Ka Leo o ka Lahui, Volume II, Number 760, 1 September 1893 — HE MOEUHANE PAHAOHAO. [ARTICLE]

HE MOEUHANE PAHAOHAO.

MR. LUNAHOOPONOPONO: I na he mea hiki i kou oluolu ka hoopuka ae i keia haawina pahaohao ma kahi kaawale o kou kino. 1. Ia'u maluna o kuu wahi moe ike aku la au ikekahi moana akea nui e a ia ana e ke ahi, he ku no hoi i ke weliweli ke nana aku. 2. He moana nui akea, he aiai kona wai ke ike aku me he aniani la, aole he mea nalo i ua moana la ke ike aku. 3. He ululaau nui i like ole na ano ke nana aku. Ke ninau aku nei au imua o ke akea. Heaha keia moana nui akea [moananuiakea] i pau i ke ahi? Heaha keia moana nui aiai a akaka me he aniani la? Heaha hoi keia ululaau nui i like ole kona ano ? Ke waiho nei au na ke lehulehu e noonoo i ke ano o keia hihio kupaianaha. Luna kahiko L. K. L. Leo Honolulu Augate 31 1893. He hoolaha hookapu ka ka Luna Wai Nui, e papa ana i ka hookahekahe wai ana i na hora i ae ia no ia hana. E makaala i keia e loaa aku pau na wahi paipu i ke okiia, no ke emi loa mai o ka wai ke kumu o keia papa ia ana.