Ka Leo o ka Lahui, Volume II, Number 770, 15 September 1893 — NUHOU KULOKO [ARTICLE]

NUHOU KULOKO

Ua lohe wale mai makou, eia ka nupena Hoku ke ka nei ma kona manamana hope loa a kaihulu aku i ke alo o Kauwiki. Ke maloo loa mai nei na Luawai o kakou iloko o keia mau la. E komo ana paha kakou i ka pilikia a ka wai. He ahiahi makani Kona ko ka la inehinei ma kai mai, kai no la hoi o ka hio o ko luna poe, ka muelele e ae no ia. Aia na keiki hoewaapa o ka Hui Heihei Waapa Healani ma ka Hotele Hawaii e noho nei i keia manawa, no ka hoomalu ana ia lakou, a hiki i ka la e heihei ai. Ua hoi ae nei o Mr. H. A. Widemann, maloko o kona keena oihana hou, ma ka hale iluna o kela hale pohaku hou i kukuluia iho nei, e pili ala me ka Hale kuai o Dilinahama, ma ke alanui Papu. E keia mahina ae e malama ia ai he heihehi nui mawaena o na Hui Heihei Matala a me Healani. A e hoao ana na hoewaa e kuupau i ko lakou ikaika a me ka ike i ao ia ia lakou, ke hiki mai ka manawa e heihei ai. Ua hele ae kekahi mea kuleana e kuai i kona mau mahele no ke kumukuai i like me ka ole, ua pane ia aku nae, e lawe loa i kai o Aina Hou, e hoao ai e kuai me Naopala ma, oiai o lakou ka poe makemake loa i na pepa o keia ano. He kuai hoemi ko ka Hale kuai o N. S. Sachs, ma na mea pili i na kihei haalii moe keokeo laula a me na kihei kae weluwelu o na ano a pau. E kipa ae ma kona Hale kuai mamua o ko oukou hele ana ma kekahi Hale kuai e ae. Kahe ka wai o ka Hale kuai o B. F. Ehlerss & Co., iloko o keia mau la e kuai nei, ma na kumukuai haahaa loa i ike mua ole ia ma keia kulanakauhale, a i oi loa aku hoi i ka loaa ana ai nei o na waiwai hou loa o keia Hoikeike Nui mai nei o Kikako. Me he haawi wale la no ke ano o ke kuai ana mai i keia mau waiwai hou. Ua lawe ia ae no ka Hale hana hao o Ulakoheo ma ka la inehinei na pukuniahi keleawe i waiho iho nei ma kai o Kakaako, no ke kipu aloha ana i na manuwa ke kipa mai ma ko kakou aina nei, a me ke kipu ana no na la kulaia o ke Aupuni. He ehiku ka nui o keia mau Pukuniahi Keleawe. I ko makou ninau ana aku i ke kumu i lawe ia ai, ua pane ia mai ua lilo i ka hale hana hao o Ulakohea. Aole nae i maopopo loa.

-■'■ Ua hookohu !a aku neijo JV A« Doyle i mahele olelo lapana no ke Auouni. ! ■■ :■ ■ : '.'.■■'■■■ . <•: : ■ / ,v m — Ua hookolokoloia na lapana he 14 o Ewa> i pepehi ai i ka makai lapana o ka mahiko o Ewa (imaa o ka Aha Apana o Honolulu nei mai ka Poaha nel. i "i- .... -♦ »-t 'I Ua hoopau ia ko Kelii noho Luna LaweNupepa ana no Kjl Leo ma ka la 1 o Sept, a o Sam Kaanaana ana ke pani ma kona makalua. ! . John E. Bush, I