Ka Leo o ka Lahui, Volume II, Number 747, 15 August 1893 — Ka Moiwahine [ARTICLE]

Ka Moiwahine

He ol'ulu maikai ke ola o ka Moiwahine Liliuokalani e noho nei. He mea mahalo nui keia i ko ke Akua lokomaikai, i ka haawi ana iho iāia, i »a Haawma manaolana e hoomauia ai ka oluolu o kona noonoo a me ka maikai o Kona ola kino, iloko o na hana ino a me na kuamuamu a na hoahanau haole o *Ita hoomana Kalawina e hakuepa ana iaia, a me na hoao ana e hoopilikia i kona ola kino. Ke mahalo a ke hoomaikai nei makou i ke Akua, ī Kona lokomaikai nui i ka malama ana i ke ola oka mea hewa ole, a me ke ao ana aku i na kanaka i kuko e hekau ae ma kahi v knpono ole ia lakou. E hoomau ia ke ola o ko kakeu Moiwahine a hiki i kona hoihoi hou ia ana a kahi a kona mau kupuna i na'i ai.