Ka Leo o ka Lahui, Volume II, Number 842, 27 December 1893 — NA OULI LANI. [ARTICLE]

NA OULI LANI.

I ke ahiahi Poalua nei, ua ike ia kekahi ouli kamahao mai na paia Lani mai. I ka hora 5:25 p.m., ua ike ia aku la kekahi ao opua me kekahi ouli kamahao e like me keia kona ano. Aia ka opua i ike ia ma ke Komohana Hema, e ku ana keia opua e like me ke kulana o ka moku, a e kau ana he Hae Kalaunu ma ke kia mua, a ma ke kia hope he Hae Hawaii, a o ka mea e noho ana ilu na o ua moku ala he wahine. A he elima minute mahope iho, ua nalo ae la ua kii moku nei a me kona mau kahiko, a hoea mai la he kii o kekahi Kalaunui Nui, a ua kau pela no ekolu minute a nalo aku la. A hoea hou mai la he ao opua hou, i like loa me ke kulana o ka Hale Alii, a e ku ana ma ka aoao o ua Hale ala he mau koa, e paa ana me na laau Ihe, a he mau sekona a nalo aku la. Ma keia ouli i ike ia e ke kiai, ke hoakaka nei au, o neia mau ouli a pau i ike ia, he mea no ia e pili aua

i ke Aupuni Hawaii nei, a ua mao popo loa ko ke Akua aloha e hoi hou mai ana ke kulana Aupuni Alii o Hawaii nei, a o ka Moiwahine Liliuokalani ma ke Kalaunu Aka na ke au o ka manawa e hoike mai i keia ouli KILO OULI O KA MANAWA