

HEDI KA NUI.

KA MEA I KAPAIA

KA WELI O KA PUUPUU

HAOKILA.

A ME

ROZERIANA

Ka Nani Kaili Puuwai

---O---

SEPANIA.

Unuhiia no KA LEO O KA LAHUI.

MOKUNA IV.

KA HIHIA POHIHIHI, OWAI KA HOI-

KE---KA PUUWAI I PIHA I KE

ALOHA, OWAI KE HOONANA---KA

LE'ALE'A WELIWELI, OWAI KE

KANAKA KOA?

 

I ka lohe ana o ke kaikamahine alii i keia mau huaolelo, ua ano lana mai la kona manao a olelo iho la oia, e hele au e hui me laua, oiai owau kekahi mea manao no kela kumuhana.

Ia wa, hele aku la oia a ku ana ma ka puka, a kahea ia mai la oia e kona makuakane e komo aku.

Komo aku la oia a noho iho la a pane mai la kona luaui, e noonoo ana maua no na mea e pili ana i kou la hanau, a pehea ana la kou manao e hoomau aku anei?

Pane aku la ua kaikamahine Ia, ae e hoomauaku a e hookomo hou iho i kekahi mau le'ale'a a'u i makemake ai oia keia.

E lilo kuu lei ahi a'u e lei nei ma ko'u a-i i ke kanaka nana e pepehi i na ilona elua a me hookahi bea.

E lawe ia mai keia mau holoholona hihiu maloko o kekahi pa hao paa loa, a e hookuu pakehi ia lakou a hiki i ko lakou pau loa ana i ka make.

Ma na lealea e ae a pau e loaa no na makena mai ko'u mau @a ponoi aku.

Aka, o ka mea nana e ah@i i ka lanakila o ka pepehi ana i keia mau holoholona hihiu, nana ponoi no e wahe ae i ka lei alii mai ko'u a-i ae, a na'u hoi e hoolei aku i kona a-i.

O keia maju olelo a paua ke kaikamahine alii, ua lilo ia i mea kahaha loa i ka manao o kona mau makua 'lii, oiai, ua hu aku mawaho o ka palena kupono o ka ikaika o ke kanaka kana mea i manao ai.

Oia ka kona makuakane i pane mai ai, owai ke kanaka i waena o ko kakou aupuni e hiki e ku aku i mua o na holoholona hihiu e liek me ka bea a me ka liona, aole loa hookahi, ua makehewa loa kela mau noonoo ana au e kuu kaikamahine, i mau lealea e ae, alaila oia ka @ o ao.

Aole, aole loa au e ae e wehe ia ae kela lealea a'u i makemake loa ai, ina e kapae ia ana ia lealea, alaila e pau na lealea e ae a pau loa.

Kokolo ae la ka uia ohelohelo ma na papalina o ua nohea la, me he mea la ua piha ukiuki loa oia no ka hoole ana mai o kona makuakane i kona makemake.

I ka ike ana mai o ka moi i ka helehelena huhu o kana kaikamahine, ua pane mai la ma , e like me kou makemake pela no e hana ia ai nou.

O ka loihi o ka wa mai keia manawa aku a hiki i ka ia hanaju o ke haikamahine alii he Ekolu wale no mahina ka mamao, a oia no hoi ka la 5 o Marsh o ka makahiki 1094, he ewalu haneri makahiki i hala mai keia wa a kakou e kamailio nei no keia moolelo.

Ua hoopuka koke aku ka moi i ka papa kuhikuhi o ua lealea like ole, a o ka hope loa oia no ua hakaka holoholona weliweli la, no k ahiki aku hoi i ka la hanau o ke kama alii wahine Rozeriana.

Ua hauoli na loea kaka pahi kaua ua naita hoi i lehia ma na hakaka like ole, a e laa hoi ka poe mokomoko, aka, me he pali kiekie la e hiki ole ai ke lele iho ilalo kela lealea hope loa i kakauia malalo loa oia hoi "O ke kanaka nana e pepehi i na liona elua me ka bea hookahi e iilo iaia ka lei alii o Rozeriana, ke kaikamahine alii o Sepania, ka mea i kapaia he nohea.

O keia lealea hope loa, wahi a na naita i loea ma ia hana, he pahu kupapa@ ia i hana mua ia no kakou a pau loa na naita kaulana o Sepania nei.

Ua hoea mai ka palapala noi e noi ana i ka moi e kapae loa ia keia ano lealea, ai ole nela e ae ia me na ko kaua a pau e hele ai e hakuka me ua mau holoholona la.

Aka, oia mau noi a elua, aole i ae ia aku, ua hoiek piha aku la ke kaikawahine alii, aole pahi, aole ihe, aole mea kaua e ae, o na lima elua wale no, a ina aole mea nana e aa, ua hiki no,a e nele no na mea a pau i ka hanohano mai kuu lima ponoi aku.

(A uwila hou aku).

 

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

Hoea i Honouliuli                    7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia        "           "           6:55*   A.M.

+ Poaono wale no

* Koe ka Lapule

I Koe ka Poaono

Sept. 28

OLELO HOOLAHA

Oiai e kaawale aku ana au [D Keaweamahi] no Iapana, ke hoolaha ia aku nei na mea a pau, ua hookohu piha aku au ia S.K. Kane a me Henry Waterhouse, oia kou mau Hope oiaio no ka hoopo nopono ana i ko'u mau Waiwai paa a me na Waiwai Lewa a pau, a o ka poe a hau he mau  Aie ku'u ia lakou, e waiho ae i ka lakou mau Bila ia Laua, a o ka poe a pau e paa ana he mau waiwia no'u, e hoihoi ae ia laua.

D KEAWEAMAHI,

May 15 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.