Ka Leo o ka Lahui, Volume II, Number 725, 13 July 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  IULAI 13, 1893.     HELU 725

 

 HE MOOLELO HO@ PUUWAI

---NO---

HEDI KA NUI.

KA MEA I KAPAIA

KA WELIO KA PUUPUU

HAOKILA.

A ME

ROZERIANA

Ka Nani Kaili Puuwai

---O---

SEPANIA.

Unuhiia no KA LEO O KA LAHUI.

MOKUNA IV.

KA HIHIA POHIHIHI, OWAI KA HOI-

KE---KA PUUWAI I PIHA I KE

ALOHA, OWAI KE HOONANA---KA

LE'ALE'A WELIWELI, OWAI KE

KANAKA KOA?

 

Malalo o keia mu olelo oole'a a ke kaikamahine alii Rozeriana, ua hookuihe ia ka naau o na naita a me na moho pukonakona ma ka mokomoko ana no keia mau olelo paakiki loa a ke kaikamahine alii, aka, wahi a lakou, e hoao no makou e like me ka hiki ia makou ke hana.

He mau la mahope mai, ua olelo ae la ke kaikamahine alii i kona makuakane e pii na kanaka akamai loa i ke hoolakalaka liona i e kuahiwi no ka hopu ana i kekahi mau liona elua, a me hookahi bea, me ka poino ole hoi o na lala o ka Bea a me ka liona.

 

MOKUNA V.

KE KANAKA HOOLAKALA HOLOHOLO-

NA.  "OWAI KONA INO?" ---KE

KUMUKUAI KIEKIE.  OWAI KA

MEA NANA E UKU?---O KA MEA

PUUWAI ELEELE.  E POINO NO OIA.

 

Ua kau ka weli maluna o na loea hoolakalaka holoholona a pau, aole mea aa e hki ke hopu i na liona hihiu me ka loaa ole o kekahi alina maluna o na holoholona.

Aka, malalo o ke kauoho a ka moi, aole e hiki i kekahi kanaka ke kue aku i ka olelo kauoha a ka moi, a ka hooko wale aku no e like me ka mea i makemake ia.

Nolaila, ua pii hookuanui wale aku la no na kanaka he haneri ko lakou nui, i lako pono i na kaulaili, na lio ikaika a me na kupee hao i mea e kupee ai i na holoholona, malalo hoi o ke alakai ana a kekahi o na loea kaulana ma ia hana, oia ka naita "Walaka Hiena."

Ua kapaia oia ma kela inoa "Hiena," no ka inoino o kona mau helehelena hunu, a he ku i ka hoomaka'uka'u ke nana aku iaia.

He kanaka koa loa oia, a he pinepine na manawa ana i ahai ai i na lanakila o na kahua mokomoko a oia no hoi ka helu ekahi o ke koa iloko oia mau la, a no Nu Geretina hoi, akahi no oia a ike ia ea he kanaka koa, aka, aole i hoao laua.

O Nu Geretina hoi, aole oia i pii ma keia huakai, ua maopopo no ke kumu o kona pii ole ana, no ka mae aole oia i lawe ma ia hana o ka hopuhopu i na bea a me na liona e like me ka hopu ana i na popoki keiki, a ka pana pua wale iho no kana wahi pono.

I keia huakai nui e pii ana, a hala ae la he mau la, aole loa lakou i halawai mai me kekahi holoholona hihiu.

I ke ono o ka la a i ke kakahiaka hora 9 o ua la aia, oiai no lakou nei e hoomau ana i ka pii, ua halawai mai la me lakou nei kekahi kanaka opio i aahu ia me ka lole hulu bea.

I kinohi o ko lakou ike ana aku, ua kuhihewa loa ia lakou a pau he bea oia, a ua pii ae ke okakala ia lakou a pau, no ko lakou kuhihewa o ua holoholona aikanaka nei la, aka, i ke kokoke ana mai, aia hoi, he kanaka opiopio loa oia nona hoi na helehelena nani a maikai i ka nana aku.

Ku mai la oia ma kahi he elua anana mai na kanaka mai, a ninau mai la.  "E hele ana oukou i hea?"

Pane aku la o Walaka ka Hiena, "E hele aku ana makou i ka imi holoholona."

Heaka ke ano o ka oukou holoholona e hele nei e imi?

He liona a em ka bea wahi a ka Hiena.

Aole loa e loaa ia oukou kekahi o ia ano holoholona ma keia kuahiwi.

No keaha mai hoi? wahi a ka Hiena me ke ano hoomaku'e ana iho o kona mau ku'emaka.

No ka mea, ua pau loa lakou i ka pepehi ia'e a'u, a o ke koena iho aia maloko o kuu pa kahi i paa ai, wahi a ka opio.

I ka lohe ana o ka Hiena i keia mau huaolelo ua ano minoaka iho Ia oia o ke ano hoohenehene me ka leha a@a @ kona mau maka malalo o ka @olau o kona papale.

O ke kanaka hoi e aahu ana me ka lole h@a, ua paa ae la oia i kona @ a ma kona pu@aka me ka hookuoo ana iho o kona mau helehelena.

A liuliu iki pane aku la ka Hiena e haele hoi ha kakou e nana.

Ua ae no au i kela e nana wale no nae, aole e lawe hookahi o lakou aia wale no me ke kuai.

Ua ae au i kela, wahi a ka Hiena.

Ia wa, pane mai la ua kanaka noho kuahiwi la, e hahai mai oukou mahope o'u a na'u e kuhikuhi ia oukou.

Ua hahai aku la lakou nei me ke ano hoomaloka, e lou aku ana kekahi i kekahi me ka pane ana aku.

He kanaka pupule paha kela e hele kakou ma ko kakou alahele, heaha ka kakou e hahai aku nei mahope o kela kanaka pupule.

Pane aku la hoi kekahi, aole kakou e pono e hana pela, no ka mea, e uku no hoi ko kela kanaka no kona hoopunipuni ino ana mai ia kakou.

Hoomau aku la lakou i ka hahai ana mahope o ke kanaka malihini a hala ae la he mau mile loihi, pane aku la ka Hiena, ahea kakou hoea aku no kahi au i olelo mai nei?

"Ua kokoke loa kakou," wahi a ke kanaka noho kuahiwi.

Hoomau hou aku la no lakou i ka hele ana a hiki lakou mawaho o kekahi puka pa nui.

Huli mai la ua kanaka noho huahiwi la a pane mai ia i na kanaka, auhea oukou, eia ua pa nei a'u i olelo aku nei ia oukou, a o na holoholona hihiu, eia no lakou maloko nei, a e makaaia oukou no oukou iho i keia manawa i ko lakou wa e oili mai ai no ka mea, he poe holoholona hae loa lakou.

O ka pa i pa ia ai, he laau nunui loa e hiki kupono ole ai i na kanaka he iwakalua ke hapai, a he pa kiekie hoi nona na kapuai he 40 a oi.

No kana iho e ka mea he uhelu, na Hedi wale no i hana keia pa a paa me kona mau lima ponoi, a he pa hoi e hiki oie ai i kekahi mau kanaka he umi ke hana.

I ka wa i pau ai o kana kamailio ana me keia poe kanaka, ua pii ae la oia a luna o kekahi kumu laau a uwa ae la oia me ka leo nui.

I ka leo o ua keiki la i kuu iho ai, aia hoi, ua lohe aku la ua kanaka i ka halaiu me na leo uwo me ka weliweli, a iloko o n asekona pokole loa, ua ike aku ia na mea a pau i kekahi puulu holoholona luaole, a he wa pokole loa, hanu ana ua poe holoholona la ma ka hakahaka o ka pa.

I nana aku ka hana o ua poe nei, lalakukui ua mea he liona, o ka puni liona a malaila, ulu ka niho i kau a mea o ka nui o ka liona.

Ike ae la na mea a pau i keia mea, ua hookahaha loa ia ko lakou naau, me ka maopopo ole, pehea la i hiki ai i keia kanaka hookahi ke hoolakalaka i keia poe holoholona.

Ninau aku la ka Hiena i ua opio la, nau ponoi no anei keia mau holoholona?

Ae, na'u ponoi no keia poe holoholona a pau.

Heaha ke kumukuai o ka liona hookahi?

He $5,000 no ka liona hookahi, a he $10,000 no ka bea hookahi.

Kahoho, aole no i kana mai ke dala o keia ano holoholona, aole no hoi e hoemi iho?

Aole loa e hoemi ia hookahi keneta o keia kumukuai, no ka mea he kumukuai paa loa ko'u, mai manao oukou he hana uuku loa ke kii ana e hopu i keia ano holoholona aia iloko o ka make a me ka poino wale no, aole paha e loaa ke kanaka ia oe i ka miliona dala ke kuai ea? i na no aole oukou e ae i keia kumukuai, alaila, ua nele no oukou i ka liona ole.

Noonoo iho la o Walaka Hiena i mea kuoono nana e pane aku ai, a liuliu, pane aku la oia.

(A uwila hou aku).

 

KAUKA

Yong Kam Pung.

(APANA.)

Helu 81, Alanui Maunakea.

Ke Kauka Loea o ka Aina Pua

Ua hiki ke hoola ia kela a me keia ane ma'i, mai ko na kane, wahine a  me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei eia ke ola ianei, me ka oluolu pu o kahi auhau. 

 

E KIPA mai e ka poe i hooluu lau ia me an haawina pilihana a ka ma'i,

a na'u oukou e hooluolu uku.

KAUKA YONG KAM PUNG.

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

Hoea i Honouliuli                    7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia        "           "           6:55*   A.M.

+ Poaono wale no

* Koe ka Lapule

I Koe ka Poaono

Sept. 28

OLELO HOOLAHA

Oiai e kaawale aku ana au [D Keaweamahi] no Iapana, ke hoolaha ia aku nei na mea a pau, ua hookohu piha aku au ia S.K. Kane a me Henry Waterhouse, oia kou mau Hope oiaio no ka hoopo nopono ana i ko'u mau Waiwai paa a me na Waiwai Lewa a pau, a o ka poe a hau he mau  Aie ku'u ia lakou, e waiho ae i ka lakou mau Bila ia Laua, a o ka poe a pau e paa ana he mau waiwia no'u, e hoihoi ae ia laua.

D KEAWEAMAHI,

May 15 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.