Ka Leo o ka Lahui, Volume II, Number 750, 18 August 1893 — NA AOAO. [ARTICLE]

NA AOAO.

Eia i keia wa ke ku nana a ke

kali nei na aoao, e noho mahae nei iloko o ka aina. Ka aoao hookahuli aupuai a me ka mea maoli nona ke aupuni. īloko o keia mau la, aole he kanalua ana ma ka-aoao Hawaii Ponoi, ua akaka e. hookoia ana ko lakou manaolana, e like me ka lakou pule, a me ka pono a me ka pololei maoli. Ua hooia ia keia mea ma ko ke Komieina Blount hoi hikiwawe ana aku no Wasinetona mahope koke aku o kana hoike i kona aupuni. Aole no hoi he kanalua iloko o ko makou naau i kahi o kana hoike e kakoo ai, oiai he kanaka hoopilimeaai ole oia, a no ia mea e hoike ana oia i ka maio maoli. Oka oiaio oia ko kakou makemake; a o ka hunahuna a me ka hoopuni puni hoi oia ka kekahi aoaoUa hoi aku )a ke Komisina e hoike* kino i na mea a pau ana i ike ai i kupouo e kakauin, a o ka lua, e hoopololei i na hana, hoopunipuni a ka poo Kahunapule a me na mamo i holo aku nei ma Wasinetona e hapala ai i ka poe ma Wasinetona e noho mana la ma ia aupuui. Ma keia no hoi kakou eao ia ai, i ka mea nani, ko ke Akua hoopono a me Kona aloha i ka poe i hoino a hoApilikia wale ia, ma ke ala ana mai o na hoaloha mailoko ae o na kanaka malihini ia kakou, āka i hoaloha ai nae ma ko ke Akua hoopooo. E ka!i kakou no keia mau la pekol», a hiki hou mai ka mokuahi Audeteralia mai Kapalakiko mai.