Ka Leo o ka Lahui, Volume II, Number 974, 2 July 1894 — HE MOOLELO HOONANEA NO Don M. Maseka. Ka Opio Iloko o na wiliau ana a ka Pahikaua, Ka Omole Laau Hamo Kupaianaha. A O NA MAKANA HIWAHIWA EKOLU. Ke Kavalia Maluna o ka Lio PUAKEA me na hao kila Mageneti ME NA KIAI PUKAUA EKOLU. [ARTICLE]

HE MOOLELO HOONANEA NO Don M. Maseka.

Ka Opio Iloko o na wiliau ana a ka Pahikaua,

Ka Omole Laau Hamo Kupaianaha.

A O NA MAKANA HIWAHIWA EKOLU.

Ke Kavalia Maluna o ka Lio PUAKEA me na hao kila Mageneti ME NA KIAI PUKAUA EKOLU.

MOKUNA VII. Na Hoomahie o ke Alo Alii. O ka hana hiki wale no paha ma ko makou aoao i ka hoopakele ana ae ia oe, oia no ka noho malie ana me ka lanakila. a i na hoi makou e lawe ae ana i na kulana a pau o ka hoopakele ana ae ia oe, alaila, o makou pu ana keka e komopoo aku ana iloko o ka naele o Alakai, i pane koke aku ai ka kakou opio i ua kanaka nei. Alaila, o ka'u e hoomaopopo nei, me he me mea 'la, aia au iloko o ka —wahi a ua kanaka nei i puana ae ai me ke ano haalulu. E hana aku oukou e na keonimana e like me ko oukou makemake, aole loa o'u kuleana e hoopuke le ae ai i keia kanaka. O ka maka mua loa o ko'u ike ana i keia kanaka oia no kona hele ana mai nei ianei i keia kakahiaka e koi ai i ka uku hoolimalima o kona hale. Aoanei pela? E pane koke mai oe ano, wahi a Don Maseka i pane aku ai. He mea oiaio no ia au i kamailio ae'la, aka, aole loa nae ae i—wahi a ua kanaka nei. E noho malie oe no na mea e pili ana iaʻu! E pani kou waha no na mea e pili ana i ko u mau hoaloha! A e mumule hoi me ka pane leo ole ae i kekahi mea no ka Moiwahine. A i ole oe e hana pela, alaila, o ko kakou papau iho la no ia he aa ko ka hale. E hele koke e na keonimana. a e lawe pu aku hoi i keia kanaka, i pane hou ae ai Don Maseka. Ae, i keia wu a ka kakou opio e kamailio nei. ua ono ia aku la e ia keia kanaka a noho ana i ke pu-

hi o ka paa ana mai i ka hopu ia e na koa me ka puana ana aku hoi i keia mau huaolelo me ka leo nui: Ma ka inoa la ona diabolo a pau o ka po, he oi oe a ke kanaka lapuwale a me ka haukae maopopo. Ua hele mua mai nei oe e noi dalo ia'u i keia kakahiaka-a e paa pio pu hoi me oe! Ea, ena keonimana, e lawe koke aku oukou i keia kanaka, a ina e loaa ana iaia na haawina o ka lapu ia ana e na akua lapu a pau o ka po-aole ia he mea e hookaawale ae ai i ko oukou hoopaa ana iaia me ka hao. A oiai oia iloko oia kulana, malia paha o loaa mai ia'u he wa e uku aku ai i ko'u aie iaia. O na manao hauoli me ka pihoihoi, oia kai pahola koke ae iwaena o ua poe koa nei i ka wa i haawi pio ia aku ai o keia kanaka e ka k:.kou opio. a oia koke no ka wa i lalau ia mai ai o ka lakou mea i makemake ai a lawe ia aku la. A oiai iakou ina ke kulana o ka lawe ana iaia ua pai aku la ka kakou Don Maseka ma ke kipoohiwi o ke alakai o ua poe koa nei a pane mai la: Aole anei he mea pono ia kakou e inu i ke ola o kekahi me kekahi? oiai oia i ninini iho ai ina kiaha a piha me ka waina. He haawi ana mai ia ia'u i na ho. ohanohano ana he nui. wahi a ua alakai nei o ka poe koa, Ke kauohaia aku nei ka poe la we ma ka mahina o Ka Leo o ka I.ahui ;, e noi i ka oukou bila hookaa i ka oukou mau Luna i ko oukou hookaa ana mai i ke ola o ka wahaolelo ma ka aoao o kLahui. E hoouna aku ana makou i kekahi mea nana e hele aku e ohi i ka poe a makou e ike ana aole i hookaa mai i ke ola o keia pepa. E hoolohe i keia e ko makou mau makamaka. Ke hoike aku nei o Kauka Apanaa imua o ke akea, e hoonee aku ana oia i kona Hale Kauka ma uka iki aku o kahi ana i noho mua iho nei, e kuponoala ma Waikiki o ka Hale Kaawai Pake Helu 5; e ku nei ma ke Alanui Maunakea, ma ka la 12 o Mei nei. Ke kono aku nei oia i kana poe mai e makaala a kia. o huhewa auanei. E loaa no na Papale mau no ka la Heihei Lio nui o June 11: ma ka Hale Kuai o N. S. Sachs, ma na kumukuai i hoemiia iho, mai ko na Wahine a ko na Kamalii. E loaa no na papale Sela i hoonaniia a maikai no ka 75 keneta a pii aku O na Papale i hoonani ole ia. ua , emi iho a ka 25 keneta. E kipa mua ae malaila e ninau ai no keia mau Papale

Nui ka poe i hiki mai i komakou nei Keena no ke kii ana mai, i ka ana Aina Kaulana Hon. R. W. Wilikoki; e hele e ana i ko lakou mau Aina i nalowale na pa lena. Ua hoopau ia keia pilikia o ko kakou mau makamaka. manouli o ko R. W. Wilikoki ana ana, a hookaa aku imua o na makamaka ika mea pololei. E loaa no ia ma ka aoao ma Waikiki o ke Alanui Alakea, mawaena o ke Alanui Moi a me Kalepa, a i ole ma ke Keena o Ka Leo a me ka Oiaio.