Ka Leo o ka Lahui, Volume II, Number 905, 26 March 1894 — NU HOU KULOKO [ARTICLE]

NU HOU KULOKO

O KA LEO O KA LAHUI; oia no ka leo o ke Akua Kiekie Loa. He nui ka ua o na Kona, a ua ola ko laila mau kini i keia lokomaikai o ka Makua Kiekie Loa. Ua paniku ae nei na hale oihana ano nui o gela a me keia ano, ma ka Poalima Maikai o ka pule i hala. Ua hoopanee loa ia ka bila kanawai e pili ana i ka laikini ana i na Pake. Nuinui makau makou Pake Io! Ua hoopii iho nei ka Luna Nui o ka Nupepa "Star," i kekahi o kona poe uhi dala no ka aihue ana he 50 keneta. He kai mimiki ko Kahalulu, Kona, Hawaii, ma kekahi la o ka pule i hala. He elua hora a oi o keia mimiki ana. He 86 ka nui o na moho kuikui puupuu eae, mawaho ae o na moho e ake nei e hakaka laua, he mau kumu pili like ole ka keia poe. Ua hookuu ia mai he 300 a oi na sela manuwa Iapana ma ka Poaha o ka pule i hala. Kohu naonao keia poe ia lakou i pae mai ai. Ua lono mai makou, ua kauoha hou ia mai o Adminarala Kokalana, e hoi hou i Wasinetona, oia ke kumu o kona hiki ole ana mai ma keia moku. Aole nae i maopopo loa ka oiaio o keia. Ua male ia kekahi wahi kaikamahine o 12 a oi iki kona mau makahiki me kekahi haole, o Peel kona inoa, no Moanalua. Ua haalele keia kaikamahine a wahine a keia haole no ka hanaino. Ua la we ia mai oia e keia haole e hoopaa ia ma ka Halewai. Ua hookolokoloia oia a ua hoopai ia. He hookahi malama kona haalele ana i keia haole i kupono e kapaia ke makuakane nona. He hana kue kanawai maopopo loa keia. Ua hoike ae o Peresidena Dole i kona manao imua o ka halawai a na magoi ma ka Poaha o ka pule i hala, aole he hana kue i ke kanawai la Sapule ke puhi ia ka Bana ia la. Ua waiho mai na iliohae o ka halepule hoahu-pu, a hotele a ma o na aeahaukae he palapala hoopii, aole e ae ia ke puhi ohe i ka la Sapule. Ua waihoia keia mau mea apau i ke komite o na bila kanawai. Pilikia ke Sapule o ka poe lima lepo. Ua komo aihhue ia ka hale o kekahi kanaka Hawaii, ma ke awakea o ka Poalima o ka pule i hala, a lilo aku la he $120. Me kalaiwakaa keia hoa Hawaii, a o kana wahine hoi, ua hele ma kekahi wale e aku ma ia auinala. Ua hoikeia aku keia mea i ka Halewai. Ua komo aihue pu ia no ia po a ao ae [Poa ], ka Hale Kuai kika o ka Iapana e ku nei ma ke kihi o Beritania a me Nuuanu, a lilo aku la he $3, a oi aku, me na pahu kika, meaono, a mau waiwai e ae. Nui ka pilikia o keia mau makamaka.