Ka Leo o ka Lahui, Volume II, Number 974, 2 July 1894 — Ka Makai Kiu Lau Omaomao. Ke Kaeaea o na kakai pali nihoniho o Misouri. KA MEA NANA I HOOHOKA KA POWA IEKE A ME KONA PUALI HOLOKOA. A I OLE Ke Aka kino wailua o ke kuluaumoe KA MEA NANA I HOOPAKELE NA KAMAHELE O KA PO. [ARTICLE]

Ka Makai Kiu Lau Omaomao.

Ke Kaeaea o na kakai pali nihoniho o Misouri.

KA MEA NANA I HOOHOKA KA POWA IEKE A ME KONA PUALI HOLOKOA. A I OLE Ke Aka kino wailua o ke kuluaumoe

KA MEA NANA I HOOPAKELE NA KAMAHELE O KA PO.

Ka mea nona ka Ipu kuikui kamahao lua ole.

I kekahi po pouli o ke Hooilo, i ka wa a na kulu paka ua mao ole e hoopulu ana i ka liko o na ululaau e hoopuni ana ma ka hema o Misouri, aia hoi ua halawai mai la ka mea nona keia hoonanea me kekahi o na olelo hoike ano nui. O kahi a ka mea nona keia moolelo e hoohala ana i kona mau la maluna o keia ili honua, aole no ia i mamao loa aku, mai ke taona aku o Lama; oiai oia kahi laukanaka iki, i oi ole aku no nae mamua o iwakalua ohana. Aia pu malaila he poe maluna o na lio, a o ka lakou hana oia no ka hookelakela ana i ko lakou mau kulana iho, a e hookahakaha mau ana hoi ma na alanui o ua wahi taona nei, me ko lakou manao ole o kekahi hoa o lakou e lealea pu nei oia no ka mea nana e hoopahua aku i ka lakou mau hana puuwai eleele. 1 kekahi po, aia hoi lohe aku la o — i kekahi leo e kahea ana: e wehe ae i kona aahu a e hookuu aku iaia i ke kula, oiai na konane ka mahina o keia po, a oia ka mea nana e hooi aku kona nani, a na kona mau kukuna e kiai iaia i na wa a pau, oiai hoi, oia nei ka mea nana kakou i hoopuhili mau, aka he oi aku ka pono e waiho ma lie no iaia iloko o keia keena pouliI kela manawa, ua hookolo aku la ka makai kiu me ke kali ole ma kahi o ka leo ana i lohe ai, a ua hoomaopopo koke iho la oia, o ka hana e manao ia ana e hana, he pepehi kanaka no ia. Nolaila ua lawe ae la oia i kona kulana makaukau, ma ka hoolilo ana ae i kona mau lima i wawae a kokolo aku la iloko o ke keena ana i lohe ai i ka leo. laia maloko o ua keena nei, aia hoi ike aku la oia i ua poe uhane ole nei e hoolala ana i ka lakou papahana e lawelawe ai maluna o ka lakou pio; ia manawa oia i hoolele aku ai i kona leo ma kahi aoao mai o ka hale, me he la he umi poe e kamailio ana i ka wa hookahi: na ia mea i hoopuiwa aku i ua poe nei. a holoke ae la lakou i o a ianei me ke kuekaa ana i ka mea nona ka leo.

He makehewa ke kamailio ana no ia mea, wahi a ko lakou poo alakai i pane mai ai, oia he mau leo hanehane wale no ia: nolaila, hookahi wale no a kakou hana o ka hoomakaukau a hele aku ma ka kakou huakai. Ia wa lakou i eu like ae ai a hoomaka mai la e hele, ua papa pono aku la ka malamalama o kekahi kukui maluna o lakou, me ka poha pu ana mai o ka leo kauoha: E ku aku, a mai nee hou mai imua. I ko lakou lohe ana i keia leo, ua loli koke ae la ko lakou mau helehelena mai ka hauoli a ke kaumaha; a lohe aku la hoi lakou i kekahi mau leo e kamailio ana: "He po maikai keia e Kime?" "Maikai no e Ieke, aka he keu nae a ka pouli." "Ua maopopo no ia'u aole o oe wale no, aka he poe okoa aku no kekahi." "He akua lapu, he akua lapu, aia ma o ua halawai me a'u." "He wa maikai ioa keia, e hana kakou i ka kakou hana ano." "Ea, he poe keiki kolohe keia," "Ahe, ahe, ahe, aole he mea e ae me ia, aka, oia wale no." "Ua makemake au e hopu pio ia ia." Aole i pau.