Ka Leo o ka Lahui, Volume II, Number 974, 2 July 1894 — EIA AE A HIKI MAI. [ARTICLE]

EIA AE A HIKI MAI.

Ma ka la 30 o lune iho la i hala, ua hiki aku la hoi ka lono i ke Kuhina Nui o Enelani, e hoinoino ia ana ka inoa maikai o kona aupuni, a ua hoohaahaa ia hoi, mamuli o ka ae ia ana o, na aupuni e e lele . mai iuka nei e paikau ai, a hoole ia aku oia. E lilo ana ia mea, he kumu hana nui keia na keia aupuni P. G., a me he la e hiki mai ana kekahi Adimarala o Enelani mahope koke o ka loaa ana aku oke kauoha mamuli o keia hana. Aole makou e haohao ana ke ike ia aku kekahi moku Adimarala o Enelani iloko o ko kakou awa nei, mawaena o ka la eono a ka la umi o lulai. A me he la e ike ana kakou i ka io o keia mau hana like a na keiki misionari a me ka hoi o lakou i na kuono o lakou me he iole la, e like me ia a lakou i olelo hoohalike ai ia Enelani. Ua kupono loa keia olelo i ka mamo ai laau o na Paresaio, penei: O ka mea a ka Uhane ino e luku ai, e hoopupule mua ia no ia. A he oiaio keia no na kakoo o ka poe P. G., a me na luna oihana. Ua kohu anoe maoli no.