Ka Leo o ka Lahui, Volume II, Number 782, 3 October 1893 — MAI KA WAI ULAILIAHI MAI. [ARTICLE]

MAI KA WAI ULAILIAHI MAI.

Ua loaa mai ia kekahi. leta, ma kp mokuahi Iwalani, i ke ' ku ana mai i ke kakahiaka Sabati nei, mai kekahi mai o ko makou hoa'loha, e noho ana i ua aina kaili la ala, a eia na Qlelo. Mr. Lunahooponopono; Aloha oe: Ua nui ka hauoli o na makaiuaka o Kauai nei, i ka ike ana iho i ka hoike a Ka Leo, a me Ka Oiaīo no ke koho balota ana o ka Lahui, Ike Aupuni a lakou e makemake ai. . Nolaila, ke hoike aku ne-i na makaainana aloha alii o Kauai nei, i na ma ke koho balotg. ana e ai he aupuni hou, eia ka makou hoike ma ou 'la, e ka waha olelo o ka Lahui, ua lokahi makou a pau, e koho i ke Aupuni Moi, a oka Moiwahine Liliuokalani, oia ka mea nona ke Aupuni, aole he mea e kanalua ai. A e hoea i'o mai ana no hoi me ka hanohano o keia mau huaoielo moakaka penei: j Moiwahine Liliuokalani; l4 Long may she reign in happiness and' peaee.". E ola ka Moiwahine Liliuokalani i ke Akua, a e ola pu hoi na alakai o ka Lahui. Na ke Akua no e kokua mai ia kakou a pau. Kawaiulailiahi, Sept. 29, 1893.