Ka Leo o ka Lahui, Volume II, Number 726, 14 July 1893 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  IULAI 14, 1893.     HELU 726

 

HE MOOLELO HOONAUE PUUWAI

---NO---

HEDI KA NUI.

KA MEA I KAPAIA

KA WELI O KA PUUPUU

HAOKILA.

A ME

ROZERIANA

Ka Nani Kaili Puuwai

---O---

SEPANIA.

Unuhiia no KA LEO O KA LAHUI.

MOKUNA V.

KE KANAKA HOOLAKALA HOLOHOLO-

NA.  "OWAI KONA INO?" ---KE

KUMUKUAI KIEKIE.  OWAI KA

MEA NANA E UKU?---O KA MEA

PUUWAI ELEELE.  E POINO NO OIA.

 

Ua pono kau kumukuai, aka, e hoi ae au i kuu mau moi a i n alaua e ae mai ana i keia kumukuai, alaila, ua pono keia, a ina aole , alaila, aole no makou e lawe ana.

E kuhihewa ana paha au he dala ka oukou i pii mai nei, wahi a ka opio me ke kueo.

Mahope iho o ko lakou kuka i olelo ana, ua huli ae la lakou a hoi aku la, no kekahi mau la keia hoi ana a lakou hoea pololei aku la lakou imua o ka moi, a hoike aku la lakou i na mea a pau a lakou i ka mai@io ia mai ai e ke kanaka opio.

Hoike aku la ka moi i kana kai kamahine no keia mea, a oia ka ke kaikamahine alii i pane mai ai i kona makuakane penei.

E kii aku ia Walaka Hiena a e lawe mai iaia imua nei o'u, he makemake au i ike iaia.

Hoea mai la o Wala Hiena imua o kona alo, a pane aku la ke kaikakamahi alii.

Owai ka inoa o kela kanaka nana e malama nei kela poe holoholona?

Owai la kona moa. aole au i maopopo, aole no au @ ninau aku i ko @a inoa.

He kanaka opio anei oia?

Ae, he kanaka opiopio loa oia.

Heaha kona aahu?

He ole hulu hea kona.

I ka lohe ana o ua Rozeriana la i keia mau wehewehe a kona naita, ua kulou iho la oia ilalo no kekahi mau minute, a ea ae la oia a pane hou mai la.

Heaha ke kumukuai ana i olelo mai nei ia oukou no na holoholona ekolu?

He $20,000 no na holoholona 3, aole e emi iho hookahi keneta.

Ua pono kela, a e pii oukou a o lawe pu i kuu palapala imua ona, a e lawe pu me ke dala a pau me oukou, a e haawi pololei i ua kanaka la.

Ae mai la o Walaka Hiena a kali aku la nae oia no ka palapala a ke kaikamahine alii Rozeriana.

I ka paa ana o ua leta la ua lawe mai la ua kaikamahine la a haawi mai la ia Walaka Hiena me ka olelo pu mai, mai wehe kekahi o oukou i keia leta a hiki imu o kela kanaka.

Ae aku la o Walaka Hiena a hele aku la.

Hele aku la oia a i ka puuku o ka moi a noi aku la i na dala a pau e uku ia ai no kela mau holoholona a ua loaa mai la.

Lohe iho la o Nu Geretina i keia mau mea a pau i hana ia. hoomakaukau iho la oia i kona lio me kona hoike malu aku i kana wahine e pii ana oia e imi holoholona.

Hahai aku la oia mahope o Walaka Hiena ma, a halawai pu aku la lakou i ke kula.

Ua ninauia mai la oia e Walaka no kana wahi e hele nei, ua pane aku la oia, e hele ana oia no ka hahai holoholobna me lakou, a haele like aku la lakou.

No kekahi mau la hele eono hoea pololei aku la lakou i ua pa holoholona ia.

Ua ike ia mai la nae lakou a pau e Hedi, a oia ka Hedi i pane iho ai iaia iho, owai la kela kanaka me na hoku diamana e pii mai nei, he moi paha.

No kona hoomana mau no i ua mea e pili ana no kona kaikuaana, ua pee iho la oia ma kekahi wahi kokoke i ka puka pa, a kali aku la o ko lakou hoea mai.

Ia lakou i hiki mai ai, ua au ae la na maka o Walaka Hiena ma o a maanei me ke ake aku e ike i ka haka o na holoholona, a liuliu iki, pane ae la @

Aia ia k@ i i hea ua kanaka nei?

Pa@e aku la o Nu Geretina, aia i hea k@ai i a paa ia ai na @ona?

Eia no iloko nei o keia pa nui, wahi a Walaka.

O keia pa na'u no keia i hana me kuu kaikaina, a ua make hoi o a, a koe kahi kauwa a maua, a me he mea la, oia aku la no ka oukou i ike aku la.

Ina oia e hoae mai ana alaila, na'u no e noi aku iaia. alaila, aole oia e kuai mai ia'u, he haawi wale mai no.

Ke lohe maopopo nei o Hedi i keia mau olelo a pau a kona kaikuaana, a oia kana i nana pono mai ai i kona kaikuaana hookano luaole, a huli ae la oia a uwe iho la me ka naau i mokumokuahua i ke aloha hoahanau.

Hu mai la kona aloha i ko laua mau makua. aloha pu ae la no hoi i ko laua noho makua ole; oia mau mea a pau, ua la mai la ia imua o ua Hedi la, a@a, aole hoi e hiki ia la ke hoike aku iaia iho imua o kona kaikuaana, no kona makau o hana ino mai iaia nei.

Ke hoomau ala no ua Nu Geretina la i ke kamailio ana a liuliu iki, pane aku la oia ia Walaka Hiena, e hele paha kakou mauka aku nei e imi ai hoi i ua kanaka nei?

Pane aku la o Walaka, o oe a me kekahi mau kanaka ke hele aku mauka e nana ai, a owau hoi ke kiai ae nona maanei.

Ae aku la ua puuwai eleele ia, a hele aku la oia me anui mau kanaka pu me ia.

Ia lakou i mamao loa aku ai, ua oili ae la o Hedi a ku ana imua o walaka, a oia kana i pane aku ai, me ka hikilele nui:

Auwe! eia no ka oe maanei.

Aole. maluna aku la au a hoea mai, ua hoea mai nei ka oukou.

Ae, aole no nae hoi makou i  liuliu loa.

Ua lawe pu mai nei oukou i ke dala no na holoholona, e like me ke kumukuai a'u i hai mau aku ai ia oukou?

Ae, eia la, a haawi ia mai la ke dala, me ka panai hou ana mai, a eia pu mai he palapala. nu ke kaikamahine alii.

Lalau aku la oia i ua palapala @ a heluhelu iho la, - a p@nei ka inahao oloko:

Hale Alii Panedora,

@ Ianuari 14.

I ka mea i aloha mai ia K@ Hedi aloha:

Aloha oe:---lia kali hoomanawanui iho au nou iloko o na mahina ewalu i hala ae nei, me kuu manao e ike lihi aku ana la hoi i ka eha a ka manao. aka, ma kahi e ka hauoli a'u i manaolana ai, aia hoi, he mau kulu waimaka o ke kauniaha.   Eia au, a o kuu kino holookoa @ iloko o na hoolah@ana a ko aloha anua kaupale ia mai ka ona o ka'u ai e kou mau helehelena waianuhea.

Ua hoohiahiamoe iho au ma ko'u wahi moe, me ka mano e ike aku ana la hoi i kou mau helehelena ma ka moeuhane, aka, aole no i hooko ia, e mano ana anei oe e hai-na mai ia'u e make malalo o ke aloha nou? ahea la pau ae keia hana nui he aloha; ina au e ike ole ana i kou mau helehelena no elua mahina i koe, alaila e moe iho au i ka honua me ka ike ole ae owai ana la kau ipo e hina aku ai o kou aloha ma keia hope aku, e ae mai ia'u no hookahi manawa i koe e noi aku ai ia oe, e iho mai oe e ike ia'u.

Me ke aloha pau ole

KAMA'LII ROZERIANA.

Mahope iho o ka heluhelu ana a ua Hedi la i keia leta, ua pane ae la oia me ke ano kahaha nui:

He mea kupanaha maoli keia. pehea la i manao ai ke kaikamahi ne alii hookahi wale no haneri dala o ka'u mau holoholona. aole loa au e ae ana i keia.

Huli ae la ua Hedi la a pane ae la ia Walaka, ea, ua makaukau anei oukou ina mea a pau a paa ai na holoholona?

Ae ua makaukau makou, wahi a ka pane.

Ia wa, ua pii ae la ua Hedi la a luna o kekahi wahi kiekiena, a uwa ae la oia me ka leo nui.

Ia wa koke no, me he haluhalu ana ala no ke kekahi pualikoa nui, aia hoi ua holo hiai la na liona, a iloko o ka manawa pokole loa, ua pili like mai la lakou i ka pa.

Ia wa hoowalewale aku la o Heki i kona lima ma ka hakahaka o ka pa, a ia manawa i lele mai ai kekahi liona e nauu me ka eleu nui, ua paa aku la ka hulu ai o ua kona la a hoopili ia mai ia i ka pa, a loaa koke aku la kona mau wawae a paa iho la i ke kupee ia, a waiho oni ole iho la oia me kona lio nui ku i ka hoomakaukau e huhulu ana.

Huli ae la @a Hedi la a pau i ae la i na kanaka e kii aku i ka liona ua paa.

Eleu aku la ua poe kanaka la a hapai ae la i ua liona la a awaho o ka ua.

Hoowalewale hou aku la ua Hedi la i ka lua o ka liona a @ ha iho la i ke kupee ia, a lawe ia ae la mawaho o ka pa.

Ike maka aku la na kanaka a pau i keia mau m a i hunai @ e Hedi, a iniki ae la kekahi i kekahi me ka pane ana ae.

He keu aku ke i o ke kanaka ikaika nui wale, he mea oiaio, ina o keia kanaka kekahi ma ke @ahua mokomoko he mea maopopo hana e ahai ka lahakila o ka la.

(A uwila hou aku).

 

HUI ALAHAO A ME AINA.

O OAHU.

Papa Manawa

Mai a Mahope o Okatoba 1, 1892

NA KAA

                                                A. M. A.M.   P. M.   P. M.

Haalele ia Honolulu               6:15*   8:45     1:45     4:35

Hoea i Honouliuli                    7:20*   9:57     2:57     5:35

Haalele ia          "                7:30*   10:13   3:45     5:42

Hoea i Honolulu                      8:35*   11:55   4:55     6:50+

NO KULANAKAUHALE MOMI IHO.

Haalele ia Honolulu               5:10I   P.M.

Hiki i Kulanakauhale Momi    5:48I

Haalele ia        "           "           6:55*   A.M.

+ Poaono wale no

* Koe ka Lapule

I Koe ka Poaono

Sept. 28

OLELO HOOLAHA

Oiai e kaawale aku ana au [D. Keaweamahi] no Iapana, ke hoolaha ia aku nei na mea a pau, ua hookohu piha aku au ia S.K. Kane a me Henry Waterhouse, oia kou mau Hope oiaio no ka hoopo nopono ana i ko'u mau Waiwai paa a me na Waiwai Lewa a pau, a o ka poe a hau he mau  Aie ku'u ia lakou, e waiho ae i ka lakou mau Bila ia Laua, a o ka poe a pau e paa ana he mau waiwia no'u, e hoihoi ae ia laua.

D. KEAWEAMAHI,

May 15 1893.

Elia Kaululaau.

Kauka Hana Niho.

Ua hiki ke huki ma Niho me ka eha ole iloko o ka manawa pokole loa.  He loea me ka noeau ma ka Hoopi'ia ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

He Mikioi ka Holoi ana ma Niho.

He pa'a nehe kona mau lima ma Kana mau mea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Hana Niho; mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

E ikeia kakou Hoa Kanaka o kipa hewa ke aloha ia lakou nei ae.

Keena Hana maluna ae o ka Hale Hana Pu i ke kihi o Alanui Moi a me Betala Puka komo e pii ai iluna o ke Keena ma Al. Moi.